Números 20:13 - Li Santil hu

¹³ Aꞌin quicꞌulman saꞌ li naꞌajej Meriba li queꞌxcuechꞌi cuiꞌ li Ka̱cuaꞌ eb laj Israel. Ut li Ka̱cuaꞌ quixcꞌut chiruheb nak aꞌan santo.

Q'eqchi Bible

¹³ A'an a'in li ha' re Meribá, b'arwi' eb' laj Israel ke'xwech' rix li Qaawa' ut A'an kixk'ut li xsantilal chiruheb'.

Números 20:13 ပူးပေါင်းရင်းမြစ်များ

Salmos 95:8

Cherabi li cꞌaꞌru yo̱ chixyebal e̱re li Ka̱cuaꞌ: —Me̱cacuubresi e̱chꞌo̱l joꞌ queꞌxba̱nu le̱ xeꞌto̱nil yucuaꞌ nak cuanqueb saꞌ li naꞌajej Meriba. Me̱ba̱nu joꞌ queꞌxba̱nu eb aꞌan saꞌ li cutan nak cuanqueb saꞌ li chaki chꞌochꞌ saꞌ li naꞌajej Masah.

Éxodo 17:7

Laj Moisés quixqꞌue chokꞌ xcꞌabaꞌ li naꞌajej aꞌan Masah ut Meriba, xban nak eb laj Israel queꞌxcuechꞌi rix li Ka̱cuaꞌ Dios ut queꞌxye: —¿Ma cuan li Dios kiqꞌuin malaj incꞌaꞌ? chanqueb.

Deuteronomio 33:8

Quixye chirixeb li ralal xcꞌajol laj Leví: At Ka̱cuaꞌ, chaqꞌue la̱ Tumin ut la̱ Urim reheb li ralal xcꞌajol laj Leví, li nequeꞌcꞌanjelac cha̱cuu. Cayal rixeb aran Masah ut cayal rixeb aran Meriba.

Deuteronomio 32:51

Ta̱cꞌulma̱nk chi joꞌcan xban nak chixcabichalex xekꞌet li cua̱tin chiruheb laj Israel nak cuanquex chiru li haꞌ li cuan Meriba li cuan Cades saꞌ li chaki chꞌochꞌ Zin. La̱ex incꞌaꞌ xeqꞌue inlokꞌal chiruheb laj Israel.

Ezequiel 38:16

Chanchan nak li chok tixmuk li tenamit nak texxic chi pletic riqꞌuineb lin tenamit Israel. Saꞌ eb li cutan teꞌcha̱lk tatintakla saꞌ lin tenamit chi pletic re nak chixjunileb li xni̱nkal ru tenamit teꞌxqꞌue retal nak la̱in li Ka̱cuaꞌ nak tincꞌut lin santilal chiruheb nak tinqꞌue laj Gog chi numta̱c saꞌ xbe̱neb laj Israel.

Ezequiel 36:23

La̱in tinsantobresi lin cꞌabaꞌ li kꞌaxal nim xcuanquil li xemux ru chiruheb li xni̱nkal ru tenamit xban nak xerisi xcuanquil lin cꞌabaꞌ nak cuanquex saꞌ xya̱nkeb. Ut riqꞌuin li cꞌaꞌru tinba̱nu, teꞌxqꞌue retal nak la̱in li Ka̱cuaꞌ Dios.

Ezequiel 20:41

Texincꞌul joꞌ li sununquil ban nak texcuisi saꞌ eb li jalan tenamit li quexinjeqꞌui cuiꞌ. Ut la̱in tincꞌutbesi lin santilal saꞌ e̱ya̱nk chiruheb li xni̱nkal ru tenamit.

Isaías 5:16

Caꞌaj chic li nimajcual Dios ta̱qꞌuehekꞌ xlokꞌal xban nak narakoc a̱tin saꞌ ti̱quilal. Li Ka̱cuaꞌ Dios tixcꞌutbesi lix santilal xban lix ti̱quilal xchꞌo̱l.

Salmos 81:7

Nak cuanquex saꞌ raylal xetzꞌa̱ma e̱tenkꞌanquil chicuu ut la̱in xexincol. La̱in xinsume toj saꞌ li chok li na-ecꞌan cuiꞌ li ca̱k. Ut aran cuan cuiꞌ li haꞌ Meriba quinyal rix le̱ pa̱ba̱l.

Salmos 81:8

Ex intenamit, cherabihak taxak li oc cue chixyebal e̱re. Us raj nak te̱qꞌue saꞌ e̱chꞌo̱l li cꞌaꞌru tinye e̱re, la̱ex aj Israel.