Números 18:8 - Li Santil hu

⁸ Ut li Ka̱cuaꞌ quixye re laj Aarón: —La̱in xinteneb ajcuiꞌ saꞌ e̱be̱n rilbal li mayej li naqꞌueheꞌ cue. Chixjunil li santil mayej li nequeꞌxqꞌue eb laj Israel la̱in tinqꞌue e̱re ut reheb la̱ cualal. Li ma̱tan aꞌan e̱rehak anakcuan ut chi junelic kꞌe cutan.

Q'eqchi Bible

⁸ Kixye li Qaawa' re laj Aharón: “Laa'in tink'e chawil li mayej nak'eemank we. Chixjunil li loq'laj mayej nayeechi'imank we xb'aaneb' laj Israel, tink'e aawe ut cho'q reheb' laawalal; a'anaq eereechanihom chi junajwa.

Números 18:8 ပူးပေါင်းရင်းမြစ်များ

Levítico 6:16

Ut li joꞌ qꞌuial chic li mayej li ta̱elaꞌa̱nk, teꞌxtzaca laj Aarón ut eb li ralal chi ma̱cꞌaꞌ xchꞌamal. Teꞌxtzaca saꞌ jun li naꞌajej lokꞌ. Teꞌxtzaca chiru li neba̱l li cuan chiru li Santil Naꞌajej.

Levítico 7:6

Eb laj tij ut eb li ralal naru nequeꞌtzacan re li mayej aꞌin. Tento nak teꞌxtzaca saꞌ li naꞌajej santo xban nak aꞌan jun li mayej santobresinbil.

Levítico 6:18

Chixjunileb li ralal laj Aarón naru teꞌxtzaca li tzacae̱mk aꞌin. Aꞌin jun li chakꞌrab cua̱nk chi junelic chokꞌ reheb. Eb aꞌan li naru teꞌtzaca̱nk re xcomoneb li mayej aꞌin li nequeꞌcꞌateꞌ chiru li Ka̱cuaꞌ. Cui li mayej aꞌin ta̱nak saꞌ xbe̱n cꞌaꞌak re ru, santobresinbil teꞌcana̱k.

Éxodo 40:15

Ta̱yul ajcuiꞌ li aceite saꞌ xjolomeb joꞌ xaba̱nu re laj Aarón lix yucuaꞌeb. Aꞌan retalil nak eb aꞌan teꞌcꞌanjelak ajcuiꞌ chicuu chokꞌ aj tij. Ut aꞌan ajcuiꞌ li retalil nak mokon chic eb li ralal xcꞌajol joꞌ eb ajcuiꞌ li ri xmam teꞌcꞌanjelak chicuu chokꞌ aj tij chalen kꞌe cutan, chan li Dios re laj Moisés.

Éxodo 40:13

Ta̱qꞌue li rakꞌ laj Aarón chirix, li sicꞌbil ru inban. Ta̱yul li aceite saꞌ xjolom ut ta̱kꞌaxtesi saꞌ cuukꞌ re nak naru ta̱cꞌanjelak chicuu chokꞌ aj tij.

Éxodo 29:29

Li rakꞌ li ta̱qꞌuehekꞌ chirix laj Aarón nak ta̱xakaba̱k chokꞌ aj tij, aꞌan ajcuiꞌ ta̱kꞌaxtesi̱k cuiꞌchic reheb li ralal xcꞌajol re teꞌxqꞌue chirixeb nak teꞌxakaba̱k mokon chokꞌ aj tij chicuu la̱in li Dios.

1 Juan 2:27

Abanan incꞌaꞌ tento ta̱cua̱nk junak aj tzolol e̱re re xcꞌutbal che̱ru cꞌaꞌru li ya̱l ut cꞌaꞌru li incꞌaꞌ ya̱l xban nak qꞌuebil e̱re li Santil Musikꞌej xban li Jesucristo. Li Santil Musikꞌej cuan e̱riqꞌuin ut aꞌan li naqꞌuehoc e̱naꞌleb. Li cꞌaꞌru naxcꞌut che̱ru li Santil Musikꞌej tzꞌakal ya̱l. Moco ticꞌtiꞌ ta. Joꞌcan nak chexcua̱nk chi sum a̱tin riqꞌuin li Jesucristo joꞌ naxcꞌut che̱ru li Santil Musikꞌej.

1 Juan 2:20

Ut la̱ex ac santobresinbilex xban li Santil Musikꞌej li qꞌuebil e̱re xban li Jesucristo, ut nequenau chic lix ya̱lal.

Hebreos 1:9

Li ti̱quilal nacuulac cha̱cuu ut li ma̱usilal xicꞌ nacacuil. Joꞌcan nak sicꞌbil a̱cuu inban la̱in li nimajcual Dios. La̱in la̱ Dios. Kꞌaxal numtajenak li sahil chꞌo̱lej xinqꞌue a̱cue la̱at chiru li xinqꞌue reheb chixjunileb la̱ cuech aj cꞌanjelil. (Sal. 45:6-7)

Isaías 10:27

Saꞌ eb li cutan aꞌan tex-isi̱k rubel xcuanquil eb laj Asiria. Incꞌaꞌ chic texrahobtesi̱k xbaneb. Chanchan nak ta̱isi̱k li a̱lal i̱k li cuan saꞌ e̱be̱n. Malaj ut chanchan nak ta̱isi̱k junak yugo saꞌ e̱be̱n. Chanchan nak ta̱tokekꞌ li yugo.

