Números 21:7 - Li Santil hu

⁷ Eb li cristian queꞌcuulac riqꞌuin laj Moisés ut queꞌxye re: —La̱o xoma̱cob nak xkacuechꞌi rix li Dios ut xoma̱cob ajcuiꞌ nak xatkacuechꞌi la̱at. Chatzꞌa̱ma chiru li Dios nak ta̱risiheb saꞌ kaya̱nk li cꞌantiꞌ aꞌin, chanqueb. Ut laj Moisés quitijoc chirixeb li tenamit.

Q'eqchi Bible

⁷ Toja' naq eb' li tenamit ke'wulak rik'in laj Moisés chi xyeeb'al: “Xoomaakob'k, xqawech' rix li Qaawa' ut laa'at. Tz'aaman, elajin chiqix chiru li Qaawa', re naq trisiheb' sa' qayanq eb' li k'anti'”, chankeb'. Laj Moisés kitijok chirixeb' li tenamit,

Números 21:7 ပူးပေါင်းရင်းမြစ်များ

Hechos 8:24

Quichakꞌoc laj Simón ut quixye: —Chextijok chicuix chiru li Ka̱cuaꞌ re nak incꞌaꞌ tincꞌul joꞌ xaye la̱at, chan.

Salmos 78:34

Nequeꞌril nak li Dios naxcanabeb chi ca̱mc, tojeꞌ nak nequeꞌoc chixsicꞌbal li Dios. Nayotꞌeꞌ xchꞌo̱leb ut nequeꞌxtzꞌa̱ma xtenkꞌanquileb chiru.

Números 11:2

Eb laj Israel queꞌxjap re chixtzꞌa̱manquil xtenkꞌanquileb chiru laj Moisés. Ut laj Moisés quixtzꞌa̱ma xtenkꞌanquileb chiru li Ka̱cuaꞌ ut li xam quichup.

Éxodo 8:8

Tojoꞌnak laj faraón quixbok laj Moisés ut laj Aarón. Quixye reheb: —Te̱tzꞌa̱ma chiru li Ka̱cuaꞌ Dios nak ta̱risi chixjunil li amoch cuiqꞌuin joꞌ ajcuiꞌ riqꞌuineb lin tenamit. Ut la̱in tincanabeb chi xic laj Israel re nak teꞌxic chi mayejac chiru li Dios, chan.

1 Reyes 13:6

Li rey Jeroboam quixye re lix profeta li Dios: —Nintzꞌa̱ma cha̱cuu nak tattijok chiru li Ka̱cuaꞌ la̱ Dios ut ta̱tzꞌa̱ma chiru nak tixqꞌuirtesi li cuukꞌ, chan. Ut lix profeta li Dios quitijoc chiru li Ka̱cuaꞌ ut li rukꞌ li rey quiqꞌuira ut quicana joꞌ nak quicuan junxil.

Éxodo 8:28

Laj faraón quixye re: —La̱in texincanab chi xic. Mayejankex chak chiru le̱ Dios saꞌ li chaki chꞌochꞌ. Aban incꞌaꞌ mas najt texxic. Textijok ajcuiꞌ chicuix, chan laj faraón.

Santiago 5:16

Chechꞌolobak biꞌ le̱ ma̱c che̱ribil e̱rib ut chextijok che̱ribil e̱rib re nak texqꞌuirtesi̱k. Li ani ti̱c xchꞌo̱l natijoc chi anchal xchꞌo̱l ut lix tij na-abi̱c xban li Dios.

Romanos 10:1

Ex inherma̱n, relic chi ya̱l nacuaj nak eb laj Israel teꞌcolekꞌ. Aꞌan li nintzꞌa̱ma junelic chiru li Dios.

San Mateo 27:4

Quixye reheb: —Xinma̱cob nak xinkꞌaxtesi e̱re li cui̱nk aꞌin xban nak ma̱cꞌaꞌ xma̱c, chan. Aꞌut eb aꞌan queꞌxye re: —¿Cꞌaꞌ takaj re la̱o? Il cꞌaꞌru ta̱ba̱nu.—

Oseas 5:15

Tintzꞌekta̱naheb ut tincanabeb xjuneseb toj teꞌxqꞌue retal lix ma̱queb ut teꞌoc chinsicꞌbal. Toj cuanqueb saꞌ raylal, tojoꞌnak teꞌxqꞌue retal lix ma̱usilaleb ut teꞌsukꞌi̱k cuiqꞌuin, chan li Ka̱cuaꞌ.

Jeremías 37:3

Li rey Sedequías quixtakla laj Jucal li ralal laj Selemías riqꞌuin li profeta Jeremías rochben laj Sofonías laj tij li ralal laj Maasías. Ut queꞌxye re laj Jeremías: —Chattijok chikix chiru li Ka̱cuaꞌ li kaDios, chanqueb.

Jeremías 15:1

Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.

Salmos 106:23

Li Dios quixye nak tixsach ruheb laj Israel lix tenamit. Abanan laj Moisés li sicꞌbil ru xban quia̱tinac chirixeb re nak li Dios incꞌaꞌ tixsach ruheb. Ut quinumeꞌ caꞌchꞌin lix joskꞌil li Dios saꞌ xbe̱neb ut incꞌaꞌ quixsach ruheb.

