Números 19:13 - Li Santil hu

¹³ Yalak ani li ta̱chꞌeꞌok re junak camenak ut incꞌaꞌ tixsantobresi rib, li jun aꞌan tixmux ru lix tabernáculo li Ka̱cuaꞌ. Tento nak ta̱isi̱k saꞌ xya̱nkeb laj Israel. Muxbil ru ta̱cana̱k xban nak incꞌaꞌ quirachrachi̱c li haꞌ saꞌ xbe̱n re santobresi̱c.

Q'eqchi Bible

¹³ Chixjunil li taach'e'oq junaq kamenaq ut ink'a' tixch'ajob'resi rib', tixmux xloq'al li xLoq'laj Muheb'aal li Qaawa'. Li winq a'an taa'isiiq sa' xyanqeb' laj Israel, xb'aan naq maji' xkirkiriik chi osob'tesinb'il ha': a'an muxb'il ut toj wank sa' xb'een li xmuxulal.

Números 19:13 ပူးပေါင်းရင်းမြစ်များ

Levítico 15:31

La̱ex te̱ye reheb laj Israel nak teꞌxba̱nu li chakꞌrab aꞌin re nak incꞌaꞌ muxbilak ruheb nak teꞌcha̱lk saꞌ lin tabernáculo li cuan saꞌ xya̱nkeb. Cui teꞌxmux ru lin tabernáculo teꞌca̱mk.

Levítico 22:3

Chalen anakcuan ut chi junelic cui muxbil ru junak ralal xcꞌajol nak ta̱oc chixqꞌuebal li lokꞌlaj mayej li queꞌxkꞌaxtesi cue eb laj Israel, laj tij aꞌan ta̱isi̱k chi cꞌanjelac chicuu. La̱in li Ka̱cuaꞌ ninyehoc re aꞌin.

Levítico 7:20

Cui junak tixmux rib ut tixtiu li tib li quimayeja̱c chiru li Dios re xcꞌambal rib saꞌ usilal riqꞌuin li Dios, li jun aꞌan ta̱isi̱k saꞌ xya̱nkeb li rech aj Israelil.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

Apocalipsis 22:11

Li ani yo̱k chixba̱nunquil li ma̱usilal, xba̱nuhak li ma̱usilal. Ut li ani yo̱k chi ma̱cobc, xba̱nuhak li ma̱c. Li ani ti̱c xchꞌo̱l, yo̱k chixba̱nunquil li ti̱quilal. Li ani santobresinbil, chicua̱nk saꞌ santilal.—

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

Hebreos 10:29

Numtajenak cuiꞌchic ra teꞌxcꞌul li nequeꞌtzꞌekta̱nan re li Ralal li Dios ut nequeꞌxsach xcuanquil lix quiqꞌuel xban nak riqꞌuin xquiqꞌuel li Jesucristo xakabanbil xcuanquil li acꞌ contrato ut santobresinbilo la̱o. Numtajenak cuiꞌchic ra teꞌxcꞌul li nequeꞌxmajecua li Santil Musikꞌej li naqꞌuehoc ke li rusilal li Dios.

San Juan 8:24

Joꞌcan nak xinye e̱re nak texca̱mk saꞌ le̱ ma̱c. La̱ex texca̱mk saꞌ le̱ ma̱c cui incꞌaꞌ nequepa̱b nak la̱in ac cuanquin ajcuiꞌ chak saꞌ xticlajic joꞌ xinye e̱re, chan li Jesús.

Proverbios 14:32

Li ani incꞌaꞌ useb xnaꞌleb, aꞌ ajcuiꞌ lix ma̱usilaleb nasachoc reheb. Ut eb li ti̱c xchꞌo̱leb incꞌaꞌ nequeꞌxxucua ru li ca̱mc xban nak cuan li cꞌaꞌru nequeꞌroybeni.

Números 19:20

Abanan cui incꞌaꞌ tixsantobresi rib junak li muxbil ru, tento nak li jun aꞌan ta̱isi̱k saꞌ xya̱nkeb laj Israel xban nak quixmux ru lix tabernáculo li Ka̱cuaꞌ. Muxbil ru ta̱cana̱k xban nak incꞌaꞌ quirachrachi̱c li haꞌ saꞌ xbe̱n re santobresi̱c.

Números 19:18

Chirix aꞌan junak li cui̱nk li incꞌaꞌ muxbil ru tixchap jun li rukꞌ cheꞌ hisopo ut tixtzꞌa saꞌ li haꞌ. Ut riqꞌuin li rukꞌ li hisopo tixrachrachi li haꞌ chiru li muheba̱l ut chiruheb chixjunil li cꞌaꞌak re ru cuan saꞌ li muheba̱l. Ut tixrachrachi ajcuiꞌ saꞌ xbe̱neb li cristian li cuanqueb aran. Tento nak ta̱rachrachi̱k li haꞌ saꞌ xbe̱neb li queꞌchꞌeꞌoc re xbakel li camenak, malaj ut li mukleba̱l, malaj ut junak li camenak li quicamsi̱c chi chꞌi̱chꞌ, malaj ut quicam yal chi joꞌcan.

Números 19:9

Ut junak li cui̱nk li incꞌaꞌ muxbil ru tixxoc lix chahil li cuacax ut tixcanab saꞌ junak li naꞌajej li incꞌaꞌ muxbil ru chirix li naꞌajej li cuanqueb cuiꞌ lix muheba̱leb. Eb laj Israel teꞌxxoc li cha re nak teꞌxyi̱b li haꞌ li ta̱cꞌanjelak re xsantobresinquileb.

