Números 20:11 - Li Santil hu

¹¹ Quixtaksi li xukꞌ ut quixsacꞌ li pec caꞌ sut ut nabal li haꞌ qui-el saꞌ li sako̱nac. Chixjunileb li tenamit queꞌucꞌac joꞌqueb ajcuiꞌ li queto̱mk.

Q'eqchi Bible

¹¹ Laj Moisés kixtaqsi li ruq', ka'sut kixsak' li saqoonak chiru li xxuq' ut k'ajo' li ha' ki'elk chaq sa' li saqoonak: ke'uk'ak li komonil jo' ajwi' li xketomqeb'!

Números 20:11 ပူးပေါင်းရင်းမြစ်များ

1 Corintios 10:4

Chixjunileb queꞌrucꞌ li haꞌ li quiqꞌueheꞌ reheb xban li Dios. Li haꞌ aꞌan qui-el chak saꞌ li sako̱nac. Ut li sako̱nac aꞌan, aꞌan retalil li Cristo li qui-ochbenin reheb nak yo̱queb chi numecꞌ saꞌ li chaki chꞌochꞌ.

Éxodo 17:6

Aran toxina̱tau saꞌ li nimla pec li cuan saꞌ li naꞌajej Horeb. Ta̱sacꞌ li pec ut ta̱e̱lk chak li haꞌ saꞌ li pec re nak naru teꞌucꞌak, chan li Dios. Ut eb li cui̱nk yo̱queb chi rilbal nak laj Moisés quixba̱nu joꞌ quitakla̱c cuiꞌ xban li Dios.

Deuteronomio 8:15

Aꞌan quicꞌamoc be che̱ru nak quexnumeꞌ chak saꞌ li nimla chaki chꞌochꞌ li xiu xiu cuiꞌ cua̱nc. Aran cuanqueb li cꞌantiꞌ li nequeꞌcamsin. Cuanqueb ajcuiꞌ eb laj xo̱cꞌ. Ut xecuy ajcuiꞌ li chaki el. Ut nak ma̱cꞌaꞌ li haꞌ, li Ka̱cuaꞌ quirisi li haꞌ saꞌ li cacuil sako̱nac re te̱rucꞌ.

Números 20:8

—Chap la̱ xukꞌ. La̱at ut laj Aarón te̱chꞌutub ruheb li tenamit. Ut chiruheb chixjunileb ta̱ye re li sako̱nac nak tixqꞌue li haꞌ re teꞌrucꞌ. Ut ta̱cuisi li haꞌ saꞌ li pec ut ta̱qꞌueheb li tenamit chi ucꞌac. Ut teꞌucꞌak ajcuiꞌ lix queto̱mkeb, chan li Ka̱cuaꞌ.

Santiago 1:20

Xban nak cui nocojoskꞌoꞌ, incꞌaꞌ nakaba̱nu li cꞌaꞌru naraj li Dios.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Oseas 13:5

La̱in xintenkꞌan chak e̱re nak cuanquex chak saꞌ li tikcual chꞌochꞌ bar incꞌaꞌ natꞌaneꞌ cuiꞌ li hab.

Salmos 78:16

Nak quixqꞌue chi e̱lc li haꞌ saꞌ li pec, chanchan jun nimaꞌ nak yo̱ chi e̱lc chak xban xqꞌuial.

1 Crónicas 15:13

Xban nak ma̱cuaꞌ la̱ex li quexcꞌamoc re li Lokꞌlaj Ca̱x xbe̱n cua, joꞌcan nak cuan li quicamsi̱c xban li Ka̱cuaꞌ. Incꞌaꞌ kapatzꞌ re chanru takaba̱nu, chan.

1 Samuel 15:24

Tojoꞌnak laj Saúl quixye re laj Samuel: —La̱in xinma̱cob. Xinkꞌet li ra̱tin li Dios ut xinkꞌet ajcuiꞌ la̱ cua̱tin la̱at. Xban nak xinxucuac chiruheb li tenamit, joꞌcan nak xinba̱nu li cꞌaꞌru xeꞌxye. Ba̱nu usilal, chacuy inma̱c.

