Números 19:10 - Li Santil hu

¹⁰ Tento nak tixpuchꞌ li rakꞌ li cui̱nk li ta̱xocok re lix chahil li cuacax. Ut muxbilak ru li cui̱nk aꞌan toj ta̱oc li kꞌojyi̱n. Aꞌin jun li chakꞌrab li te̱ba̱nu chalen anakcuan ut chi junelic, la̱ex aj Israel, joꞌ eb ajcuiꞌ li jalan xtenamiteb li cuanqueb saꞌ e̱ya̱nk.

Q'eqchi Bible

¹⁰ Li ani xxokok re xchahil li wakax tixpuch' li raq', ut muxb'ilaq chalen toj ewu. A'an a'in jun chaq'rab' chi junajwa cho'q reheb' laj Israel, jo' ajwi' cho'q reheb' laj ab'l tenamit li wankeb' sa' xyanqeb'.

Números 19:10 ပူးပေါင်းရင်းမြစ်များ

Colosenses 3:11

La̱o aj pa̱banel juntakꞌe̱to chiru li Dios xban nak junajo saꞌ li acꞌ yuꞌam. Moco jalaneb ta laj griego chiruheb laj judío. Moco jalaneb ta li tzolbileb chiruheb li incꞌaꞌ tzolbileb. Moco jalaneb ta li xeꞌxba̱nu li circuncisión chiruheb li incꞌaꞌ xeꞌxba̱nu. Moco jalan ta li junju̱nk usta jalan xtenamit. Moco jalaneb ta li cuanqueb xpatrón chiruheb li ma̱cꞌaꞌeb xpatrón. Li kꞌaxal lokꞌ xcꞌoxlanquil aꞌan aꞌin: Li Jesucristo cuan riqꞌuineb li junju̱nk li nequeꞌpa̱ban re ut junajo chic saꞌ xcꞌabaꞌ li Jesucristo.

Números 19:19

Li cui̱nk li incꞌaꞌ muxbil ru tixrachrachi li haꞌ saꞌ xbe̱n li muxbil ru saꞌ li rox cutan ut saꞌ li xcuuk li cutan. Saꞌ li xcuuk li cutan ta̱santobresi̱k li muxbil ru. Tento nak tixpuchꞌ li rakꞌ ut ta̱ati̱nk re nak santobresinbilak chic nak ta̱oc li kꞌojyi̱n.

Éxodo 12:49

Juntakꞌe̱takeb chic li chakꞌrab chokꞌ e̱re joꞌ ajcuiꞌ reheb li jalan xtenamiteb.

Levítico 14:46

Yalak ani ta̱oc saꞌ li cab nak tzꞌaptzꞌo̱k, aꞌan muxbilak chic ru toj ta̱oc li kꞌojyi̱n.

Levítico 11:25

Li ani tixcuaclesi li camenak xul aꞌin, tento nak tixpuchꞌ li rakꞌ ut li jun aꞌan muxbil chic ru ta̱cana̱k toj ta̱oc li kꞌojyi̱n.

Levítico 16:28

Li ani ta̱cꞌatok reheb lix tibel li xul aꞌan, tento nak ta̱ati̱nk ut tixpuchꞌ li rakꞌ. Chirix aꞌan naru na-oc saꞌ li naꞌajej li cuanqueb cuiꞌ lix muheba̱leb laj Israel.

Números 19:21

Aꞌin jun li chakꞌrab tento te̱ba̱nu chalen anakcuan ut chi junelic. Ut li ani narachrachin li haꞌ re santobresi̱c, tento nak tixpuchꞌ li rakꞌ. Ut li ani ta̱chꞌeꞌok re li haꞌ re santobresi̱c muxbilak chic ru ta̱cana̱k toj ta̱ecuu̱k.