Números 20:8 - Li Santil hu

⁸ —Chap la̱ xukꞌ. La̱at ut laj Aarón te̱chꞌutub ruheb li tenamit. Ut chiruheb chixjunileb ta̱ye re li sako̱nac nak tixqꞌue li haꞌ re teꞌrucꞌ. Ut ta̱cuisi li haꞌ saꞌ li pec ut ta̱qꞌueheb li tenamit chi ucꞌac. Ut teꞌucꞌak ajcuiꞌ lix queto̱mkeb, chan li Ka̱cuaꞌ.

Q'eqchi Bible

⁸ “Chap laaxuq' ut ch'utub'eb' li komonil, aawochb'een laj Aharón laawiitz'in. Chiruheb' chixjunileb' teepatz' li ha' re li saqoonak, ut li saqoonak tixk'e eere. Taayo'laaq li ha' sa' li saqoonak re te'uk'aq li komonil jo'wi' li xketomqeb'”, chan li Qaawa'.

Números 20:8 ပူးပေါင်းရင်းမြစ်များ

Éxodo 4:17

Ut li xukꞌ aꞌin ta̱cꞌam saꞌ a̱cuukꞌ ut riqꞌuin aꞌan ta̱ba̱nu li naꞌleb li xincꞌut cha̱cuu, chan li Dios re.

Apocalipsis 22:17

Li Santil Musikꞌej ut li ixakilbej nequeꞌxye: —Cha̱lkex.— Li ani ta̱abi̱nk re li a̱tin aꞌin, chixyehak ajcuiꞌ —cha̱lkex.— Li ani ta̱raj rucꞌbal li haꞌ, li retalil li junelic yuꞌam, chicha̱lk chi ucꞌac chi ma̱tan.

Isaías 43:20

Eb li joskꞌ aj xul teꞌxqꞌue inlokꞌal joꞌ eb laj xoj ut eb li ni̱nki xul avestruces xban nak la̱in tinqꞌue li haꞌ saꞌ li chaki chꞌochꞌ. Tinqꞌue li rok haꞌ saꞌ li chꞌochꞌ li ma̱cꞌaꞌ na-el chiru. Ta̱cua̱nk rucꞌaheb li tenamit li sicꞌbil ruheb inban.

Apocalipsis 22:1

Ut li ángel quixcꞌut chicuu li nimaꞌ li naqꞌuehoc yuꞌam chi junelic. Li haꞌ sak sak ru. Chanchan lem. Na-el chak cuan cuiꞌ lix lokꞌlaj cꞌojariba̱l li Dios ut li Jun li chanchan carner.

Hechos 1:14

Chixjunileb aꞌan yo̱queb chi tijoc chi junajeb xchꞌo̱l rochbeneb li ri̱tzꞌin li Jesús ut lix María lix naꞌ. Ut cuanqueb ajcuiꞌ ixk yo̱queb chi tijoc rochbeneb.

San Juan 16:24

Chalen anakcuan toj ma̱cꞌaꞌ nequetzꞌa̱ma saꞌ incꞌabaꞌ. Chextzꞌa̱ma̱nk ut ta̱qꞌuehekꞌ e̱re re nak kꞌaxal cuiꞌchic ta̱sahokꞌ saꞌ e̱chꞌo̱l, chan li Jesús.

San Lucas 11:13

Cui la̱ex li moco cha̱bilex ta nequenau xqꞌuebal li cꞌaꞌru cha̱bil re le̱ ralal e̱cꞌajol, ¿ma tojaꞌ ta chic le̱ yucuaꞌ cuan saꞌ choxa incꞌaꞌ tixqꞌue li Santil Musikꞌej re li ani tixtzꞌa̱ma chiru? chan li Jesús reheb.

San Mateo 21:21

Quichakꞌoc li Jesús ut quixye: —Relic chi ya̱l tinye e̱re nak cui te̱pa̱b chi tzꞌakal nak li Dios tixba̱nu, ut incꞌaꞌ ta̱cuiba̱nk e̱chꞌo̱l, ta̱ru̱k ajcuiꞌ te̱ba̱nu joꞌ xinba̱nu la̱in re li cheꞌ. Ut moco caꞌaj cuiꞌ ta raj aꞌan te̱ba̱nu. Ta̱ru̱k ajcuiꞌ te̱ye re li tzu̱l aꞌin, “Elen ut cut a̱cuib saꞌ li palau” ut ta̱uxk ajcuiꞌ che̱ru.

Isaías 48:21

Incꞌaꞌ queꞌxcuy xchaki el nak li Ka̱cuaꞌ quixqꞌueheb chi numecꞌ saꞌ li chaki chꞌochꞌ. Li Ka̱cuaꞌ quixqꞌue chi e̱lc li haꞌ saꞌ li pec. Quixjor li pec ut aran qui-el chi nabal li haꞌ re xeꞌrucꞌ.

Salmos 114:8

Li nimajcual Dios quixsukꞌisi li sako̱nac chokꞌ yuꞌam haꞌ. Quixjor li sako̱nac ut nabal li haꞌ quicana aran.

