Números 21:33 - Li Santil hu

³³ Chirix aꞌan eb laj Israel queꞌco̱eb saꞌ li be li naxic Basán. Ut laj Og lix reyeb laj Basán rochbeneb lix soldado queꞌco̱eb chi pletic riqꞌuineb saꞌ li naꞌajej Edrei.

Q'eqchi Bible

³³ Chirix chik a'an ke'sutq'iik chaq ut koheb' sa' li b'e naxik Basán; a'ut laj Og, awab'ej re Basán, ki'elk chaq chi xk'ulb'aleb' laj Israel, rochb'een chixjunileb' li xpoyanam, re yalok sa' li na'ajej Edreí xk'ab'a'.

Números 21:33 ပူးပေါင်းရင်းမြစ်များ

Josué 13:12

Queꞌxcꞌul chokꞌ reheb chixjunil li naꞌajej Basán, li quicuan rubel xcuanquil laj Og, li quicuan chokꞌ rey aran Astarot ut Edrei. Laj Og, aꞌan jun reheb laj refaítas, li queꞌcoleꞌ nak laj Moisés quinumta saꞌ xbe̱neb nak quirisiheb saꞌ li naꞌajej aꞌan.

Deuteronomio 29:7

Ut nak xocꞌulun saꞌ li naꞌajej aꞌin, laj Sehón lix reyeb laj Hesbón ut laj Og lix reyeb laj Basán queꞌchal chi pletic kiqꞌuin. Abanan la̱o xonumta saꞌ xbe̱neb.

Deuteronomio 1:4

Aꞌin quicꞌulman nak ac xeꞌnumta saꞌ xbe̱n laj Sehón lix reyeb laj amorreo, li quicuan Hesbón ut saꞌ xbe̱n ajcuiꞌ laj Og lix reyeb laj Basán li quicuan Astarot saꞌ li naꞌajej Edrei.

Amós 4:1

Abihomak ex ixk aj Samaria. Chanchanex li cuacax aran Basán, li ni̱nkeb ut chꞌolaninbil chi us. La̱ex nequerahobtesi li ma̱cꞌaꞌeb xcuanquil ut eb li nebaꞌ. Ut nequetaklaheb le̱ be̱lom chixcꞌambal e̱vino re te̱rucꞌ.

Ezequiel 39:18

Teꞌxtiu xtibeleb li ni̱nkeb xcuanquil, ut teꞌrucꞌ xquiqꞌueleb li queꞌtaklan saꞌ ruchichꞌochꞌ. Chanchanakeb li carner ut li toro ut li chiba̱t, li queꞌqꞌuiresi̱c Basán, li ni̱nkeb xtibel.

Ezequiel 27:6

Ut eb li cheꞌ re xberesinquil li jucub queꞌyi̱ba̱c riqꞌuin li ji li quicꞌameꞌ chak Basán. Ut li cheꞌ li yi̱banbil cuiꞌ li tem, aꞌan chaj li quicꞌameꞌ chak Quitim. Qꞌuebil lix sahob ru li tem riqꞌuin marfil.

Isaías 33:9

Ma̱cꞌaꞌ chic li acui̱mk saꞌ lix chꞌochꞌeb. Kꞌaxal ra saꞌ xchꞌo̱l li naꞌajej. Quicꞌuteꞌ xxuta̱n li tenamit Líbano. Ut li ru takꞌa Sarón quisukꞌisi̱c chaki chꞌochꞌ. Ma̱cꞌaꞌ chic xxak li cheꞌ li cuan Basán, chi moco cuan xxak li cheꞌ li cuan saꞌ li tzu̱l Carmelo.

Salmos 68:15

Li tzu̱l li cuanqueb saꞌ li naꞌajej Basán kꞌaxal najt xterameb ut kꞌaxal chꞌinaꞌuseb.

Salmos 22:12

Eb li xicꞌ nequeꞌiloc cue, sutsu̱quin xbaneb. Chanchaneb li qꞌuila toro. Chanchaneb li joskꞌ aj toro li nequeꞌchal chak saꞌ li naꞌajej Basán.

