Números 20:5 - Li Santil hu

⁵ ¿Cꞌaꞌut nak coa̱cuisi chak Egipto ut coa̱cꞌam chak saꞌ li naꞌajej aꞌin li kꞌaxal yibru? Arin incꞌaꞌ naru a̱uc. Ma̱cꞌaꞌ li cheꞌ higo chi moco li uvas, chi moco granadas. Ut ma̱cꞌaꞌ ajcuiꞌ haꞌ re takucꞌ, chanqueb.

Q'eqchi Bible

⁵ K'a' aj e naq xooheerisi chaq Ejiipt? Ma yal re qak'amb'al chaq sa' li xiwajel na'ajej a'in? Arin maak'a' nayo'laak, maak'a' iig, maak'a' uub' chi moko pata, ut maak'a' ha' tquk'?”, chankeb'.

Números 20:5 ပူးပေါင်းရင်းမြစ်များ

Números 16:14

La̱at incꞌaꞌ xoa̱cꞌam saꞌ li naꞌajej li na-el cuiꞌ chi us li acui̱mk, chi moco xaqꞌue ke li cꞌaleba̱l, chi moco xaqꞌue xnaꞌaj ka-uvas. ¿Ma ta̱cuaj nak toa̱beresi chikajunilo joꞌ naberesi̱c li mutzꞌ? La̱o incꞌaꞌ toxic cha̱cuilbal, chanqueb.

Ezequiel 20:36

La̱in tinrakok a̱tin saꞌ e̱be̱n joꞌ nak quinrakoc a̱tin saꞌ xbe̱neb le̱ xeꞌto̱nil yucuaꞌ saꞌ li chaki chꞌochꞌ li cuan saꞌ xcue̱nt Egipto. La̱in li nimajcual Dios ninyehoc re aꞌin.

Jeremías 2:6

Incꞌaꞌ chic queꞌxcꞌoxla insicꞌbal, usta la̱in quin-isin chak reheb saꞌ li naꞌajej Egipto ut usta la̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ cuan ut bar xiu xiu cuiꞌ li cua̱nc. La̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ haꞌ, chi moco cuanqueb cristian, chi moco queꞌnumeꞌ cristian aran.

Jeremías 2:2

—Ayu ut ye reheb laj Jerusalén chi cau xya̱b a̱cux nak la̱in li Ka̱cuaꞌ ninye chi joꞌcaꞌin: Jultic cue chanru nak xine̱ra saꞌ e̱sa̱jilal. Xine̱ra joꞌ jun li ixakilbej naxra lix be̱lom. Xine̱ta̱ke saꞌ li chaki chꞌochꞌ li incꞌaꞌ na-el cuiꞌ li acui̱mk.

Nehemías 9:21

Caꞌcꞌa̱l chihab cachꞌolaniheb nak yo̱queb chak chi numecꞌ saꞌ li chaki chꞌochꞌ ut ma̱cꞌaꞌ quipaltoꞌ reheb. Li rakꞌeb incꞌaꞌ quikꞌeloꞌ chi moco li rokeb quisi̱poꞌ chi be̱c.

Deuteronomio 8:15

Aꞌan quicꞌamoc be che̱ru nak quexnumeꞌ chak saꞌ li nimla chaki chꞌochꞌ li xiu xiu cuiꞌ cua̱nc. Aran cuanqueb li cꞌantiꞌ li nequeꞌcamsin. Cuanqueb ajcuiꞌ eb laj xo̱cꞌ. Ut xecuy ajcuiꞌ li chaki el. Ut nak ma̱cꞌaꞌ li haꞌ, li Ka̱cuaꞌ quirisi li haꞌ saꞌ li cacuil sako̱nac re te̱rucꞌ.

Números 20:24

—Laj Aarón ta̱ca̱mk. Incꞌaꞌ ta̱oc saꞌ li naꞌajej li tinqꞌue reheb laj Israel xban nak chixcabichalex quekꞌet lin chakꞌrab nak cuanquex chire li haꞌ li cuan Meriba li quineꞌxcuechꞌi cuiꞌ li tenamit.

Números 27:14

Tatca̱mk xban nak saꞌ cuibal quekꞌet lin chakꞌrab saꞌ li chaki chꞌochꞌ Zin nak eb laj Israel quineꞌxcuechꞌi. La̱at incꞌaꞌ xaqꞌue inlokꞌal chiruheb li tenamit nak xinqꞌue li haꞌ reheb, chan. (Aꞌan quicꞌulman nak li haꞌ qui-el saꞌ li sako̱nac saꞌ li naꞌajej Cades li cuan saꞌ li chaki chꞌochꞌ Zin.)