Números 21:24 - Li Santil hu

²⁴ Ut laj Israel queꞌnumta saꞌ xbe̱neb. Queꞌxchap lix naꞌaj laj Sehón, li naticla Arnón ut nacuulac toj Jaboc. Queꞌcuulac saꞌ li nuba̱l re lix naꞌajeb li ralal xcꞌajol laj Amón. Li nuba̱l aꞌan yi̱banbil chi us re nak eb laj Amón teꞌxcol ribeb.

Q'eqchi Bible

²⁴ Ab'an eb' laj Israel ke'xkamsiheb' chi ch'iich' ut ke'reechani li xch'och'eb' chalen Arnón toj Yabok, toj sa' xnub'ajleb' laj Amón (xb'aan naq Jaser wank sa' xnub'ajleb' laj Amón).

Números 21:24 ပူးပေါင်းရင်းမြစ်များ

Amós 2:9

Abanan re e̱colbal la̱ex aj Israel xebinsach laj amorreo, usta kꞌaxal ni̱nkeb rok, joꞌ li caki cheꞌ chacalteꞌ. Usta kꞌaxal cau ribeb joꞌ li ji, xebinsach chi junaj cua.

Salmos 136:19

Aꞌan li quiqꞌuehoc re chi camsi̱c laj Sehón lix reyeb laj amorreo xban nak kꞌaxal nim li ruxta̱n saꞌ kabe̱n junelic.

Nehemías 9:22

La̱at cakꞌaxtesiheb li tenamit saꞌ rukꞌeb rochbeneb lix reyeb. Queꞌre̱chani chixjunil li naꞌajej Hesbón bar quicuan cuiꞌ li rey Sehón, joꞌ ajcuiꞌ li naꞌajej Basán bar quicuan cuiꞌ li rey Og.

Josué 24:8

Chirix aꞌan quexincꞌam saꞌ lix naꞌajeb laj amorreo li queꞌcuan jun pacꞌal li nimaꞌ Jordán saꞌ li este bar na-el chak li sakꞌe. Eb aꞌan queꞌpletic e̱riqꞌuin, abanan la̱in quexintenkꞌa chi numta̱c saꞌ xbe̱neb. La̱in quexintenkꞌa chixsachbal ruheb ut quere̱chani lix naꞌajeb.

Génesis 32:22

Saꞌ ajcuiꞌ li kꞌojyi̱n aꞌan, laj Jacob quicuacli ut quixtaklaheb chi xcabichal li rixakil jun pacꞌal li nimaꞌ Jaboc. Quixtaklaheb ajcuiꞌ li cuib chi mo̱s ixk joꞌ ajcuiꞌ li ralal junlaju.

Jueces 21:8

Ut queꞌxye chi ribileb rib: —¿Ma cuanqueb saꞌ xya̱nkeb li ralal xcꞌajol laj Israel li incꞌaꞌ queꞌxchꞌutub ribeb chiru li Ka̱cuaꞌ arin Mizpa? chanqueb. Ut queꞌxqꞌue retal nak eb li cuanqueb Jabes-galaad incꞌaꞌ queꞌcuan aran nak queꞌxchꞌutub ribeb.

Josué 9:10

Ut xkabi ajcuiꞌ resil li quixba̱nu reheb li cuib chi rey li queꞌcuan chokꞌ xreyeb laj amorreo li cuanqueb jun pacꞌal li nimaꞌ Jordán. Xkabi resil nak queꞌsach ruheb li rey Sehón aran Hesbón ut laj Og, lix rey eb laj Basán, li quicuan Astarot.

Deuteronomio 29:7

Ut nak xocꞌulun saꞌ li naꞌajej aꞌin, laj Sehón lix reyeb laj Hesbón ut laj Og lix reyeb laj Basán queꞌchal chi pletic kiqꞌuin. Abanan la̱o xonumta saꞌ xbe̱neb.

Deuteronomio 3:16

Ut reheb li ralal xcꞌajol laj Rubén ut eb li ralal xcꞌajol laj Gad quinqꞌue li naꞌajej li naticla Galaad ut nacuulac toj saꞌ li nimaꞌ Arnón ut nacuulac cuan cuiꞌ li nimaꞌ Jaboc li nuba̱l re lix naꞌajeb li ralal xcꞌajol laj Amón.

Números 21:13

Nak queꞌel saꞌ li ru takꞌa re Zered, queꞌco̱eb jun pacꞌal li nimaꞌ Arnón saꞌ li naꞌajej li cuan saꞌ li chaki chꞌochꞌ nachꞌ riqꞌuin lix naꞌajeb laj Moab. Li nimaꞌ Arnón, aꞌan li nuba̱l re lix naꞌajeb laj Moab ut eb laj amorreo.

Josué 13:12

Queꞌxcꞌul chokꞌ reheb chixjunil li naꞌajej Basán, li quicuan rubel xcuanquil laj Og, li quicuan chokꞌ rey aran Astarot ut Edrei. Laj Og, aꞌan jun reheb laj refaítas, li queꞌcoleꞌ nak laj Moisés quinumta saꞌ xbe̱neb nak quirisiheb saꞌ li naꞌajej aꞌan.

Jueces 11:13

Lix reyeb laj Amón quixye reheb lix takl laj Jefté: —Nak queꞌel chak Egipto, eb laj Israel queꞌrelkꞌa lin chꞌochꞌ. Naticla saꞌ li nimaꞌ Arnón. Nacuulac toj saꞌ li nimaꞌ Jaboc ut toj saꞌ li nimaꞌ Jordán. Nintzꞌa̱ma che̱ru nak te̱kꞌaxtesi ke saꞌ xya̱lal, chan.

Deuteronomio 1:4

Aꞌin quicꞌulman nak ac xeꞌnumta saꞌ xbe̱n laj Sehón lix reyeb laj amorreo, li quicuan Hesbón ut saꞌ xbe̱n ajcuiꞌ laj Og lix reyeb laj Basán li quicuan Astarot saꞌ li naꞌajej Edrei.

Deuteronomio 4:46

Toj cuanqueb jun pacꞌal li nimaꞌ Jordán saꞌ li este chiru li tenamit Bet-peor. Aꞌan lix naꞌaj laj Sehón lix reyeb laj amorreo. Laj Sehón quicuan chi takla̱nc aran Hesbón. Nak queꞌel chak Egipto, laj Moisés ut eb laj Israel queꞌnumta saꞌ xbe̱n li rey Sehón.

Deuteronomio 31:4

Li Ka̱cuaꞌ tixba̱nu reheb li tenamit aꞌin joꞌ quixba̱nu reheb laj Sehón ut laj Og, lix reyeb laj amorreo. Quixsach ruheb aꞌan, joꞌ ajcuiꞌ lix tenamiteb.

Jueces 10:11

Li Ka̱cuaꞌ quixye reheb: —¿Ma incꞌaꞌ ta biꞌ quexrahobtesi̱c xbaneb laj Egipto ut eb laj amorreo? ¿Ma incꞌaꞌ ta biꞌ quexrahobtesi̱c xbaneb laj Amón ut xbaneb laj filisteo?