1 Crónicas 15:2

Ut laj David quixye: —Lix Lokꞌlaj Ca̱x li Ka̱cuaꞌ incꞌaꞌ naru nacꞌameꞌ xban yalak ani. Caꞌaj eb cuiꞌ laj levita naru nequeꞌcꞌamoc re xban nak aꞌaneb li queꞌsiqꞌueꞌ ruheb xban li Ka̱cuaꞌ chixcꞌambal li Lokꞌlaj Ca̱x ut chi cꞌanjelac chiru chi junelic, chan.

1 Samuel 15:19

¿Cꞌaꞌut nak xakꞌet li cꞌaꞌru quixye a̱cue li Ka̱cuaꞌ? ¿Cꞌaꞌut nak xexoc li cꞌaꞌru reheb? ¿Cꞌaꞌut nak xaba̱nu li incꞌaꞌ us chiru li Ka̱cuaꞌ? chan laj Samuel.

Levítico 10:1

Eb li ralal laj Aarón, laj Nadab ut laj Abiú, queꞌxqꞌue li xam chi saꞌ li sansar, abanan li xam aꞌan jalan chiru li quixye li Dios. Queꞌxqꞌue ajcuiꞌ li pom ut queꞌxmayeja chiru li Dios. Incꞌaꞌ queꞌxba̱nu joꞌ quixye li Dios.

Salmos 74:15

Nak ma̱cꞌaꞌ rucꞌaheb laj Israel, la̱at caqꞌue xhaꞌeb. La̱at caqꞌue li yuꞌam haꞌ re nak teꞌucꞌak. Ut la̱at cajach chi ribil li nimaꞌ re nak chaki teꞌnumekꞌ cuiꞌ usta kꞌaxal cau rok li nimaꞌ.

Salmos 78:15

Nak yo̱queb chi numecꞌ saꞌ li chaki chꞌochꞌ, ma̱ bar nequeꞌxtau rucꞌaheb. Abanan li Dios quixjor li sako̱nac, ut aran qui-el nabal li haꞌ re teꞌucꞌak.

Salmos 78:20

Ya̱l nak xjor li sako̱nac ut x-el chak nabal li haꞌ. Chanchan jun nimaꞌ nak qui-el chak li haꞌ. Abanan, ¿ma ta̱ru̱k ta biꞌ tixqꞌue li kacua? ¿Ma ta̱ru̱k ta biꞌ tixqꞌue katib re totzaca̱nk? chanqueb li tenamit.

Salmos 105:41

Li Dios quixjor li sako̱nac ut qui-el chak li haꞌ re teꞌrucꞌ. Ut li haꞌ quibe̱c rok saꞌ li chaki chꞌochꞌ joꞌ jun nimaꞌ.

Salmos 114:8

Li nimajcual Dios quixsukꞌisi li sako̱nac chokꞌ yuꞌam haꞌ. Quixjor li sako̱nac ut nabal li haꞌ quicana aran.

Isaías 43:19

Jalan chic li cꞌaꞌru tinba̱nu anakcuan. Chi se̱b nequeril li cꞌaꞌru tinba̱nu. Tinyi̱b jun li be saꞌ li chaki chꞌochꞌ ut tinqꞌueheb ajcuiꞌ li nimaꞌ.

Isaías 48:21

Incꞌaꞌ queꞌxcuy xchaki el nak li Ka̱cuaꞌ quixqꞌueheb chi numecꞌ saꞌ li chaki chꞌochꞌ. Li Ka̱cuaꞌ quixqꞌue chi e̱lc li haꞌ saꞌ li pec. Quixjor li pec ut aran qui-el chi nabal li haꞌ re xeꞌrucꞌ.

Jueces 15:19

Tojoꞌnak li Dios quixqꞌue chi e̱lc haꞌ saꞌ li jul li cuan aran Lehi. Qui-ucꞌac laj Sansón ut quicꞌojla xchꞌo̱l. Xban aꞌan, En-hacore quiqꞌueheꞌ chokꞌ xcꞌabaꞌ li yuꞌam haꞌ aꞌan. Toj cuan ajcuiꞌ li yuꞌam haꞌ aꞌan aran anakcuan.