Números 19:17 - Li Santil hu

¹⁷ Joꞌcaꞌin nak ta̱santobresi̱k li ani tixmux rib. Ta̱qꞌuehekꞌ caꞌchꞌinak lix chahil li cuacax li cak rix li quicꞌateꞌ re xtojbal rix li ma̱c saꞌ junak ucꞌal rochben caꞌchꞌinak li haꞌ li qui-isi̱c saꞌ junak li yuꞌam haꞌ.

Q'eqchi Bible

¹⁷ “Cho'q re li xmuxum rib' taaxokmanq xchahel li wakax xk'atmank chirix li maak ut taak'eemanq jun sek'aq usil ha' sa' xb'een.

Números 19:17 ပူးပေါင်းရင်းမြစ်များ

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

San Juan 7:38

Xban nak joꞌcaꞌin tzꞌi̱banbil retalil saꞌ li Santil Hu: Chixjunileb li ani teꞌpa̱ba̱nk cue la̱in, li Santil Musikꞌej li naqꞌuehoc junelic yuꞌam ta̱cua̱nk riqꞌuineb. Chanchan jun li yuꞌam haꞌ li incꞌaꞌ na-osoꞌ.—

Cantares 4:15

Li yuꞌam haꞌ li cuan saꞌ li naꞌajej aꞌan naxtꞌakresi li acui̱mk. Na-el chak chi nabal saꞌ eb li tzu̱l re Líbano.

Números 19:9

Ut junak li cui̱nk li incꞌaꞌ muxbil ru tixxoc lix chahil li cuacax ut tixcanab saꞌ junak li naꞌajej li incꞌaꞌ muxbil ru chirix li naꞌajej li cuanqueb cuiꞌ lix muheba̱leb. Eb laj Israel teꞌxxoc li cha re nak teꞌxyi̱b li haꞌ li ta̱cꞌanjelak re xsantobresinquileb.

Génesis 26:19

Saꞌ jun li cutan eb lix mo̱s laj Isaac yo̱queb chixbecbal jun chic lix julel haꞌ saꞌ li ru takꞌa nak queꞌxtau jun yuꞌam haꞌ.

Hebreos 9:13

Saꞌ lix pa̱ba̱leb junxil cuan nak riqꞌuin li cꞌaꞌru nequeꞌxba̱nu laj tij, nequeꞌxmux ru lix cꞌanjel saꞌ li tabernáculo. Ut re xsachbal lix paltileb queꞌxmayeja li chiba̱t ut li toro. Lix quiqꞌuel ut lix chahil li cꞌatbil tukꞌ ixk cuacax narachrachi̱c saꞌ xbe̱neb laj tij.

Números 19:18

Chirix aꞌan junak li cui̱nk li incꞌaꞌ muxbil ru tixchap jun li rukꞌ cheꞌ hisopo ut tixtzꞌa saꞌ li haꞌ. Ut riqꞌuin li rukꞌ li hisopo tixrachrachi li haꞌ chiru li muheba̱l ut chiruheb chixjunil li cꞌaꞌak re ru cuan saꞌ li muheba̱l. Ut tixrachrachi ajcuiꞌ saꞌ xbe̱neb li cristian li cuanqueb aran. Tento nak ta̱rachrachi̱k li haꞌ saꞌ xbe̱neb li queꞌchꞌeꞌoc re xbakel li camenak, malaj ut li mukleba̱l, malaj ut junak li camenak li quicamsi̱c chi chꞌi̱chꞌ, malaj ut quicam yal chi joꞌcan.

Números 31:23

Chixjunil li chꞌi̱chꞌ ut chixjunil li cꞌa chic re ru li tixcuy cꞌatecꞌ, tento xnumsinquil saꞌ xam re xsantobresinquil. Abanan tento ajcuiꞌ xsantobresinquil riqꞌuin li haꞌ re santobresi̱nc. Ut chixjunil li incꞌaꞌ naru xnumsinquil saꞌ xam ta̱chꞌajekꞌ riqꞌuin li haꞌ re santobresi̱nc.

Ezequiel 36:25

Chanchan nak texinchꞌajobresi riqꞌuin sak ru haꞌ nak tincuisi li ma̱usilal xeba̱nu nak xemux e̱rib riqꞌuin xlokꞌoninquil li jalanil dios.

Zacarías 13:1

Saꞌ eb li cutan aꞌan, ta̱yoꞌla̱k jun li Yuꞌam Haꞌ. Ut li Haꞌ aꞌan ta̱chꞌajok re lix ma̱queb ut lix ma̱usilaleb li ralal xcꞌajol laj David joꞌqueb ajcuiꞌ li cuanqueb Jerusalén.