Números 18:23 - Li Santil hu

²³ Eb laj levita, aꞌaneb li teꞌba̱nu̱nk li cꞌanjel saꞌ li tabernáculo. Cui junak tixmux ru li tabernáculo, ta̱cana̱k saꞌ xbe̱neb aꞌan li ma̱c. Aꞌin jun li chakꞌrab teꞌxba̱nu eb aꞌan ut teꞌxba̱nu ajcuiꞌ li ralal xcꞌajol li teꞌcua̱nk mokon. Incꞌaꞌ teꞌxcꞌul xchꞌochꞌeb laj levita saꞌ xya̱nkeb laj Israel.

Q'eqchi Bible

²³ Ka'ajeb' wi' laj Leví te'xb'aanu li k'anjel sa' li Loq'laj Muheb'aal, ut sa' xb'eeneb' a'an taakanaaq li xmaakeb' laj Israel. A'an chaq'rab' chi junajwa cho'q reheb' li ralal xk'ajol eb' laj Leví li te'wanq moqon: ink'a' te'tz'aq ch'och' sa' xyanqeb' laj Israel,

Números 18:23 ပူးပေါင်းရင်းမြစ်များ

Números 3:7

Teꞌxba̱nu li cꞌaꞌru naxye laj Aarón ut teꞌcꞌanjelak chiruheb laj Israel nak teꞌxba̱nu li cꞌanjel saꞌ li tabernáculo.

Números 18:20

Li Ka̱cuaꞌ quixye re laj Aarón: —Incꞌaꞌ textzꞌak chꞌochꞌ saꞌ xya̱nkeb laj Israel. Ma̱cꞌaꞌ te̱re̱chani saꞌ li naꞌajej li tinqꞌue reheb laj Israel. Caꞌaj cuiꞌ la̱in tine̱re̱chani. Caꞌaj cuiꞌ la̱in tinqꞌuehok e̱re li cꞌaꞌru nequeraj.

Números 18:1

Li Ka̱cuaꞌ quixye re laj Aarón: —Cui junak tixmux ru li tabernáculo, li ma̱c aꞌan ta̱cana̱k saꞌ a̱be̱n la̱at ut saꞌ xbe̱neb la̱ cualal ut saꞌ xbe̱neb ajcuiꞌ laj levita. Abanan cui junak ta̱paltok nak yo̱k chixba̱nunquil lix cꞌanjel eb laj tij, li ma̱c ta̱cana̱k saꞌ a̱be̱n la̱at ut saꞌ xbe̱neb la̱ cualal.

Éxodo 27:21

Laj Aarón rochbeneb li ralal, aꞌaneb li teꞌilok re li candelero li cuan saꞌ li Santil Naꞌajej, li cuan chiru li tas li naramoc re li Lokꞌlaj Santil Naꞌajej, li cuan cuiꞌ li Lokꞌlaj Ca̱x. Teꞌril nak junelic lochlo̱k chiru li Ka̱cuaꞌ lix xamlel li candelero. Li chakꞌrab aꞌin tenebanbil saꞌ xbe̱neb laj Israel joꞌqueb ajcuiꞌ li ralal xcꞌajoleb re nak joꞌcan teꞌxba̱nu junelic.

Números 26:62

Nak queꞌajla̱c chixjunileb li cui̱nk aj Leví quiticla riqꞌuineb li cuan jun po reheb. Ut queꞌajla̱c ajcuiꞌ li ni̱nkeb. Jalan nak quitzꞌi̱ba̱c xcꞌabaꞌeb xban nak incꞌaꞌ queꞌqꞌueheꞌ xchꞌochꞌeb. Oxib xcaꞌcꞌa̱l mil (23,000) chixjunileb li cui̱nk aj levita.

Ezequiel 44:10

Eb laj levita rochbeneb laj Israel li rech tenamitil li queꞌtzꞌekta̱nan cue nak queꞌxlokꞌoniheb li jalanil dios teꞌxtoj rix lix ma̱queb.

Números 19:21

Aꞌin jun li chakꞌrab tento te̱ba̱nu chalen anakcuan ut chi junelic. Ut li ani narachrachin li haꞌ re santobresi̱c, tento nak tixpuchꞌ li rakꞌ. Ut li ani ta̱chꞌeꞌok re li haꞌ re santobresi̱c muxbilak chic ru ta̱cana̱k toj ta̱ecuu̱k.

Números 35:29

Eb li chakꞌrab aꞌin e̱re la̱ex ut reheb le̱ ralal e̱cꞌajol yalak bar cua̱nkex.

Deuteronomio 10:9

Xban aꞌan nak eb laj levita incꞌaꞌ teꞌxcꞌul lix chꞌochꞌ joꞌ teꞌxcꞌul eb li rech aj Israel. Lix ma̱taneb aꞌan, aꞌan li cꞌanjelac chiru li Dios, joꞌ quixye li Ka̱cuaꞌ.

Josué 13:14

Lix te̱paleb li ralal xcꞌajol laj Leví incꞌaꞌ quiqꞌueheꞌ xnaꞌajeb xban laj Moisés xban nak eb aꞌan tento nak teꞌtzꞌak xcomon li mayej li nacꞌatman chiru li Ka̱cuaꞌ lix Dioseb laj Israel joꞌ quiyeheꞌ reheb xban li Dios.