Números 15:30

Abanan li ani naxkꞌet junak li chakꞌrab chi yal naraj xchꞌo̱l, li jun aꞌan ta̱camsi̱k usta aj Israel usta jalan xtenamit. Ta̱camsi̱k xban nak quinixtzꞌekta̱na la̱in li Ka̱cuaꞌ.

Números 8:7

Joꞌcaꞌin ta̱ba̱nu re xsantobresinquileb. Ta̱rachrachi saꞌ xbe̱neb li haꞌ li nacꞌanjelac re santobresi̱nc ut ta̱ye reheb nak teꞌxjo li rismaleb ut teꞌxpuchꞌ li rakꞌeb re nak teꞌcana̱k chi santobresinbil.

Levítico 20:3

La̱in tinjoskꞌokꞌ saꞌ xbe̱n li cui̱nk li tixqꞌue li ralal xcꞌajol chokꞌ xmayej re xlokꞌoninquil li yi̱banbil dios Moloc. Riqꞌuin aꞌan teꞌxmux ru lin tabernáculo ut teꞌxmux ajcuiꞌ ru lin santil cꞌabaꞌ. Cui teꞌxba̱nu chi joꞌcan, la̱in tincuisiheb saꞌ xya̱nkeb laj Israel.

Levítico 5:17

Cui junak cristian naxkꞌet lix chakꞌrab li Dios chi incꞌaꞌ naxnau nak ma̱c li xba̱nu, aꞌan cuan xma̱c usta incꞌaꞌ naxnau nak ma̱c xba̱nu. Ut li ma̱c aꞌan cua̱nk saꞌ xbe̱n.

Levítico 5:6

Tento nak tixqꞌue chokꞌ xmayej chiru li Ka̱cuaꞌ re xtzꞌa̱manquil xcuybal lix ma̱c jun li ixki carner malaj ut li ixki chiba̱t. Ut laj tij tixmayeja chiru li Ka̱cuaꞌ re xtojbal rix lix ma̱c.

Levítico 5:3

Tixmux rib li ani tixchꞌeꞌ li cꞌaꞌak re ru muxbil ru xban junak cristian, usta incꞌaꞌ quixqꞌue retal nak incꞌaꞌ us xba̱nu. Ut cui mokon tixqꞌue retal nak incꞌaꞌ us xba̱nu, cuan xma̱c.

Hebreos 9:10

Saꞌ lix pa̱ba̱leb junxil cuan li chakꞌrab chirix li cꞌaꞌru teꞌxtzaca ut cꞌaꞌru teꞌrucꞌ joꞌ ajcuiꞌ chanru nak teꞌchꞌajok re xsantobresinquileb rib. Usta incꞌaꞌ quijala lix naꞌlebeb, aban tento queꞌxba̱nu li chakꞌrab aꞌan toj quicuulac xkꞌehil nak li Dios quixjal nak quixqꞌue li acꞌ naꞌleb.

Levítico 7:21

Cui ani tixmux rib riqꞌuin xchꞌeꞌbal li muxbil ru, usta cristian usta xul li tixchꞌeꞌ, ut tixtzaca li tib li mayejanbil re xcꞌambal rib saꞌ usilal riqꞌuin li Dios, li jun aꞌan ta̱isi̱k saꞌ xya̱nkeb li rech aj Israelil.

Números 19:14

Aꞌin li chakꞌrab tinqꞌue chirixeb li cuanqueb saꞌ li muheba̱l bar cuiꞌ nacam junak: muxbilakeb ru li cuanqueb saꞌ li muheba̱l ut muxbilakeb ru li ani teꞌoc saꞌ li muheba̱l aꞌan. Muxbilak ruheb chiru cuukub cutan.

Números 19:19

Li cui̱nk li incꞌaꞌ muxbil ru tixrachrachi li haꞌ saꞌ xbe̱n li muxbil ru saꞌ li rox cutan ut saꞌ li xcuuk li cutan. Saꞌ li xcuuk li cutan ta̱santobresi̱k li muxbil ru. Tento nak tixpuchꞌ li rakꞌ ut ta̱ati̱nk re nak santobresinbilak chic nak ta̱oc li kꞌojyi̱n.

Ezequiel 44:26

Nak ac xsantobresi rib, laj tij incꞌaꞌ ta̱cꞌanjelak chiru cuukub cutan.

Éxodo 30:33

Cui ani tixyi̱b jun chic li aceite joꞌ aꞌin, li jun aꞌan ta̱isi̱k saꞌ xya̱nkeb laj Israel. Ut cui ani tixqꞌue saꞌ xbe̱n junak li ma̱cuaꞌ aj tij, aꞌan ta̱isi̱k ajcuiꞌ saꞌ xya̱nkeb laj Israel.

Levítico 22:4

Ma̱ jun reheb li ralal xcꞌajol laj Aarón li cuan li yajel saklep chirix malaj ut na-el xyaꞌal lix tzꞌejcual naru tixtzaca li lokꞌlaj mayej chi toj ma̱jiꞌ xsantobresi rib. Joꞌcan ajcuiꞌ li tixmux rib riqꞌuin xchꞌeꞌbal li cꞌaꞌru quinak camenak chiru malaj ut cui xchꞌeꞌ li ani yo̱ chi e̱lc xyaꞌal lix tzꞌejcual.

Números 9:13

Ut cui cuan junak li incꞌaꞌ tixninkꞌei li Pascua ut moco muxbil ta ru chi moco yo̱ ta chi viajic, li jun aꞌan ta̱isi̱k saꞌ xya̱nkeb laj Israel xban nak incꞌaꞌ quixqꞌue xmayej chicuu saꞌ xkꞌehil. Tento nak li jun aꞌan tixtoj rix lix ma̱c xban nak incꞌaꞌ quixninkꞌei li Pascua.