Salmos 105:41

Li Dios quixjor li sako̱nac ut qui-el chak li haꞌ re teꞌrucꞌ. Ut li haꞌ quibe̱c rok saꞌ li chaki chꞌochꞌ joꞌ jun nimaꞌ.

Salmos 33:9

Yal riqꞌuin ra̱tin li Dios chixjunil quicana chi yi̱banbil. Riqꞌuin li quixye li Ka̱cuaꞌ quiya̱loꞌ ru chixjunil.

Nehemías 9:15

Ut nak queꞌtzꞌoca, saꞌ choxa quichal chak li cua caqꞌue chixcuaꞌeb. Ut nak ta̱chakik reheb, cacuisi li haꞌ saꞌ li sako̱nac ut caqꞌue reheb. Caye ajcuiꞌ reheb nak teꞌoc saꞌ li naꞌajej li cayechiꞌi reheb riqꞌuin juramento.

Josué 6:20

Eb laj tij queꞌxya̱basi li xucub ut eb li soldado queꞌxjap re. Ut nak queꞌrabi xya̱b li xucub eb li soldados queꞌxjap re chi cau ut quilajeꞌtꞌaneꞌ li tzꞌac li sutsu cuiꞌ li tenamit. Ut eb li soldado saꞌ junpa̱t queꞌoc saꞌ li tenamit ut queꞌre̱chani li naꞌajej.

Josué 6:5

Te̱rabi nak incꞌaꞌ teꞌxcanab xya̱basinquil li xucub carner. Che̱junilex la̱ex te̱jap e̱re chi cau. Ut li tzꞌac li sutsu cuiꞌ li tenamit ta̱tꞌanekꞌ. Nak ac xtꞌaneꞌ li tzꞌac li sutsu cuiꞌ, la̱ex saꞌ junpa̱t tex-oc saꞌ li tenamit chi pletic, chan li Dios.

Números 21:18

Eb li cuanqueb xcuanquil ut eb li nequeꞌcꞌamoc be queꞌxbec li jul haꞌ. Queꞌxbec riqꞌuin lix xukꞌ, chanqueb saꞌ lix bich. Ut chirix aꞌan queꞌel saꞌ li chaki chꞌochꞌ ut queꞌco̱eb Matana.

Números 21:15

Quixcꞌut ajcuiꞌ chiku lix cuanquil nak yo̱co chi numecꞌ chire li nimaꞌ li naxic Ar li cuan saꞌ li nuba̱l re lix naꞌajeb laj Moab.

Números 20:11

Quixtaksi li xukꞌ ut quixsacꞌ li pec caꞌ sut ut nabal li haꞌ qui-el saꞌ li sako̱nac. Chixjunileb li tenamit queꞌucꞌac joꞌqueb ajcuiꞌ li queto̱mk.

Éxodo 17:9

Laj Moisés quixye re laj Josué: —Ta̱siqꞌueb ru li cui̱nk li teꞌxic chi pletic riqꞌuineb laj Amalec. Ut cuulaj tinxakli̱k saꞌ xbe̱n li tzu̱l ut cua̱nk lin xukꞌ saꞌ cuukꞌ li nacꞌutuc xcuanquil li Dios.

Éxodo 14:16

La̱at ta̱taksi la̱ xukꞌ ut ta̱teleb la̱ cuukꞌ saꞌ xbe̱n li palau re nak tixjach rib li haꞌ. Tincanab chi chaki le̱ be re nak texnumekꞌ saꞌ li palau.

Éxodo 7:20

Laj Moisés ut laj Aarón queꞌxba̱nu joꞌ quiyeheꞌ reheb xban li Ka̱cuaꞌ Dios. Chiru laj faraón rochbeneb laj cꞌanjel chiru, laj Aarón quixsacꞌ li nimaꞌ riqꞌuin lix xukꞌ. Chixjunil li haꞌ quiquicꞌoꞌ.

Éxodo 4:20

Tojoꞌnak laj Moisés quixqꞌue li rixakil joꞌ eb ajcuiꞌ li ralal chirixeb lix bu̱reb. Ut queꞌco̱eb Egipto. Quixcꞌam ajcuiꞌ saꞌ rukꞌ lix xukꞌ li quiqꞌueheꞌ re xban li Dios.

Éxodo 4:2

Li Dios quixye re: —¿Cꞌaꞌru li cuan saꞌ a̱cuukꞌ? chan. —Jun li xukꞌ, chan laj Moisés.

Génesis 18:14

La̱in li Ka̱cuaꞌ Dios. Ma̱cꞌaꞌ chꞌaꞌaj chicuu. Chiru li chihab jun chic tinsukꞌi̱k chak cha̱cuilbal ut lix Sara ac cua̱nk chic jun lix cꞌulaꞌal chꞌina te̱lom, chan li Ka̱cuaꞌ Dios.

Números 20:7

Li Ka̱cuaꞌ quixye re laj Moisés: