Números 2:2 - Li Santil hu

² —Eb laj Israel teꞌxyi̱b lix muheba̱leb chi xjun sutam li tabernáculo ut najt caꞌchꞌin riqꞌuin. Chi junju̱nk chꞌu̱tal teꞌxyi̱b lix muheba̱leb ut teꞌxxakab lix bandereb chokꞌ retalil lix te̱paleb lix yucuaꞌeb.

Q'eqchi Bible

² “Eb' laj Israel te'xyiib' li xmuheb'aaleb' chi teep, rub'el reetalil li junjunq, rub'el reetalil li xteepaleb' li xyuwa'eb', chi xsutam li Loq'laj Muheb'aal ut najt b'ayaq rik'in.

Números 2:2 ပူးပေါင်းရင်းမြစ်များ

1 Corintios 14:40

Abanan li cꞌaꞌru te̱ba̱nu nak te̱chꞌutub e̱rib, cheba̱nuhak chixjunil chi tzꞌakal re ru ut saꞌ xya̱lal.

1 Corintios 14:33

Li Dios incꞌaꞌ naraj nak ta̱cua̱nk li poꞌoj ib saꞌ xya̱nkeb laj pa̱banel. Naraj ban nak cua̱nk li tuktu̱quil usilal saꞌ xya̱nkeb.

Josué 3:4

re nak te̱nau li be bar yo̱kex chi xic, xban nak la̱ex ma̱ jun sut numenakex saꞌ li be aꞌan. Abanan mexjiloc chi nachꞌ riqꞌuin li Lokꞌlaj Ca̱x li xocxo cuiꞌ lix contrato li Dios. Jun kilómetro ban xnajtil cua̱nkex chirix, chanqueb laj cꞌamol be.

Números 10:25

Ut chirixeb li ralal xcꞌajol laj Benjamín queꞌco̱eb li jun chꞌu̱tal li ralal xcꞌajol laj Dan ut cuan xbande̱reb. Aꞌaneb li teꞌilok reheb li teꞌxic chi ubej. Ut laj Ahiezer li ralal laj Amisadai, aꞌan li najolomin reheb.

Números 10:22

Ut chirixeb li ralal xcꞌajol laj Coat, queꞌco̱eb li jun chꞌu̱tal li ralal xcꞌajol laj Efraín ut cuan xbande̱reb. Laj Elisama li ralal laj Amiud, aꞌan li najolomin reheb.

Números 1:50

Te̱xakabeb ban li ralal xcꞌajol laj Leví chi cꞌanjelac saꞌ li tabernáculo ut aꞌaneb li teꞌilok re chixjunil li nacꞌanjelac aran. Teꞌxyi̱b lix muheba̱leb chi xjun sutam li tabernáculo.

Colosenses 2:19

Eb aꞌan moco cuanqueb ta rubel xcuanquil li Cristo. Joꞌcan nak nequeꞌxba̱nu li bar cuan nequeꞌraj eb aꞌan. Abanan la̱o aj pa̱banel, junajo riqꞌuin li Cristo ut cau kachꞌo̱l riqꞌuin xban nak aꞌan najolomin ke. Ut aꞌan ajcuiꞌ natenkꞌan ke chi qꞌui̱c saꞌ li kapa̱ba̱l joꞌ naraj li Dios.

Filipenses 1:27

Li kꞌaxal lokꞌ xba̱nunquil, aꞌan aꞌin: Chexcua̱nk saꞌ xya̱lal riqꞌuineb le̱ ras e̱ri̱tzꞌin joꞌ e̱cꞌulub xban nak la̱ex ac xepa̱b li Jesucristo. Usta cuanquin e̱riqꞌuin, usta ma̱ anihin, nacuaj rabinquil resil nak cau e̱chꞌo̱l saꞌ le̱ pa̱ba̱l. Ut nacuaj ajcuiꞌ rabinquil nak junaj le̱ chꞌo̱l ut junaj e̱cꞌaꞌux chixyebal resil li colba-ib saꞌ xcꞌabaꞌ li Jesucristo.

Zacarías 9:16

Saꞌ eb li cutan aꞌan li Ka̱cuaꞌ Dios tixcoleb lix tenamit joꞌ nak narileb lix queto̱mk junak laj ilol xul. Nak cua̱nkeb cuiꞌchic saꞌ li naꞌajej li ta̱qꞌuehekꞌ reheb xban li Ka̱cuaꞌ, teꞌqꞌuehekꞌ xlokꞌal. Chanchanakeb chic li terto̱quil pec li naqꞌueheꞌ chiru junak corona.

Ezequiel 43:7

Quixye cue: —At ralal cui̱nk, aꞌan aꞌin lix naꞌaj lin cꞌojariba̱l. Aꞌan aꞌin xnaꞌaj li cuok. La̱in tincua̱nk arin chi junelic saꞌ xya̱nkeb li ralal xcꞌajol laj Israel. La̱in tintakla̱nk saꞌ xbe̱neb chi junelic kꞌe cutan. Incꞌaꞌ chic teꞌxmux ru lin cꞌabaꞌ riqꞌuin xlokꞌoninquil li jalanil dios. Chi moco laj Israel chi moco lix reyeb teꞌxba̱nu li ma̱usilal aꞌan. Chi moco teꞌxyi̱b saꞌ li naꞌajej li najt xteram lix jalam u̱ch lix reyeb li queꞌcam.

Isaías 18:3

¡Qꞌuehomak retal che̱junilex la̱ex li cuanquex saꞌ ruchichꞌochꞌ! Nak ta̱taksi̱k jun li retalil saꞌ xbe̱n li tzu̱l, ¡ilomak! Ut nak ta̱ya̱basi̱k li trompeta, ¡abihomak!

Isaías 12:6

Chisahokꞌ taxak saꞌ e̱chꞌo̱l ut chexbicha̱nk la̱ex li cuanquex Sión xban nak kꞌaxal nim xcuanquil li Dios Santo, lix Dioseb laj Israel, li cuan e̱riqꞌuin.—

Salmos 76:11

Yechiꞌihomak re li Ka̱cuaꞌ le̱ Dios li cꞌaꞌru te̱raj te̱yechiꞌi re. Ut qꞌuehomak re li cꞌaꞌru te̱yechiꞌi re. Ut chixjunilex li cuanquex chi jun sutam cꞌamomak chak le̱ mayej chiru li Ka̱cuaꞌ li tento xxucuanquil ru.

Números 10:18

Chirixeb aꞌan queꞌco̱eb li jun chꞌu̱tal li ralal xcꞌajol laj Rubén ut cuan lix bandereb. Laj Elisur li ralal laj Sedeur, aꞌan li najolomin reheb.

Números 10:14

Eb li ralal xcꞌajol laj Judá, aꞌaneb li xbe̱n chꞌu̱tal li queꞌco̱eb chi ubej ut cuan lix bandereb. Ut laj Naasón li ralal laj Aminadab, aꞌan li najolomin reheb.

Números 2:10

Eb li ralal xcꞌajol laj Rubén teꞌxyi̱b lix muheba̱leb saꞌ li sur ut teꞌxxakab lix bandereb chokꞌ retalileb. Laj Elisur li ralal laj Sedeur, aꞌan li ta̱cꞌamok be chiruheb.

Números 2:3

Eb li ralal xcꞌajol laj Judá teꞌxyi̱b lix muheba̱leb saꞌ li este ut teꞌxxakab lix bandereb chokꞌ retalileb. Ut laj Naasón, li ralal laj Aminadab, aꞌan li ta̱cꞌamok be chiruheb.

Números 2:1

Li Ka̱cuaꞌ quia̱tinac riqꞌuin laj Moisés ut laj Aarón ut quixye reheb:

Números 24:2

Ut quiril lix muheba̱leb laj Israel chi te̱p chꞌutchꞌu̱queb. Ut lix musikꞌ li Ka̱cuaꞌ quichal riqꞌuin laj Balaam.

Salmos 74:4

Cꞌajoꞌ nak queꞌxjap reheb li xicꞌ nequeꞌiloc a̱cue nak queꞌoc saꞌ la̱ templo chixpoꞌbal. Ut aran queꞌxxakab li retalil nak queꞌre̱chani.