Números 20:10 - Li Santil hu

¹⁰ Laj Moisés ut laj Aarón queꞌxchꞌutubeb li tenamit chiru li sako̱nac ut laj Moisés quixye reheb: —Abihomak la̱ex li nequexkꞌetoc re ra̱tin li Dios. ¿Ma tento nak la̱o takisi li haꞌ saꞌ li sako̱nac aꞌin re te̱rucꞌ? chan.

Q'eqchi Bible

¹⁰ Chirix chik a'an laj Moisés ut laj Aharón ke'xch'utub'eb' li komonil chiru li saqoonak ut laj Moisés kixye reheb': “Ab'ihomaq, ex q'etq'et aj tenamit. Ma nekek'oxla naq truuq taaqisi ha' sa' li saqoonak a'in re tex'uk'aq?”, chan.

Números 20:10 ပူးပေါင်းရင်းမြစ်များ

Santiago 3:2

Chikajunilo la̱o nocopaltoꞌ chi cocꞌ aj saꞌ. Cui cuan junak ma̱cꞌaꞌ xpaltil riqꞌuin li ra̱tin, aꞌan tzꞌakal re ru. Li ani naru naxcuy rib riqꞌuin li naxye, naru ajcuiꞌ naxcuy rib riqꞌuin li cꞌaꞌru naraj xba̱nunquil.

Efesios 4:26

Cuan nak nequexjoskꞌoꞌ. Abanan me̱numsi li cutan chi toj cuan le̱ joskꞌil saꞌ le̱ chꞌo̱l re nak incꞌaꞌ texma̱cobk xban.

San Mateo 5:22

Aban la̱in tinye e̱re lix ya̱lal aꞌan. Li ani ta̱joskꞌokꞌ riqꞌuin li ras ri̱tzꞌin ta̱rakekꞌ a̱tin saꞌ xbe̱n. Ut li ani tixtzꞌekta̱na li ras ri̱tzꞌin cuan xma̱c chiru laj rakol a̱tin. Ut li ani tixye xyaj tiox re li ras ri̱tzꞌin, ma̱re anchal ta̱xic saꞌ xxamlel li xbalba.

Deuteronomio 9:24

Junelic yo̱quex chixkꞌetkꞌetinquil e̱rib chiru li Ka̱cuaꞌ chalen saꞌ li cutan nak quinnau e̱ru.

Génesis 41:16

Ut laj José quixye re: —La̱in injunes incꞌaꞌ naru tinye cꞌaꞌru xya̱lal la̱ matcꞌ. Caꞌaj cuiꞌ li Ka̱cuaꞌ Dios nanaꞌoc re lix ya̱lal. Aꞌan ta̱tenkꞌa̱nk cue xtaubal ru xya̱lal la̱ matcꞌ, at faraón, re nak ta̱cꞌojla̱k a̱chꞌo̱l, chan laj José.

Génesis 40:8

Eb aꞌan queꞌxye re: —La̱o xomatqꞌuec ut ma̱ ani naru xyebal ke cꞌaꞌru xya̱lal li kamatcꞌ.— Laj José quixye reheb: —Caꞌaj cuiꞌ li Ka̱cuaꞌ Dios nanaꞌoc re cꞌaꞌru xya̱lal lix matcꞌ li junju̱nk. Naru te̱ye cue le̱ matcꞌ, chan.

1 Corintios 3:7

Joꞌcan nak chi moco laj acuinel chi moco laj tꞌakresinel cuan xcuanquil. Caꞌaj cuiꞌ li Dios li naqꞌuehoc xmokic cuan xcuanquil.

Éxodo 17:6

Aran toxina̱tau saꞌ li nimla pec li cuan saꞌ li naꞌajej Horeb. Ta̱sacꞌ li pec ut ta̱e̱lk chak li haꞌ saꞌ li pec re nak naru teꞌucꞌak, chan li Dios. Ut eb li cui̱nk yo̱queb chi rilbal nak laj Moisés quixba̱nu joꞌ quitakla̱c cuiꞌ xban li Dios.

Números 20:24

—Laj Aarón ta̱ca̱mk. Incꞌaꞌ ta̱oc saꞌ li naꞌajej li tinqꞌue reheb laj Israel xban nak chixcabichalex quekꞌet lin chakꞌrab nak cuanquex chire li haꞌ li cuan Meriba li quineꞌxcuechꞌi cuiꞌ li tenamit.

Salmos 78:16

Nak quixqꞌue chi e̱lc li haꞌ saꞌ li pec, chanchan jun nimaꞌ nak yo̱ chi e̱lc chak xban xqꞌuial.