Números 21:13 - Li Santil hu

¹³ Nak queꞌel saꞌ li ru takꞌa re Zered, queꞌco̱eb jun pacꞌal li nimaꞌ Arnón saꞌ li naꞌajej li cuan saꞌ li chaki chꞌochꞌ nachꞌ riqꞌuin lix naꞌajeb laj Moab. Li nimaꞌ Arnón, aꞌan li nuba̱l re lix naꞌajeb laj Moab ut eb laj amorreo.

Q'eqchi Bible

¹³ Ke'elk aran ut koxe'hilanq toj junpak'al li nima' Arnón li wank sa' li chaqich'och'. Li nima' a'an na'elk sa' xch'och'eb' laj Amor ut wank cho'q xnub'ajlil Mohab rik'ineb' laj Amor.

Números 21:13 ပူးပေါင်းရင်းမြစ်များ

Jueces 11:18

Nak queꞌoc cuiꞌchic chi xic, eb laj Israel toj saꞌ li chaki chꞌochꞌ coxeꞌxqꞌue chak vue̱lt. Queꞌnumeꞌ chire lix naꞌajeb laj Edom ut eb laj Moab toj retal queꞌcuulac jun pacꞌal li nimaꞌ Arnón saꞌ xjayal lix naꞌajeb laj Moab, li cuan saꞌ li este. Ut aran queꞌxyi̱b lix muheba̱leb. Abanan incꞌaꞌ queꞌnumeꞌ jun pacꞌal li nimaꞌ Arnón xban nak aꞌan lix naꞌajeb laj Moab.

Números 22:36

Nak laj Balac quirabi resil nak yo̱queb chi cha̱lc, co̱ chixcꞌulbaleb saꞌ jun li tenamit li cuan chire li nimaꞌ Arnón saꞌ li nuba̱l re lix naꞌajeb laj Moab.

Jeremías 48:20

Teꞌchakꞌok ut teꞌxye, “Li naꞌajej Moab xsacheꞌ ru. Texya̱bak xban nak xuta̱nal xcꞌul. Yehomak resil chire li nimaꞌ Arnón nak xsacheꞌ ru lix naꞌajeb laj Moab.”

Isaías 16:2

Eb laj Moab xeꞌisi̱c saꞌ lix naꞌajeb chire li nimaꞌ Arnón. Chanchaneb laj xicꞌanel xul li queꞌisi̱c saꞌ eb lix soc.

Deuteronomio 2:24

Li Ka̱cuaꞌ quixye, “Ayukex anakcuan ut numenkex jun pacꞌal li nimaꞌ Arnón. La̱in tinkꞌaxtesi saꞌ e̱rukꞌ laj Sehón laj amorreo, lix reyeb laj Hesbón. Ut tinqꞌue e̱re li naꞌajej li cuan cuiꞌ laj Sehón. Texxic chi pletic riqꞌuineb re nak te̱re̱chani li naꞌajej.

Números 21:14

Xban aꞌan nak naxye chi joꞌcaꞌin saꞌ li hu li tzꞌi̱banbil cuiꞌ retalileb li pletic li quixba̱nu li Ka̱cuaꞌ: Li Ka̱cuaꞌ quixcꞌutbesi lix cuanquil chiku nak conumeꞌ saꞌ li Caki Palau ut saꞌ eb li nimaꞌ li cuan Arnón.

Deuteronomio 2:13

Ut li Ka̱cuaꞌ quixye, “Ut anakcuan ayukex jun pacꞌal li nimaꞌ Zered” chan. Ut joꞌcan kaba̱nu.

Deuteronomio 2:18

“Anakcuan texnumekꞌ saꞌ li naꞌajej Ar, li cuanqueb cuiꞌ eb laj Moab.