Números 18:30 - Li Santil hu

³⁰ Ta̱ye ajcuiꞌ reheb nak te̱toj li junju̱nk saꞌ xlaje̱tkil, la̱in tincꞌul joꞌ nak nincꞌul li mayej li nequeꞌxqꞌue laj Israel nak nequeꞌxqꞌue li xbe̱n ru li racui̱mkeb trigo ut li xyaꞌal li uva.

Q'eqchi Bible

³⁰ “Ye ajwi' reheb': Naq akaq xera li jwal chaab'il cho'q re li Qaawa', li x'ela'ank a'anaq eere laa'ex jo' li triiw ut li uub';

Números 18:30 ပူးပေါင်းရင်းမြစ်များ

San Mateo 6:33

Li cꞌaꞌru li te̱sicꞌ xbe̱n cua, aꞌan lix nimajcual cuanquilal li Dios ut lix ti̱quilal, ut chixjunil li cꞌaꞌak re ru aꞌin talajqꞌuehekꞌ e̱re chokꞌ xtzꞌakob.

Malaquías 1:8

La̱ex nequecꞌoxla nak naru te̱mayeja chicuu li xul yaj, joꞌ li mutzꞌ ru, malaj li ye̱k rok. ¿Ma us ta biꞌ aꞌan? Ayukex ut sihomak aꞌan re li acuabej saꞌ le̱ tenamit. ¿Ma ta̱cuulak na chiru aꞌan? Ut, ¿ma tixcꞌul na che̱ru chi sa saꞌ xchꞌo̱l? chan li nimajcual Dios.

Deuteronomio 6:5

Te̱ra li Ka̱cuaꞌ le̱ Dios chi anchal e̱chꞌo̱l, chi anchal e̱cꞌaꞌux ut chi anchal e̱metzꞌe̱u.

Génesis 43:11

Ut laj Israel, li yucuaꞌbej, quixye reheb: —¿Cꞌaꞌru xjalenquil? Cui tento nak ta̱xic, xicak. Nak la̱ex texxic, te̱cꞌam caꞌchꞌinak li sahil echej li kꞌaxal cha̱bil na-el saꞌ li chꞌochꞌ arin ut te̱si aꞌin re li cui̱nk li nataklan aran. Aꞌaneb aꞌin li ma̱tan li te̱si re. Te̱cꞌam caꞌchꞌinak li bálsamo, caꞌchꞌinak li xyaꞌal cab, li sununquil ban, aromas ut mirra. Ut te̱cꞌam ajcuiꞌ li nueces ut li almendras.

Génesis 50:10

Queꞌcuulac jun pacꞌal li nimaꞌ Jordán saꞌ li naꞌajej li nequeꞌtenoc cuiꞌ trigo. Laj e̱chal re li naꞌajej aꞌan, aꞌan aj Atad xcꞌabaꞌ. Ut aran laj José queꞌxyoꞌle cuiꞌchic cuukub cutan lix yucuaꞌ camenak. Ut nequeꞌhuyhut chi ya̱bac xban xrahileb xchꞌo̱l.

Éxodo 29:27

Chalen anakcuan nak ta̱xakaba̱k jalan chic aj tij, ta̱qꞌuehekꞌ re laj Aarón ut eb li ralal xcꞌajol li re xchꞌo̱l li carner joꞌ ajcuiꞌ lix tel, li ac taksinbil re xkꞌaxtesinquil chicuu.

Números 18:29

Nak te̱qꞌue li junju̱nk saꞌ xlaje̱tkil chicuu la̱in li Ka̱cuaꞌ, te̱sicꞌ ru li kꞌaxal cha̱bil xban nak santo li kꞌaxtesinbil chicuu.

Números 18:31

La̱ex joꞌ eb ajcuiꞌ li cuanqueb saꞌ le̱ rochoch naru te̱tzaca yalak bar li na-elaꞌan xban nak aꞌan xtojbal li cꞌanjel li nequeba̱nu saꞌ li tabernáculo.