Números 21:8 - Li Santil hu

⁸ Ut li Ka̱cuaꞌ quixye re laj Moisés: —Ta̱yi̱b junak li cꞌantiꞌ chꞌi̱chꞌ ut ta̱taksi saꞌ ruꞌuj junak cheꞌ. Ut chixjunileb li teꞌtiꞌekꞌ naru teꞌril li cꞌantiꞌ li ta̱yi̱b re nak incꞌaꞌ teꞌca̱mk, chan li Dios.

Q'eqchi Bible

⁸ ut li Qaawa' kixye re laj Moisés: “Yiib' junaq k'anti' xkomoneb' li neke'kamsink ut taqsi chi ru'uj junaq che'. Chixjunil li tiwb'il xb'aan junaq k'anti', taak'iraaq naq taaril a'an”, chan.

Números 21:8 ပူးပေါင်းရင်းမြစ်များ

San Juan 3:14

Nak toj cuanqueb laj judío saꞌ li chaki chꞌochꞌ, laj Moisés quixtaksi chiru jun cheꞌ jun li cꞌantiꞌ yi̱banbil riqꞌuin li chꞌi̱chꞌ bronce. Joꞌcan ajcuiꞌ la̱in li Cꞌajolbej. Tento nak tintaksi̱k chiru jun li cheꞌ,

Salmos 145:8

Li nimajcual Dios, aꞌan cha̱bil ut junelic na-uxta̱nan u. Incꞌaꞌ najoskꞌoꞌ saꞌ junpa̱t. Kꞌaxal nim ban li ruxta̱n.

2 Reyes 18:4

Laj Ezequías quixjuqꞌui li naꞌajej najt xteram li nequeꞌxlokꞌoni cuiꞌ li yi̱banbil dios. Quixjori li ni̱nki jalam u̱ch Asera xcꞌabaꞌ. Ut quixpuqꞌui li yi̱banbil dios. Ut quixjori ajcuiꞌ li cꞌantiꞌ yi̱banbil riqꞌuin bronce li quixyi̱b laj Moisés xban nak eb laj Israel yo̱queb chixcꞌatbal lix incienso chiru. Nehustán quiqꞌueheꞌ chokꞌ xcꞌabaꞌ li cꞌantiꞌ aꞌan.

Isaías 14:29

La̱ex aj filisteo, misahoꞌ saꞌ e̱chꞌo̱l nak xtokeꞌ li cheꞌ li xexsaqꞌueꞌ cuiꞌ. Nak nacam jun li cꞌantiꞌ, nachal chokꞌ re̱kaj jun chic li cꞌantiꞌ kꞌaxal yibru chiru li quicuan junxil. Nak ta̱mok lix mol li cꞌantiꞌ, ta̱yoꞌla̱k jun li cꞌantiꞌ li napiscꞌoc. Li cꞌantiꞌ aꞌan kꞌaxal xiu xiu.

Isaías 30:6

Aꞌan aꞌin li esilal chirixeb li xul li cuanqueb Neguev. Li Neguev, aꞌan jun li naꞌajej xiu xiu numecꞌ cuiꞌ xban nak aran cuanqueb li cakcoj ut li cꞌantiꞌ li kꞌaxal se̱b chi a̱linac ut li cꞌantiꞌ li napiscꞌoc chi junpa̱t. Eb laj Israel yo̱queb chi numecꞌ aran re teꞌxic Egipto chixpatzꞌbal lix tenkꞌanquil. Yo̱queb chixcꞌambal chirix bu̱r ut camello lix biomaleb re teꞌxqꞌue reheb laj Egipto. Abanan eb laj Egipto moco teꞌxtenkꞌaheb ta.

Isaías 45:22

Cha̱lkex cuiqꞌuin re nak texcolekꞌ che̱junilex li cuanquex saꞌ ruchichꞌochꞌ xban nak la̱in li tzꞌakal Dios ut ma̱cꞌaꞌ chic junak dios. Caꞌaj cuiꞌ la̱in.