Josué 13:30

Li naꞌajej aꞌan naticla chak toj saꞌ li tenamit Mahanaim, ut quiqꞌueheꞌ reheb chixjunil li naꞌajej Basán, ut chixjunil li naꞌajej li quicuan rubel xcuanquil laj Og lix reyeb laj Basán, ut chixjunileb li cocꞌ tenamit li cuanqueb saꞌ xcue̱nt Jair, li cuan saꞌ li naꞌajej Basán. Oxcꞌa̱l (60) chixjunil li tenamit li quiqꞌueheꞌ reheb li yijach li ralal xcꞌajol laj Manasés.

Josué 12:4

Laj Og li rey re Basán, aꞌan jun xcomoneb li queꞌchal chak saꞌ li naꞌajej Refaim. Laj Og quicuan aran Astarot ut Edrei.

Josué 9:10

Ut xkabi ajcuiꞌ resil li quixba̱nu reheb li cuib chi rey li queꞌcuan chokꞌ xreyeb laj amorreo li cuanqueb jun pacꞌal li nimaꞌ Jordán. Xkabi resil nak queꞌsach ruheb li rey Sehón aran Hesbón ut laj Og, lix rey eb laj Basán, li quicuan Astarot.

Deuteronomio 32:14

Quixqꞌue le̱ cuacax re ta̱cua̱nk le̱ leche ut le̱ queso. Quixqꞌue le̱ cha̱bil carner ut chiba̱t li cuanqueb Basán re nak ta̱cua̱nk le̱ tib. Ut quixqꞌue ajcuiꞌ li cha̱bil trigo. Ut querucꞌ li xyaꞌal li uvas li chanchan quicꞌ xban xcakal.

Deuteronomio 4:47

Eb laj Israel queꞌre̱chani lix naꞌaj li rey Sehón ut queꞌre̱chani ajcuiꞌ lix naꞌaj laj Og lix reyeb laj Basán. Aꞌaneb li cuib xreyeb laj amorreo li queꞌcuan jun pacꞌal li nimaꞌ Jordán saꞌ li este.

Números 32:33

Joꞌcan nak laj Moisés quixqꞌue lix naꞌaj laj Sehón lix reyeb laj amorreo ut lix naꞌaj laj Og lix reyeb laj Basán reheb li ralal xcꞌajol laj Gad, ut reheb li ralal xcꞌajol laj Rubén ut reheb ajcuiꞌ yijach li ralal xcꞌajol laj Manasés li ralal laj José. Quixqꞌue ajcuiꞌ reheb li tenamit ut eb li cocꞌ cꞌaleba̱l li cuanqueb chi xjun sutam.

Salmos 68:22

Li Ka̱cuaꞌ quixye: —La̱in texcuisi saꞌ li naꞌajej Basán ut texinnumsi saꞌ li palau li kꞌaxal cham ut texincꞌam cuiꞌchic saꞌ le̱ naꞌaj.

Salmos 135:11

Quixqꞌue chi camsi̱c laj Sehón lix reyeb laj amorreo. Quixqꞌue chi camsi̱c laj Og lix reyeb laj Basán. Ut quixqꞌueheb ajcuiꞌ chi camsi̱c chixjunileb li rey li queꞌcuan Canaán.

Salmos 136:20

Aꞌan li quiqꞌuehoc re chi camsi̱c laj Og lix reyeb laj Basán xban nak kꞌaxal nim li ruxta̱n saꞌ kabe̱n junelic.

Deuteronomio 2:30

Abanan laj Sehón lix reyeb laj Hesbón incꞌaꞌ coxcanab chi numecꞌ xban nak li Ka̱cuaꞌ le̱ Dios quixcacuubresi xchꞌo̱l re nak tixkꞌaxtesi saꞌ kukꞌ li naꞌajej toj chalen anakcuan.