Números 20:24 - Li Santil hu

²⁴ —Laj Aarón ta̱ca̱mk. Incꞌaꞌ ta̱oc saꞌ li naꞌajej li tinqꞌue reheb laj Israel xban nak chixcabichalex quekꞌet lin chakꞌrab nak cuanquex chire li haꞌ li cuan Meriba li quineꞌxcuechꞌi cuiꞌ li tenamit.

Q'eqchi Bible

²⁴ “Laj Aharón taakamq: toxtaweb' li xna' xyuwa' ut ink'a' taa'ok sa' li ch'och' li xink'e reheb' laj Israel, xb'aan naq ink'a' kepaab' li waatin chire li ha' Meribá.

Números 20:24 ပူးပေါင်းရင်းမြစ်များ

Génesis 25:8

Nak ac ti̱x chic chi us laj Abraham quicam ut co̱ chixtaubaleb lix xeꞌto̱nil yucuaꞌ li ac camenakeb.

Deuteronomio 32:50

Ut saꞌ li tzu̱l aꞌan tatca̱mk ut ta̱tauheb la̱ cuechꞌalal li ac camenakeb joꞌ nak laj Aarón la̱ cuas quicam saꞌ li tzu̱l Hor ut coxtauheb li rechꞌalal li ac camenakeb.

2 Crónicas 34:28

Incꞌaꞌ tintakla li raylal aꞌin saꞌ xbe̱neb laj Jerusalén nak toj cua̱nkat la̱at. Tatca̱mk ut tatmukekꞌ saꞌ xya̱lal saꞌ li naꞌajej li xeꞌmukeꞌ cuiꞌ la̱ xeꞌto̱nil yucuaꞌ,” chan li Dios re li rey. Ut eb li cui̱nk queꞌsukꞌi cuiꞌchic riqꞌuin li rey Josías ut queꞌxye re chixjunil li quixye li Ka̱cuaꞌ.

Números 31:2

—Qꞌue re̱kaj reheb laj Madián li ma̱usilal li queꞌxba̱nu reheb laj Israel. Nak acak xaqꞌueheb chixtojbal lix ma̱queb, la̱at tatca̱mk ut toxa̱tauheb la̱ xeꞌto̱nil yucuaꞌ, chan li Dios.

Números 27:13

Nak acak xacuil li naꞌajej la̱at tatca̱mk ut toxa̱tauheb la̱ xeꞌto̱nil yucuaꞌ, joꞌ nak quicam laj Aarón la̱ cuas.

Jueces 2:10

Ut queꞌcam ajcuiꞌ chixjunileb laj Israel li cuanqueb nak toj yoꞌyo laj Josué. Ut eb li ralal xcꞌajol li queꞌyoꞌla mokon incꞌaꞌ chic queꞌxpa̱b li Ka̱cuaꞌ, chi moco queꞌxnau chixjunil li usilal li quixba̱nu li Dios reheb laj Israel.

Números 4:27

La̱at tatxakaba̱nk reheb saꞌ xcꞌanjel li junju̱nk. Ut laj Aarón ut eb li ralal teꞌchꞌoloba̱nk chiruheb chanru teꞌxba̱nu li cꞌanjel li quiqꞌueheꞌ reheb re teꞌxba̱nu.

Génesis 49:33

Nak laj Jacob quirakeꞌ chixchakꞌrabinquileb li ralal, quixtaksi li rok chiru lix chꞌa̱t, quixyocob rib ut quicam. Ut co̱ riqꞌuineb lix xeꞌto̱nil yucuaꞌ li camenakeb.

Génesis 49:29

Joꞌcaꞌin quixye laj Jacob reheb: —Xcuulac xkꞌehil lin camic. Xic cue anakcuan. Aran tine̱muk saꞌ li ochoch pec li mukbileb cuiꞌ lin xeꞌto̱nil yucuaꞌ. Li ochoch pec aꞌan cuan saꞌ lix chꞌochꞌ laj Efrón aj hitita.

Génesis 35:29

Nak ac ti̱x chic chi us, laj Isaac quicam ut coxtauheb lix xeꞌto̱nil yucuaꞌ. Laj Esaú ut laj Jacob queꞌxmuk lix yucuaꞌeb nak quicam.

Génesis 25:17

Jun ciento riqꞌuin cuuklaju xcaꞌcꞌa̱l (137) chihab cuan re laj Ismael nak quicam. Ut coxtauheb lix xeꞌto̱nil yucuaꞌ li ac camenakeb.

Génesis 15:15

Nak ac ti̱xakat chic chi us, la̱at tatca̱mk. Cꞌojcꞌo̱k a̱chꞌo̱l nak tatca̱mk. Ut toxe̱tau e̱rib a̱cuochbeneb la̱ xeꞌto̱nil yucuaꞌ li ac camenakeb.

Éxodo 17:7

Laj Moisés quixqꞌue chokꞌ xcꞌabaꞌ li naꞌajej aꞌan Masah ut Meriba, xban nak eb laj Israel queꞌxcuechꞌi rix li Ka̱cuaꞌ Dios ut queꞌxye: —¿Ma cuan li Dios kiqꞌuin malaj incꞌaꞌ? chanqueb.

Números 20:5

¿Cꞌaꞌut nak coa̱cuisi chak Egipto ut coa̱cꞌam chak saꞌ li naꞌajej aꞌin li kꞌaxal yibru? Arin incꞌaꞌ naru a̱uc. Ma̱cꞌaꞌ li cheꞌ higo chi moco li uvas, chi moco granadas. Ut ma̱cꞌaꞌ ajcuiꞌ haꞌ re takucꞌ, chanqueb.

Números 20:26

Aran saꞌ xbe̱n li tzu̱l ta̱cuisi li rakꞌ laj tij li cuan chirix laj Aarón ut ta̱qꞌue li rakꞌ chirix laj Eleazar li ralal xban nak aran ta̱ca̱mk laj Aarón ut toxtauheb lix xeꞌto̱nil yucuaꞌ, chan li Dios.

Deuteronomio 33:8

Quixye chirixeb li ralal xcꞌajol laj Leví: At Ka̱cuaꞌ, chaqꞌue la̱ Tumin ut la̱ Urim reheb li ralal xcꞌajol laj Leví, li nequeꞌcꞌanjelac cha̱cuu. Cayal rixeb aran Masah ut cayal rixeb aran Meriba.

Josué 2:9

—La̱in ninnau nak li Ka̱cuaꞌ xqꞌue e̱re li naꞌajej aꞌin. Ut aꞌan ajcuiꞌ xqꞌuehoc kaxiu chikajunilo. Chixjunileb li cuanqueb arin ca̱mqueb re xban xxiuheb e̱ban la̱ex.