Números 21:2 - Li Santil hu

² Joꞌcan nak eb laj Israel riqꞌuin juramento queꞌxye re li Dios: —Cui ta̱kꞌaxtesiheb saꞌ kukꞌ li tenamit aꞌin, la̱o takasach chi junaj cua lix tenamiteb, chanqueb.

Q'eqchi Bible

² Toja' naq laj Israel kixye sa' jurament re li Qaawa': “Wi taaq'axtesi eb' li poyanam a'an sa' wuq', tinsach ruheb' chi junajwa li xtenamiteb'”, chan.

Números 21:2 ပူးပေါင်းရင်းမြစ်များ

Jueces 11:30

Ut laj Jefté quixye re li Ka̱cuaꞌ: —Xakꞌaxtesi ta saꞌ cuukꞌ eb li ralal xcꞌajol laj Amón.

Génesis 28:20

Ut laj Jacob quixye: —Cui li Ka̱cuaꞌ Dios ta̱beresi̱nk cue ut ta̱ilok cue, ut cui aꞌan tixqꞌue cue lin tzacae̱mk joꞌ ajcuiꞌ li cuakꞌ, la̱in tinlokꞌoni aꞌan.

Salmos 132:2

Chijulticokꞌ taxak a̱cue li juramento li quixba̱nu a̱cuiqꞌuin la̱at li nimajcual Dios li quixlokꞌoni laj Jacob.

Salmos 116:18

La̱in tinqꞌue re li Ka̱cuaꞌ li cꞌaꞌru xinyechiꞌi re. Tinba̱nu chiruheb lix tenamit li Ka̱cuaꞌ nak chꞌutchꞌu̱keb.

1 Samuel 1:11

Quitijoc chiru li Dios ut quixye: —At nimajcual Dios, chacuil taxak xtokꞌoba̱l cuu xban nak cꞌajoꞌ xrahil saꞌ inchꞌo̱l. Chinjulticokꞌ taxak a̱cue ut incꞌaꞌ taxak ta̱sachk saꞌ a̱chꞌo̱l. Ta̱qꞌue taxak junak incꞌulaꞌal te̱lom ut la̱in tinkꞌaxtesi ajcuiꞌ a̱cue chalen nak ta̱yoꞌla̱k toj chirix lix camic ut incꞌaꞌ ta̱besma̱nk li rismal xjolom, chan.

Josué 6:26

Saꞌ eb li cutan aꞌan laj Josué quixba̱nu jun li juramento ut quixye: —Raylal ta chiqꞌuehekꞌ saꞌ xbe̱n xban li Ka̱cuaꞌ li ani ta̱oc cuiꞌchic chixcuaclesinquil li tenamit aꞌin. Chica̱mk ta li xbe̱n ralal li ani ta̱qꞌuehok cuiꞌchic lix cimiento li tenamit aꞌin. Ut chica̱mk ta ajcuiꞌ li i̱tzꞌinbej cui tixyi̱b li oqueba̱l, chan.

Josué 6:17

Li tenamit aꞌan, ut chixjunil li cuan chi saꞌ ta̱sachma̱nk ru joꞌ quixye ke li Ka̱cuaꞌ. Caꞌaj cuiꞌ lix Rahab xcomoneb li nequeꞌxcꞌayi rib, aꞌan ta̱colekꞌ rochbeneb li cuanqueb saꞌ li rochoch xban nak aꞌan li quimukuc reheb li cui̱nk li queꞌtakla̱c chi qꞌuehoc etal.

Deuteronomio 13:15

tento nak teꞌcamsi̱k chi chꞌi̱chꞌ chixjunileb li cuanqueb saꞌ li tenamit aꞌan. Teꞌsachekꞌ ru chi junaj cua, joꞌ cristian, joꞌ eb ajcuiꞌ lix queto̱mk.

1 Corintios 16:22

Li Ka̱cuaꞌ Jesucristo chi se̱b ta̱cha̱lk. Cui cuan junak saꞌ e̱ya̱nk incꞌaꞌ naxra li Jesucristo, chi cha̱lc ta raylal saꞌ xbe̱n.

Deuteronomio 20:16

Abanan saꞌ eb li tenamit li tixqꞌue e̱re li Dios re texcua̱nk cuiꞌ, ma̱ jun cristian ta̱ru̱k te̱canab chi yoꞌyo.

Deuteronomio 7:2

Li Ka̱cuaꞌ le̱ Dios tixkꞌaxtesiheb saꞌ e̱rukꞌ re nak texpletik riqꞌuineb ut texnumta̱k saꞌ xbe̱neb. Incꞌaꞌ te̱ba̱nu li contrato riqꞌuineb, chi moco te̱ril xtokꞌoba̱l ruheb. Te̱sach ban ruheb chi junaj cua.

Deuteronomio 13:16

Te̱chꞌutub saꞌ xyi li tenamit chixjunil li cꞌaꞌak re ru cuan saꞌ li tenamit aꞌan ut te̱cꞌat chixjunil li tenamit joꞌ ajcuiꞌ li cꞌaꞌru cuan chi saꞌ chokꞌ cꞌatbil mayej chiru li Ka̱cuaꞌ le̱ Dios. Ut poꞌbilak chic li tenamit aꞌan chi junaj cua. Incꞌaꞌ chic ta̱yi̱ba̱k.