Números 19:2 - Li Santil hu

² —Aꞌin jun li chakꞌrab li yo̱quin chixtenebanquil saꞌ xbe̱neb laj Israel re teꞌxba̱nu. Te̱ye reheb laj Israel chi joꞌcaꞌin. Cꞌamomak chak jun li ba̱c cak rix ut ma̱cꞌaꞌ re̱cꞌ, li ma̱ jun sut qꞌuebil yugo chirix xcux re ta̱trabajik.

Q'eqchi Bible

² “A'an a'in jun chaq'rab' xaqab'anb'il xwankil xb'aan li Qaawa'. Naxye chi jo'ka'in: Ye reheb' laj Israel naq te'xk'am chaq aawik'in jun li wakax kaq rix, maak'a'aq reek', maak'a'aq xmuxul ut toj maji' na'iiqank.

Números 19:2 ပူးပေါင်းရင်းမြစ်များ

Deuteronomio 21:3

Ut eb li nequeꞌcꞌamoc be saꞌ li tenamit li cuan chi nachꞌ riqꞌuin li camenak teꞌxchap jun li cuacax li toj ma̱jiꞌ xcꞌanjelac, li ma̱ jun sut qꞌuebil yugo chirix xcux.

1 Pedro 1:19

Colbilex ban riqꞌuin xlokꞌlaj quiqꞌuel li Cristo. Li Cristo, aꞌan li quixmayeja rib chiru li Dios Acuabej joꞌ jun li carner namayeja̱c chi ma̱cꞌaꞌ re̱cꞌ ut chi ma̱cꞌaꞌ xpaltil.

1 Samuel 6:7

Cauresihomak jun li carre̱t toj acꞌ. Sicꞌomak cuib li ba̱c cuan ral, li ma̱ jun sut qꞌuebil yugo chiri̱kaheb. Te̱qꞌueheb chixquelonquil li carre̱t ut incꞌaꞌ te̱takla li raleb chirixeb.

Apocalipsis 1:5

Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Jesucristo li ti̱c xchꞌo̱l chixyebal li ya̱l. Li Jesucristo aꞌan li xbe̱n li quicuacli chi yoꞌyo saꞌ xya̱nkeb li camenak. Aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Aꞌan quirahoc ke ut aꞌan qui-isin re li kama̱c nak quihoyeꞌ lix quiqꞌuel nak quicam saꞌ kacꞌabaꞌ.

1 Pedro 2:22

Li Cristo ma̱cꞌaꞌ xma̱c. Ut ma̱ jun sut quibalakꞌin.

Hebreos 9:10

Saꞌ lix pa̱ba̱leb junxil cuan li chakꞌrab chirix li cꞌaꞌru teꞌxtzaca ut cꞌaꞌru teꞌrucꞌ joꞌ ajcuiꞌ chanru nak teꞌchꞌajok re xsantobresinquileb rib. Usta incꞌaꞌ quijala lix naꞌlebeb, aban tento queꞌxba̱nu li chakꞌrab aꞌan toj quicuulac xkꞌehil nak li Dios quixjal nak quixqꞌue li acꞌ naꞌleb.

Hebreos 7:26

Li Ka̱cuaꞌ Jesucristo, aꞌan li tzꞌakal xyucuaꞌil aj tij. Ut aꞌan li natenkꞌan ke chi tzꞌakal. Moco juntakꞌe̱t ta lix yuꞌam riqꞌuineb laj ma̱c. Li Jesucristo santo ut ma̱cꞌaꞌ xma̱c. Aꞌan co̱ saꞌ choxa ut aran quiqꞌueheꞌ xnimal xlokꞌal.

San Lucas 1:35

Li ángel quixye re: —Riqꞌuin xcuanquil li Santil Musikꞌej tatcana̱k chi yaj aj ixk. Lix cuanquil li nimajcual Dios ta̱cua̱nk a̱cuiqꞌuin. Ut li cꞌulaꞌal li ta̱yoꞌla̱k, aꞌan santo ut tzꞌakal ralal li Dios.

Lamentaciones 1:14

Li Ka̱cuaꞌ yo̱ chak chixqꞌuebal retal li ma̱c li xkaba̱nu. Chanchan nak quixchꞌutubeb li kama̱c ut quixbacꞌ chiru li kacux. Chanchan li yugo li kꞌaxal a̱l xcꞌambal. Yo̱ chi osocꞌ li kametzꞌe̱u. Li Ka̱cuaꞌ coxkꞌaxtesi saꞌ rukꞌeb li xicꞌ nequeꞌiloc ke ut la̱o incꞌaꞌ chic nakacuy xcolbal kib chiruheb.

Isaías 1:18

Joꞌcaꞌin quixye li Ka̱cuaꞌ: —Quimkex. Abihomak ut chetauhak xya̱lal li cꞌaꞌru tinye e̱re. Cui tzꞌaj ru le̱ ra̱m xban li ma̱c, la̱in tinsakobresi nak tincuy le̱ ma̱c. Sak chic ta̱cana̱k joꞌ xsakal li ratzꞌam que. Cui le̱ ma̱c joꞌ li caki bon ma̱ jokꞌe na-el, aban la̱in tinsakobresi le̱ ra̱m ut joꞌ xsakal li nokꞌ ta̱cana̱k.

Números 31:21

Ut laj Eleazar laj tij quixye reheb li soldado li queꞌcuulac chi pletic rochben: —Aꞌan aꞌin li naxye saꞌ li chakꞌrab li quixqꞌue li Ka̱cuaꞌ re laj Moisés.

Números 19:6

Ut laj tij tixcut saꞌ xbe̱n li cuacax li yo̱ chi cꞌatc caꞌchꞌin li cheꞌ chacalteꞌ, jun li rukꞌ li pim hisopo ut caꞌchꞌin li caki tꞌicr lana.

Levítico 14:6

Chirix aꞌan laj tij tixtzꞌa li tzentzeyul li yoꞌyo saꞌ xquiqꞌuel li tzentzeyul li quicamsi̱c saꞌ xbe̱n li chꞌochꞌ ucꞌal li cuan haꞌ chi saꞌ. Ut tixtzꞌa ajcuiꞌ saꞌ li quicꞌ li cheꞌ chacalteꞌ ut li caki nokꞌ ut li hisopo.

Éxodo 12:5

Usta chiba̱t, usta carner li te̱sicꞌ, jun chihab cua̱nk re. Ut tento nak te̱lom li xul ut cha̱bilak. Ma̱cꞌaꞌak xyajel.

Números 19:1

Li Ka̱cuaꞌ quia̱tinac riqꞌuineb laj Moisés ut laj Aarón ut quixye reheb:

Levítico 1:3

Cui cuacax teꞌxqꞌue chokꞌ xcꞌatbil mayej, tento nak teꞌxqꞌue li toro tzꞌakalak re ru. Ut teꞌxqꞌue joꞌ na-ala saꞌ xchꞌo̱leb. Teꞌxcꞌam lix mayej chiru li Ka̱cuaꞌ saꞌ li oqueba̱l re li tabernáculo li nequeꞌxchꞌutub cuiꞌ ribeb li tenamit chixlokꞌoninquil li Dios.

Levítico 1:10

Cui carner malaj ut chiba̱t li tixqꞌue chokꞌ cꞌatbil mayej, tento nak tixqꞌue junak te̱lom tzꞌakalak re ru.