Deuteronomio 26:13

Ut te̱ye re li Ka̱cuaꞌ le̱ Dios, “La̱in xcuisi saꞌ li cuochoch li lokꞌlaj mayej. Xinqꞌue reheb laj levita, eb li jalaneb xtenamit, ut eb li ma̱cꞌaꞌ xnaꞌ xyucuaꞌ joꞌ eb ajcuiꞌ li xma̱lcaꞌan. Xinba̱nu joꞌ xaye cue. Incꞌaꞌ xinkꞌet la̱ chakꞌrab chi moco xsach saꞌ inchꞌo̱l li xaye cue.

Deuteronomio 12:11

Li Ka̱cuaꞌ le̱ Dios tixsicꞌ ru jun li naꞌajej li ta̱lokꞌoni̱k cuiꞌ. Ut la̱ex te̱cꞌam aran le̱ mayej li te̱qꞌue re li Ka̱cuaꞌ. Te̱cꞌam aran le̱ cꞌatbil mayej ut li mayej li junju̱nk saꞌ xlaje̱tkil, ut li mayej li na-ala saꞌ e̱chꞌo̱l xqꞌuebal, joꞌ ajcuiꞌ li mayej li te̱qꞌue nak nequeyechiꞌi xba̱nunquil li cꞌaꞌak re ru re li Ka̱cuaꞌ Dios.

Deuteronomio 12:6

Ut aran te̱cꞌam le̱ mayej xul ut te̱camsi ut te̱cꞌat re xqꞌuebal xlokꞌal li Ka̱cuaꞌ. Ut te̱cꞌam ajcuiꞌ le̱ mayej li junju̱nk saꞌ xlaje̱tkil joꞌ ajcuiꞌ li mayej li na-ala saꞌ e̱chꞌo̱l xqꞌuebal. Te̱cꞌam ajcuiꞌ le̱ mayej li ac xeyechiꞌi re li Ka̱cuaꞌ. Ut aran ajcuiꞌ te̱mayeja li xbe̱n ral le̱ cuacax ut li xbe̱n ral le̱ carner.

Números 18:9

Ut tinqꞌue ajcuiꞌ e̱re li santil mayej li incꞌaꞌ nacꞌatman. Textzꞌak ajcuiꞌ li mayej re li xbe̱n ru li acui̱mk, li mayej re xtojbal rix li ma̱c, ut re xtzꞌa̱manquil xcuybal li ma̱c nak junak naxkꞌet junak li chakꞌrab. Chixjunil li ta̱qꞌuehekꞌ cue chokꞌ mayej, a̱cuehak la̱at ut rehakeb la̱ cualal.

Levítico 21:10

Lix yucuaꞌil eb laj tij, aꞌan quiqꞌueheꞌ li aceite saꞌ xjolom. Ut aꞌan kꞌaxtesinbil chirocsinquil li rakꞌeb laj tij. Joꞌcan nak incꞌaꞌ ta̱risi li tꞌicr li bacꞌbo saꞌ jolom ut incꞌaꞌ tixpej li rakꞌ xban xrahil xchꞌo̱l.

Levítico 8:30

Chirix aꞌan laj Moisés quixchap caꞌchꞌin li quicꞌ li cuan saꞌ li artal ut quixchap ajcuiꞌ caꞌchꞌin li aceite ut quixrachrachi saꞌ xbe̱n laj Aarón ut chiru li rakꞌ. Quixrachrachi ajcuiꞌ saꞌ xbe̱neb li ralal ut chiru li rakꞌeb. Joꞌcaꞌin nak quixkꞌaxtesi re li Ka̱cuaꞌ laj Aarón ut eb li ralal ut quixkꞌaxtesi re li Ka̱cuaꞌ li rakꞌeb.

Levítico 6:26

Li mayej li tixqꞌue laj tij re xtzꞌa̱manquil xcuybal xma̱queb, aꞌan ta̱ru̱k tixtzaca li tib aꞌan. Tento nak tixtzaca saꞌ li naꞌajej santo saꞌ li neba̱l re li tabernáculo.

Levítico 6:20

—Aꞌan aꞌin li mayej li teꞌxqꞌue laj Aarón ut eb li ralal saꞌ li cutan nak teꞌxakaba̱k chokꞌ aj tij: ca̱hib libra riqꞌuin media libra li cha̱bil cꞌaj. Yijach teꞌxqꞌue ekꞌela ut yijach teꞌxqꞌue ecuu. Ut aꞌin teꞌxba̱nu rajlal cutan.

