Números 19:3 - Li Santil hu

³ Li ba̱c ta̱cꞌamekꞌ riqꞌuin laj Eleazar laj tij. Ut aꞌan tixcꞌam chirix lix naꞌaj lix muheba̱leb ut aran ta̱camsi̱k chiru laj Eleazar.

Q'eqchi Bible

³ Teek'e re laj Elehasar laj tij; ut a'an taarisi chirixeb' li muheb'aal ut aran taakamsiiq chiru laj Elehasar.

Números 19:3 ပူးပေါင်းရင်းမြစ်များ

Levítico 4:12

Chixjunil li relaꞌ li chꞌina toro tixcꞌam chirix li naꞌajej li cuanqueb cuiꞌ lix muheba̱leb li tenamit. Ut aran saꞌ li naꞌajej li moco muxbil ta tixcꞌat chixjunil saꞌ li naꞌajej li naqꞌueman cuiꞌ li cha.

Levítico 4:21

Chirix aꞌan tixcꞌam li toro chirix li naꞌajej li cuanqueb cuiꞌ lix muheba̱leb li tenamit. Ut tixcꞌat chixjunil joꞌ nak quixcꞌat li toro jun. Li mayej aꞌin, aꞌan re xtzꞌa̱manquil xcuybal lix ma̱queb li tenamit.

Números 15:36

Joꞌcan nak eb li tenamit queꞌxcꞌam chirix li naꞌajej li cuanqueb cuiꞌ lix muheba̱leb ut queꞌxcuti chi pec toj retal quicam joꞌ quixye li Ka̱cuaꞌ re laj Moisés.

Números 3:4

Laj Nadab ut laj Abiú queꞌcam nak yo̱queb chi mayejac chiru li Ka̱cuaꞌ saꞌ li chaki chꞌochꞌ Sinaí. Queꞌcam xban nak incꞌaꞌ queꞌxba̱nu joꞌ quixye li Ka̱cuaꞌ. Ma̱cꞌaꞌeb ralal. Joꞌcan nak xjuneseb chic laj Eleazar ut laj Itamar queꞌcꞌanjelac chokꞌ aj tij nak toj yoꞌyo laj Aarón lix yucuaꞌeb.

Levítico 24:14

—Cꞌamomak li cui̱nk aꞌan toj chirix li naꞌajej li cuanqueb cuiꞌ lix muheba̱leb laj Israel. Chixjunileb li queꞌabin re nak quixmajecua lin cꞌabaꞌ teꞌxqꞌue li rukꞌeb saꞌ xbe̱n xjolom retalil nak cuan xma̱c. Ut chirix aꞌan chixjunileb teꞌxcamsi chi pec.

Levítico 16:27

Ut ta̱isi̱k saꞌ li naꞌajej aꞌan lix tibel li toro ut li chiba̱t li quicꞌanjelac xquiqꞌuel saꞌ li Santil Naꞌajej re xtojbal rix li ma̱c. Ut aran chirix li naꞌajej aꞌan ta̱cꞌatekꞌ lix tibel rech xiquic lix tzꞌu̱mal ut lix cꞌot.

Levítico 4:11

Tixcꞌam lix tzꞌu̱mal li toro, lix tibel, lix jolom, li rok, lix cꞌamcꞌot ut lix cꞌot.

Números 19:9

Ut junak li cui̱nk li incꞌaꞌ muxbil ru tixxoc lix chahil li cuacax ut tixcanab saꞌ junak li naꞌajej li incꞌaꞌ muxbil ru chirix li naꞌajej li cuanqueb cuiꞌ lix muheba̱leb. Eb laj Israel teꞌxxoc li cha re nak teꞌxyi̱b li haꞌ li ta̱cꞌanjelak re xsantobresinquileb.