Números 18:7 - Li Santil hu

⁷ Abanan caꞌaj cuiꞌ la̱at ut eb la̱ cualal ta̱ru̱k teꞌcꞌanjelak chokꞌ aj tij chiru li artal ut saꞌ li Lokꞌlaj Santil Naꞌajej. La̱in quinxakaban e̱re la̱ex chi cꞌanjelac chokꞌ aj tij. Cui junak jalan ta̱oc chixba̱nunquil li cꞌanjel qꞌuebil e̱re saꞌ li Santil Naꞌajej, li jun aꞌan ta̱camsi̱k.

Q'eqchi Bible

⁷ A'ut laa'at ut eb' laawalal laa'exaq laj tij sa' chixjunil li na'uxmank chiru li artal malaj sa' li k'anjel na'uxmank junpak'al li t'ilkem. Xink'e eere wank cho'q aj tij jo' jun eemaatan. Wi junaq li maawa' aj tij taajiloq chi k'anjelak cho'q aj tij, taakamsiiq”, chan li Qaawa'.

Números 18:7 ပူးပေါင်းရင်းမြစ်များ

San Juan 3:27

Quichakꞌoc laj Juan ut quixye: —Junak cui̱nk ma̱cꞌaꞌ cꞌaꞌru tixba̱nu chi incꞌaꞌ ta qꞌuebil re xban li Dios.

Números 3:10

Ta̱xakabeb laj Aarón ut eb li ralal chi cꞌanjelac chokꞌ aj tij. Ut li jalan teꞌnachꞌok riqꞌuin li tabernáculo teꞌca̱mk.—

Números 18:20

Li Ka̱cuaꞌ quixye re laj Aarón: —Incꞌaꞌ textzꞌak chꞌochꞌ saꞌ xya̱nkeb laj Israel. Ma̱cꞌaꞌ te̱re̱chani saꞌ li naꞌajej li tinqꞌue reheb laj Israel. Caꞌaj cuiꞌ la̱in tine̱re̱chani. Caꞌaj cuiꞌ la̱in tinqꞌuehok e̱re li cꞌaꞌru nequeraj.

Números 16:40

Quixba̱nu laj Eleazar joꞌ quixye li Ka̱cuaꞌ re laj Moisés. Aꞌan jun retalil chiruheb laj Israel nak juneseb li ralal xcꞌajol laj Aarón naru nequeꞌxcꞌat li pom chiru li Ka̱cuaꞌ. Jalan incꞌaꞌ naru ma̱re anchal tixcꞌul joꞌ queꞌxcꞌul laj Coré ut eb li queꞌoquen chirix.

Hebreos 5:4

Lix cꞌanjel li xyucuaꞌil aj tij kꞌaxal lokꞌ, aban ma̱ jun naxyoꞌob xcꞌanjel yal xjunes rib. Eb aꞌan sicꞌbil ruheb xban li Dios. Li Dios naxxakabeb chi cꞌanjelac joꞌ nak quixakaba̱c laj Aarón najter.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

1 Samuel 2:28

Saꞌ xya̱nkeb chixjunileb li xte̱paleb li ralal xcꞌajol laj Israel la̱in xinsicꞌ ru laj Aarón joꞌ eb ajcuiꞌ li ralal xcꞌajol, re nak teꞌcꞌanjelak chicuu chokꞌ aj tij. Teꞌmayejak chicuu chiru li artal. Teꞌxcꞌat li incienso ut teꞌrocsi li efod nak teꞌtijok chicuu. Ut xinye ajcuiꞌ reheb le̱ xeꞌto̱nil yucuaꞌ nak tento teꞌxcꞌul caꞌchꞌinak eb li mayej li nequeꞌxqꞌue eb laj Israel.

Números 3:38

Laj Moisés rochbeneb laj Aarón ut eb li ralal teꞌxyi̱b lix muheba̱leb chixcꞌatk li tabernáculo saꞌ li este chiru li oqueba̱l re li tabernáculo. Aꞌaneb li teꞌilok re li Santil Naꞌajej saꞌ xcꞌabaꞌeb laj Israel. Cui junak jalan ta̱xic cuan cuiꞌ li tabernáculo, li jun aꞌan ta̱camsi̱k.

Números 1:51

Ut nak eb laj Israel teꞌxjal xnaꞌaj li tabernáculo, eb li ralal xcꞌajol laj Leví teꞌhitok re ut aꞌaneb ajcuiꞌ li teꞌxakaba̱nk re nak teꞌhila̱nk saꞌ jalan naꞌajej. Cui junak jalan ta̱jilok riqꞌuin li tabernáculo saꞌ li ho̱nal aꞌan, li jun aꞌan ta̱camsi̱k.

Levítico 16:2

Li Dios quixye re laj Moisés: —Ye re laj Aarón la̱ cuas nak incꞌaꞌ naru ta̱oc yalak jokꞌe cuan cuiꞌ li Lokꞌlaj Ca̱x. Cui na-oc yalak jokꞌe, naru nacam xban nak aran ninhilan la̱in saꞌ li chanchan chok saꞌ xbe̱n lix tzꞌapbal re li Lokꞌlaj Ca̱x li nacuyeꞌ cuiꞌ li ma̱c.

