Números 2:18 - Li Santil hu

¹⁸ Eb li ralal xcꞌajol laj Efraín teꞌxyi̱b lix muheba̱leb saꞌ li oeste. Ut teꞌxxakab lix bandereb chokꞌ retalileb. Ut laj Elisama li ralal laj Amiud, aꞌan li ta̱cꞌamok be chiruheb.

Q'eqchi Bible

¹⁸ “Sa' xjayal rokeb'l li saq'e te'xyiib' xmuheb'aaleb' li ralal xk'ajol laj Efraín, chi ch'uut, rub'el li reetalileb'. Li xjolomileb' a'in, a'an laj Elisamá, ralal laj Amiud.

Números 2:18 ပူးပေါင်းရင်းမြစ်များ

Números 10:22

Ut chirixeb li ralal xcꞌajol laj Coat, queꞌco̱eb li jun chꞌu̱tal li ralal xcꞌajol laj Efraín ut cuan xbande̱reb. Laj Elisama li ralal laj Amiud, aꞌan li najolomin reheb.

Números 1:10

Ut saꞌ xya̱nkeb lix te̱paleb li ralal xcꞌajol laj José, aꞌan laj Elisama li ralal laj Amiud li najolomin reheb lix te̱paleb li ralal xcꞌajol laj Efraín; ut laj Gamaliel li ralal laj Pedasur, aꞌan li najolomin reheb lix te̱paleb li ralal xcꞌajol laj Manasés.

Deuteronomio 33:17

Lix metzꞌe̱u li ralal xcꞌajol laj José chanchan xmetzꞌe̱u li xbe̱n ral jun li toro. Chanchan xcacuilal lix xucub li bo̱yx li cuan saꞌ qꞌuicheꞌ. Riqꞌuin lix cacuilaleb teꞌnumta̱k saꞌ xbe̱neb li xni̱nkal ru tenamit ut teꞌra̱linaheb toj saꞌ xmaril li ruchichꞌochꞌ. Aꞌan li usilal li tintzꞌa̱ma reheb li qꞌuila ralal xcꞌajol laj Efraín ut reheb li qꞌuila ralal xcꞌajol laj Manasés.

Números 7:53

Quixqꞌue ajcuiꞌ jun li te̱lom carner, o̱b li te̱lom chiba̱t, ut o̱b li te̱lom carner jun chihab cuan reheb re teꞌmayeja̱k re xcꞌambaleb rib saꞌ usilal riqꞌuin li Dios. Aꞌin li mayej li quixqꞌue laj Elisama li ralal laj Amiud.

Números 7:48

Saꞌ xcuuk li cutan quixcꞌam lix mayej laj Elisama li nataklan saꞌ xbe̱neb li ralal xcꞌajol laj Efraín. Laj Elisama aꞌan li ralal laj Amiud.

Números 1:32

Queꞌajla̱c li ralal xcꞌajol laj José. Queꞌtzꞌi̱ba̱c xcꞌabaꞌeb li ralal xcꞌajol laj Efraín li ac xeꞌxba̱nu junmay chihab re teꞌoc chokꞌ soldado. Queꞌajla̱c aꞌ yal chanru xqꞌuialeb saꞌ li junju̱nk cabal.

Génesis 48:5

Ut li cuib la̱ cualal li queꞌyoꞌla arin Egipto nak ma̱jiꞌ nincꞌulun arin a̱cuiqꞌuin, tzꞌakal cualaleb ajcuiꞌ nak nequeꞌcuil. Joꞌcan nak laj Efraín ut laj Manasés teꞌcua̱nk chokꞌ cue joꞌ nak cuanqueb laj Simeón ut laj Rubén.

Números 2:19

Caꞌcꞌa̱l mil riqꞌuin o̱b ciento (40,500) li soldado li teꞌcana̱k rubel xtakl laj Elisama.

Jeremías 31:9

Yo̱keb chi tijoc ut yo̱keb chi ya̱bac nak yo̱keb chi sukꞌi̱c. Tincꞌameb chireheb li rok haꞌ saꞌ li be ti̱c ru. Ut incꞌaꞌ teꞌxtich li rokeb. Tinba̱nu chi joꞌcan xban nak la̱in lix yucuaꞌeb laj Israel ut laj Efraín, aꞌan li xbe̱n cualal.