Éxodo 29:21

Ut li quicꞌ li cuan saꞌ li artal ta̱junaji riqꞌuin li aceite li nequeꞌxqꞌue saꞌ xbe̱neb li nequeꞌkꞌaxtesi̱c chi cꞌanjelac chiru li Ka̱cuaꞌ. Ut ta̱rachrachi li quicꞌ rochben li aceite saꞌ xbe̱n laj Aarón ut saꞌ xbe̱neb li ralal, joꞌ ajcuiꞌ chiru li rakꞌeb re nak kꞌaxtesinbilak laj Aarón joꞌqueb ajcuiꞌ li ralal chi cꞌanjelac chicuu, ut re ajcuiꞌ nak kꞌaxtesinbilak li rakꞌeb.

1 Corintios 9:13

¿Ma incꞌaꞌ ta biꞌ nequenau nak eb laj judío li nequeꞌcꞌanjelac saꞌ rochoch li Dios, tento ajcuiꞌ nak nequeꞌtzꞌak li cꞌaꞌru namayeja̱c saꞌ rochoch li Dios? Aꞌan naraj naxye nak eb li nequeꞌcꞌanjelac saꞌ li artal nequeꞌtzꞌak ajcuiꞌ lix tibel li mayejanbil xul.

Levítico 7:14

Tixqꞌue re li Ka̱cuaꞌ junju̱nk li caxlan cua. Li caxlan cua aꞌan re laj tij li ta̱rachok re lix quiqꞌuel li xul li ta̱mayeja̱k re xcꞌambaleb rib saꞌ usilal riqꞌuin li Dios.

Levítico 7:28

Li Ka̱cuaꞌ quia̱tinac riqꞌuin laj Moisés ut quixye re:

2 Crónicas 31:4

Li rey quixye reheb li tenamit li cuanqueb Jerusalén nak teꞌxqꞌue li mayej li tento teꞌxcꞌul laj tij ut eb laj levita re nak teꞌxkꞌaxtesi ribeb chi cꞌanjelac chiru li Ka̱cuaꞌ.

Éxodo 28:43

Rajlal teꞌxqꞌue li rakꞌeb aꞌan chirixeb nak teꞌoc saꞌ li tabernáculo ut nak teꞌoc chi cꞌanjelac saꞌ li artal li cuan saꞌ li Santil Naꞌajej re nak incꞌaꞌ teꞌpaltok chicuu la̱in li Ka̱cuaꞌ. Tento teꞌxba̱nu aꞌan re nak incꞌaꞌ teꞌca̱mk laj Aarón rochbeneb li ralal. Li chakꞌrab aꞌan tenebanbil chi junelic saꞌ xbe̱neb laj Aarón ut eb li ralal xcꞌajol li teꞌcua̱nk mokon.

Éxodo 29:28

Aꞌan jun chakꞌrab tenebanbil saꞌ xbe̱neb laj Israel nak lix tibel li carner li teꞌxtaksi chicuu la̱in li Ka̱cuaꞌ, aꞌan li teꞌxqꞌue re laj Aarón ut reheb li ralal. Aꞌin teꞌxba̱nu eb laj Israel re xcꞌambaleb rib saꞌ usilal cuiqꞌuin la̱in li Dios.

Levítico 23:20

Laj tij tixtaksi chiru li Ka̱cuaꞌ li cuib li cocꞌ carner chokꞌ mayej saꞌ xcꞌabaꞌeb laj tij. Ut tixtaksi ajcuiꞌ li caxlan cua yi̱banbil riqꞌuin li xbe̱n ru li acui̱mk. Eb li mayej aꞌan santobresinbileb.

Números 5:9

Chixjunileb li lokꞌlaj mayej li nequeꞌxqꞌue re li Ka̱cuaꞌ eb laj Israel teꞌcana̱k chokꞌ reheb laj tij li teꞌcꞌuluk re li mayej.

Deuteronomio 18:1

Eb laj tij ut li jun chꞌol chic li ralal xcꞌajol laj Leví incꞌaꞌ teꞌre̱chani lix chꞌochꞌeb joꞌ eb li jun chꞌol chic laj Israel. Eb aꞌan teꞌxcꞌul xcomon li mayej li nacꞌatman chiru li Ka̱cuaꞌ. Aꞌan li teꞌre̱chani.

2 Reyes 12:16

Ut li tumin li nequeꞌxqꞌue re xpatzꞌbal xcuybal xma̱queb, aꞌan incꞌaꞌ nequeꞌxqꞌue saꞌ li ca̱x xban nak li tumin aꞌan nacꞌanjelac chiruheb laj tij.

2 Crónicas 31:5

Nak queꞌrabi resil li esilal aꞌin, queꞌxqꞌue chi nabal li xbe̱n ru li racui̱mkeb laj Israel. Queꞌxqꞌue ajcuiꞌ li vino, li aceite, li xyaꞌal cab, ut li xbe̱n ru li racui̱mkeb. Ut queꞌxqꞌue ajcuiꞌ li junju̱nk saꞌ xlaje̱tkil re chixjunil li cꞌaꞌru cuan reheb.