Éxodo 29:9

Ut ta̱qꞌue lix bacꞌbal xsaꞌeb laj Aarón joꞌqueb ajcuiꞌ li ralal ut ta̱qꞌue lix mitra saꞌ xjolomeb. Riqꞌuin aꞌan kꞌaxtesinbilakeb chi cꞌanjelac chicuu chokꞌ aj tij chi junelic.

San Mateo 10:8

Cheqꞌuirtesiheb li yaj, checuaclesiheb cuiꞌchic chi yoꞌyo li camenak. Cheqꞌuirtesiheb li saklep rix ut cherisiheb li ma̱us aj musikꞌej. Chi ma̱tan xecꞌul le̱ cuanquil ut chi ma̱tan ajcuiꞌ te̱ba̱nu li usilal.

1 Pedro 5:2

La̱ex laj cꞌamol be, tintzꞌa̱ma che̱ru nak te̱qꞌue e̱chꞌo̱l chirilbaleb li ralal xcꞌajol li Dios joꞌ nak laj ilol xul narileb lix xul chi anchal xchꞌo̱l. Te̱qꞌue e̱chꞌo̱l chixchꞌolaninquileb laj pa̱banel li kꞌaxtesinbil e̱re xban li Dios chi ma̱cuaꞌ minbil e̱ru. Te̱ba̱nu ban chi anchal e̱chꞌo̱l. Me̱ba̱nu yal xban xrahinquil ru le̱ tojbal. Cheba̱nu ban xban nak te̱raj cꞌanjelac chiru li Dios.

1 Pedro 5:3

Me̱taklaheb saꞌ joskꞌil li kꞌaxtesinbileb e̱re. Te̱taklaheb ban saꞌ xya̱lal. Cha̱bilakex chiruheb re nak teꞌril le̱ cha̱bilal.

Éxodo 28:1

Saꞌ xya̱nkeb laj Israel ta̱sicꞌ ru la̱ cuas laj Aarón joꞌqueb ajcuiꞌ li ralal. Aꞌaneb laj Nadab, laj Abiú, laj Eleazar ut laj Itamar. Aꞌaneb li ta̱xakabeb chi cꞌanjelac chicuu chokꞌ aj tij.

Números 18:3

Teꞌcua̱nk rubel la̱ takl. Teꞌcꞌanjelak saꞌ li tabernáculo. Abanan incꞌaꞌ naru teꞌnachꞌok riqꞌuin li cꞌaꞌak re ru li cuan saꞌ li Santil Naꞌajej chi moco teꞌnachꞌok riqꞌuin li artal. Cui teꞌxba̱nu aꞌan, teꞌca̱mk eb aꞌan ut texca̱mk ajcuiꞌ la̱ex.

Deuteronomio 18:2

Ma̱cꞌaꞌ teꞌxcꞌul rochbeneb li ras ri̱tzꞌin xban nak lix ma̱taneb aꞌan, aꞌan li cꞌanjelac chiru li Ka̱cuaꞌ.

Josué 18:7

Li ralal xcꞌajol laj Leví incꞌaꞌ ta̱qꞌuehekꞌ xnaꞌajeb xban nak eb aꞌan teꞌcꞌanjelak chokꞌ aj tij chiru li Ka̱cuaꞌ. Eb li ralal xcꞌajol laj Gad ut eb li ralal xcꞌajol laj Rubén, ut yijach li ralal xcꞌajol laj Manasés, eb aꞌan ac xeꞌxcꞌul lix naꞌajeb jun pacꞌal li nimaꞌ Jordán, li nacana saꞌ li este. Aran quiqꞌueheꞌ xnaꞌajeb xban laj Moisés laj cꞌanjel chiru li Dios, chan laj Josué.

Ezequiel 44:8

La̱ex aj Israel incꞌaꞌ quexcꞌanjelac chicuu saꞌ lin templo joꞌ quexintakla cuiꞌ. Quexakabeb ban li jalaneb xtenamit chixba̱nunquil.

Ezequiel 44:15

Eb laj levita, li ralal xcꞌajol laj Sadoc, aꞌaneb li queꞌcꞌanjelac chicuu nak eb li jun chꞌol chic laj Israel quineꞌxtzꞌekta̱na. Aꞌaneb li teꞌcꞌanjelak chicuu chokꞌ aj tij. Teꞌxmayeja chicuu li xe̱b ut lix quiqꞌuel li xul, chan li nimajcual Dios.

Ezequiel 44:16

Caꞌaj cuiꞌ eb aꞌan naru teꞌoc saꞌ lin templo ut naru teꞌnachꞌok riqꞌuin lin me̱x chi cꞌanjelac chicuu.

Levítico 7:35

Chalen saꞌ li cutan nak queꞌxakaba̱c laj Aarón ut eb li ralal chi cꞌanjelac chokꞌ aj tij, li Ka̱cuaꞌ quixye nak eb aꞌan teꞌtzꞌak li tib nak nequeꞌxcꞌat li mayej chiru li Ka̱cuaꞌ.

Salmos 115:10

Joꞌcan ajcuiꞌ la̱ex aj tij. Cauhak e̱chꞌo̱l riqꞌuin li nimajcual Dios xban nak aꞌan li natenkꞌan e̱re ut aꞌan li nacoloc e̱re.