Números 19:15 - Li Santil hu

¹⁵ Ut chixjunil li cuc, malaj ut li ucꞌal li ma̱cꞌaꞌ xtzꞌapbal re ut li incꞌaꞌ tzꞌaptzꞌo chi us muxbileb ru.

Q'eqchi Bible

¹⁵ Ut chixjunil li sek' taatawmanq chi ink'a' tz'aptz'ookeb' re, muxb'ileb' ru.

Números 19:15 ပူးပေါင်းရင်းမြစ်များ

Levítico 14:36

Laj tij tixtakla risinquil chixjunil li cꞌaꞌru cuan saꞌ li cab nak toj ma̱jiꞌ na-oc chirilbal. Tento risinquil chixjunil re nak incꞌaꞌ tixbon rib li cꞌaꞌak re ru. Ut nak ac xeꞌrisi li cꞌaꞌ re ru, laj tij ta̱oc chirilbal ma cuan moꞌ saꞌ li cab aꞌan.

Levítico 11:32

Ut cui li camenak xul ta̱tꞌanekꞌ saꞌ xbe̱n li cꞌaꞌ re ru, li quinak cuiꞌ muxbilak chic ru, usta cheꞌ, usta tꞌicr, usta tzꞌu̱m, usta kꞌes ru tꞌicr ut yalak cꞌaꞌru chi cꞌanjeleba̱l. Muxbilak chic ru ta̱cana̱k toj ta̱oc li kꞌojyi̱n. Ut tento nak ta̱qꞌuehekꞌ saꞌ haꞌ re nak incꞌaꞌ chic muxbilak ru.

Números 31:20

Tento nak te̱santobresi ajcuiꞌ chixjunil li tꞌicr ut li cꞌaꞌak re ru yi̱banbil riqꞌuin tzꞌu̱m, ut li rix li chiba̱t joꞌ ajcuiꞌ li yi̱banbil riqꞌuin cheꞌ, chan.

Números 19:14

Aꞌin li chakꞌrab tinqꞌue chirixeb li cuanqueb saꞌ li muheba̱l bar cuiꞌ nacam junak: muxbilakeb ru li cuanqueb saꞌ li muheba̱l ut muxbilakeb ru li ani teꞌoc saꞌ li muheba̱l aꞌan. Muxbilak ruheb chiru cuukub cutan.

Números 19:16

Ut muxbilak ajcuiꞌ ru li ani ta̱chꞌeꞌok re junak camenak saꞌ cꞌaleba̱l, usta quicamsi̱c chi chꞌi̱chꞌ, malaj ut yal nacam chi joꞌcan. Ut muxbilak ru li ani ta̱chꞌeꞌok re xbakel li camenak malaj ut junak li mukleba̱l. Muxbil ru ta̱cana̱k chiru cuukub cutan.

Levítico 11:33

Cui jun li camenak xul ta̱tꞌanekꞌ chi saꞌ li chꞌochꞌ ucꞌal, muxbil chic ru ta̱cana̱k li ucꞌal joꞌ ajcuiꞌ li cuan chi saꞌ. Tento nak te̱jor li ucꞌal aꞌan.