Li xHu LAJ JOB 42:10

Nak ac xrakeꞌ chi tijoc laj Job chirixeb li rami̱g, li Ka̱cuaꞌ quirisi li raylal saꞌ xbe̱n. Quixqꞌue cuiꞌchic li cꞌaꞌru re. Caꞌ sut chic xqꞌuial li cꞌaꞌru re quixqꞌue chiru li quicuan junxil.

Li xHu LAJ JOB 42:8

Anakcuan te̱cꞌam cuukub li toro ut cuukub li carner te̱lom ut texxic riqꞌuin laj Job, laj cꞌanjel chicuu re nak aꞌan ta̱mayejak saꞌ e̱cꞌabaꞌ la̱ex. Laj Job ta̱tijok che̱rix ut la̱in tincuabi lix tij. Ma̱cꞌaꞌ tinba̱nu e̱re usta e̱cꞌulub xtojbal rix le̱ ma̱c xban nak incꞌaꞌ xeye li ya̱l chicuix joꞌ xba̱nu laj Job, chan li Dios.

1 Samuel 15:30

Laj Saúl quixye re: —La̱in xinma̱cob. Abanan nintzꞌa̱ma cha̱cuu nak ta̱qꞌue inlokꞌal chiruheb li nequeꞌcꞌamoc be chiruheb lin tenamit Israel ut chiruheb ajcuiꞌ chixjunileb li tenamit. Tatsukꞌi̱k cuochben re nak tinlokꞌoni li Ka̱cuaꞌ la̱ Dios, chan.

1 Samuel 15:24

Tojoꞌnak laj Saúl quixye re laj Samuel: —La̱in xinma̱cob. Xinkꞌet li ra̱tin li Dios ut xinkꞌet ajcuiꞌ la̱ cua̱tin la̱at. Xban nak xinxucuac chiruheb li tenamit, joꞌcan nak xinba̱nu li cꞌaꞌru xeꞌxye. Ba̱nu usilal, chacuy inma̱c.

Deuteronomio 9:20

Ut quijoskꞌoꞌ ajcuiꞌ li Ka̱cuaꞌ riqꞌuin laj Aarón ut quiraj xsachbal. Abanan la̱in quintijoc chirix laj Aarón re nak ta̱colekꞌ.

Éxodo 32:30

Joꞌ cuulajak chic laj Moisés quixye reheb li tenamit: —La̱ex xexma̱cob. Anakcuan tintakekꞌ saꞌ li tzu̱l bar cuan cuiꞌ li Ka̱cuaꞌ Dios. Tintzꞌa̱ma chak e̱cuybal chiru li Dios ut ma̱re ta̱cuyekꞌ e̱ma̱c, chan.

Éxodo 32:11

Laj Moisés quixtzꞌa̱ma chiru li Ka̱cuaꞌ Dios ut quixye re: —At Ka̱cuaꞌ Dios, ¿cꞌaꞌut nak mas xchal la̱ joskꞌil saꞌ xbe̱neb la̱ tenamit? Riqꞌuin lix nimal a̱cuanquilal xacuisiheb chak saꞌ li tenamit Egipto.

Génesis 20:7

Ut anakcuan ta̱kꞌaxtesi li ixk aꞌin riqꞌuin lix be̱lom. Laj Abraham aꞌan jun li profeta li nayehoc re li cua̱tin ut aꞌan ta̱tijok cha̱cuix re nak incꞌaꞌ tatca̱mk. Abanan cui incꞌaꞌ nacakꞌaxtesi li ixk aꞌin, la̱at tatca̱mk, joꞌ eb ajcuiꞌ la̱ comon, chan li Dios.

Génesis 20:17

Xban li cꞌaꞌru quicꞌulman riqꞌuin lix Sara, li Ka̱cuaꞌ Dios quixtakla jun li yajel saꞌ xbe̱neb chixjunileb li cuanqueb saꞌ rochoch laj Abimelec re nak eb aꞌan incꞌaꞌ teꞌcua̱nk xcocꞌaleb. Laj Abraham quitijoc chiru li Dios chirixeb. Li Dios quirabi ut quixqꞌuirtesiheb chixjunileb li cuanqueb saꞌ rochoch laj Abimelec re nak teꞌcua̱nk xcocꞌaleb ut quixqꞌuirtesiheb ajcuiꞌ lix mo̱seb.

2 Reyes 13:4

Laj Joacaz quitijoc chiru li Ka̱cuaꞌ ut quixtzꞌa̱ma xtenkꞌanquileb. Ut li Ka̱cuaꞌ quixsume lix tij xban nak quiril nak yo̱queb chi rahobtesi̱c laj Israel xban laj Hazael lix reyeb laj Siria.

Isaías 26:16

At Ka̱cuaꞌ, la̱at coa̱qꞌue chixtojbal li kama̱c ut cotijoc cha̱cuu. Nak yo̱co chixcꞌulbal li raylal, xkatzꞌa̱ma katenkꞌanquil a̱cue.

Éxodo 8:4

Telajeꞌpiscꞌok cha̱cuix la̱at joꞌ ajcuiꞌ chirixeb chixjunileb li tenamit. Telajeꞌpiscꞌok ajcuiꞌ chirixeb la̱ mo̱s”, chan li Dios.

Éxodo 10:17

Tintzꞌa̱ma che̱ru, caꞌaj chic anakcuan te̱cuy inma̱c ut chetzꞌa̱ma chiru le̱ Dios nak ta̱risi li raylal aꞌin saꞌ kabe̱n nak toj ma̱jiꞌ nococam, chan.