Números 18:32 - Li Santil hu

³² Cui te̱qꞌue re li Ka̱cuaꞌ li kꞌaxal cha̱bil, ma̱cꞌaꞌak le̱ ma̱c. Incꞌaꞌ te̱mux ru lix santil mayejeb laj Israel re nak incꞌaꞌ texca̱mk, chan li Dios.

Q'eqchi Bible

³² Rik'in a'an maak'a' junaq maak sa' eeb'een, xb'aan naq ak xeq'axtesi cho'q re li Qaawa' li jwal chaab'il. Chi jo'kan ink'a' teemux ru li xloq'laj yeechi'omeb' laj Israel, ut ink'a' texkamq”, chan li Qaawa'.

Números 18:32 ပူးပေါင်းရင်းမြစ်များ

Levítico 19:8

Li ani ta̱tzaca̱nk re li tib saꞌ rox li cutan, li jun aꞌan cua̱nk xma̱c xban nak xmux ru li kꞌaxtesinbil cue la̱in. Ut li jun aꞌan ta̱isi̱k saꞌ xya̱nkeb lin tenamit Israel.

Levítico 22:2

—Ta̱ye re laj Aarón ut reheb li ralal nak teꞌxqꞌue xlokꞌal li santil mayej li nequeꞌxkꞌaxtesi chicuu eb laj Israel re nak incꞌaꞌ teꞌxmux ru lin santil cꞌabaꞌ. La̱in li Ka̱cuaꞌ ninyehoc re aꞌin.

1 Corintios 11:29

Li ani naxcꞌul li caxlan cua ut li ucꞌa chi incꞌaꞌ naxqꞌue xcuanquil lix camic li Ka̱cuaꞌ Jesucristo, tojba ma̱c naxbok saꞌ xbe̱n.

1 Corintios 11:27

Joꞌcan ut li ani tixcuaꞌ li caxlan cua ut ta̱rucꞌ li ucꞌa re xjulticanquil lix camic li Ka̱cuaꞌ Jesucristo ut incꞌaꞌ naxqꞌue xlokꞌal li Cristo, li jun aꞌan yo̱ chi ma̱cobc chiru li Ka̱cuaꞌ ut yo̱ chixtzꞌekta̱nanquil xcuanquil lix camic li Ka̱cuaꞌ Jesucristo.

Malaquías 1:7

La̱ex nequemayeja saꞌ xbe̱n lin artal li yibru tzacae̱mk. Ut nequeye, “¿Cꞌaꞌru xkamux cuiꞌ a̱cuu?” chanquex. Nequemux cuu nak nequetzꞌekta̱na lin artal riqꞌuin xqꞌuebal li mayej incꞌaꞌ us.

Números 18:22

Eb li ma̱cuaꞌeb aj levita incꞌaꞌ naru teꞌnachꞌok riqꞌuin li tabernáculo. Cui teꞌxba̱nu aꞌan, teꞌma̱cobk chicuu ut teꞌca̱mk.

Números 18:31

La̱ex joꞌ eb ajcuiꞌ li cuanqueb saꞌ le̱ rochoch naru te̱tzaca yalak bar li na-elaꞌan xban nak aꞌan xtojbal li cꞌanjel li nequeba̱nu saꞌ li tabernáculo.

Números 19:1

Li Ka̱cuaꞌ quia̱tinac riqꞌuineb laj Moisés ut laj Aarón ut quixye reheb:

Éxodo 28:43

Rajlal teꞌxqꞌue li rakꞌeb aꞌan chirixeb nak teꞌoc saꞌ li tabernáculo ut nak teꞌoc chi cꞌanjelac saꞌ li artal li cuan saꞌ li Santil Naꞌajej re nak incꞌaꞌ teꞌpaltok chicuu la̱in li Ka̱cuaꞌ. Tento teꞌxba̱nu aꞌan re nak incꞌaꞌ teꞌca̱mk laj Aarón rochbeneb li ralal. Li chakꞌrab aꞌan tenebanbil chi junelic saꞌ xbe̱neb laj Aarón ut eb li ralal xcꞌajol li teꞌcua̱nk mokon.