Números 18:21 - Li Santil hu

²¹ Eb li ralal xcꞌajol laj Leví teꞌxcꞌul li junju̱nk saꞌ xlaje̱tkil li cꞌaꞌru cuan reheb laj Israel re xtojbal rix li cꞌanjel li teꞌxba̱nu saꞌ li tabernáculo.

Q'eqchi Bible

²¹ Cho'q reheb' laj Leví tink'e chi reechaniheb' li xlajeetqil li mayej neke'xk'e eb' laj Israel, sa' xk'ab'a' li k'anjel te'xb'aanu sa' li Loq'laj Muheb'aal.

Números 18:21 ပူးပေါင်းရင်းမြစ်များ

Nehemías 12:44

Saꞌ eb li cutan aꞌan queꞌxakaba̱c laj ilol re li cab bar naxocman cuiꞌ chixjunil li mayej li naqꞌueman re li templo, joꞌ li tumin, joꞌ li xbe̱n ru li acui̱mk, joꞌ ajcuiꞌ li junju̱nk saꞌ xlaje̱tkil. Queꞌxcꞌul chixjunil li joꞌ qꞌuial queꞌxqꞌue saꞌ eb li cꞌaleba̱l joꞌ tzꞌi̱banbil saꞌ li chakꞌrab. Li joꞌ qꞌuial li queꞌxcꞌul quiqꞌueheꞌ reheb laj tij ut reheb laj levita. Eb li ralal xcꞌajol laj Judá saheb saꞌ xchꞌo̱l riqꞌuineb laj tij ut eb laj levita li cuanqueb saꞌ xcꞌanjel.

Nehemías 10:37

Ut kaye ajcuiꞌ nak rajlal takacꞌam saꞌ li naꞌajej bar naxocman cuiꞌ li nacꞌanjelac saꞌ li templo ut takakꞌaxtesi reheb laj tij li kꞌem li yi̱banbil riqꞌuin li xbe̱n ru li trigo ut takacꞌam ajcuiꞌ li vino ut li aceite joꞌ ajcuiꞌ chixjunil li xbe̱n ru li cheꞌ li naloꞌeꞌ. Ut li junju̱nk saꞌ xlaje̱tkil li ru li kacui̱mk takakꞌaxtesi reheb laj levita, xban nak eb aꞌan li nequeꞌxococ re li mayej aꞌan saꞌ chixjunileb li tenamit.

Hebreos 7:5

Tzꞌi̱banbil saꞌ li chakꞌrab li quiqꞌueheꞌ re laj Moisés nak eb li cristian teꞌxqꞌue reheb laj tij li junju̱nk saꞌ xlaje̱tkil li cꞌaꞌru cuan reheb. Eb laj tij, aꞌan eb li ralal xcꞌajol laj Leví. Queꞌxba̱nu chi joꞌcan usta laj Abraham, aꞌan lix xeꞌto̱nil yucuaꞌ chixjunileb, laj tij joꞌqueb ajcuiꞌ li cristian.

Gálatas 6:6

Li ani yo̱ chixtzolbal li ra̱tin li Dios, tento ajcuiꞌ nak tixtenkꞌa li ani yo̱ chi tzoloc re.

Nehemías 13:12

Ut chixjunileb laj Judá queꞌoc cuiꞌchic xqꞌuebal li junju̱nk saꞌ xlaje̱tkil re li trigo, re li vino ut re li aceite. Ut coxeꞌxcanab saꞌ li cab li nequeꞌxxoc cuiꞌ li mayej.

Nehemías 10:29

Ut chixjunileb chi junajeb xchꞌo̱l rochbeneb li nequeꞌcꞌamoc be saꞌ xya̱nkeb queꞌxba̱nu li juramento ut queꞌxye nak teꞌxba̱nu joꞌ naxye li chakꞌrab li quixqꞌue li Dios re laj Moisés laj cꞌanjel chiru. Queꞌxye nak teꞌxba̱nu chi tzꞌakal chixjunil li naxye saꞌ li chakꞌrab li quiqꞌueheꞌ reheb xban li Ka̱cuaꞌ li kaDios.

2 Crónicas 31:12

Ut saꞌ eb li naꞌajej aꞌan queꞌxxoc li xbe̱n ru li racui̱mkeb li queꞌxqꞌue chokꞌ xmayejeb ut li junju̱nk saꞌ xlaje̱tkil joꞌ ajcuiꞌ chixjunil li mayej li ac kꞌaxtesinbil chiru li Ka̱cuaꞌ. Ut queꞌxxakab laj Conanías laj levita re nak aꞌan ta̱cꞌuluk re rochben laj Simei li ri̱tzꞌin.

Números 18:6

La̱in quinsicꞌoc ruheb laj levita la̱ comon saꞌ xya̱nkeb laj Israel re teꞌtenkꞌa̱nk e̱re. Eb aꞌan kꞌaxtesinbileb cue la̱in. Joꞌcan nak ta̱ru̱k teꞌcꞌanjelak chicuu saꞌ li tabernáculo.

Génesis 14:20

Lokꞌoninbil taxak li Ka̱cuaꞌ Dios li kꞌaxal nim xcuanquil. Aꞌan xkꞌaxtesi saꞌ a̱cuukꞌ li xicꞌ nequeꞌiloc a̱cue, chan. Laj Abram quixsi re laj Melquisedec li junju̱nk saꞌ xlaje̱tkil re chixjunil li cꞌaꞌru quire̱chani chak.

Números 31:28

Eb li soldado teꞌxqꞌue chokꞌ xmayej chicuu la̱in li Ka̱cuaꞌ junju̱nk re li o̱b ciento li cꞌaꞌak re ru li teꞌxcꞌul, usta cristian, usta bo̱yx, usta bu̱r, usta carner, usta chiba̱t.

Deuteronomio 18:8

Juntakꞌe̱t xqꞌuial li cꞌaꞌru teꞌxcꞌul riqꞌuin li nequeꞌxcꞌul li jun chꞌol chic laj levita, usta cuan cꞌaꞌru xeꞌre̱chani riqꞌuin lix yucuaꞌeb.

Nehemías 12:47

Saꞌ eb li cutan nak queꞌcuan laj Zorobabel ut laj Nehemías, chixjunileb laj Israel queꞌxqꞌue li cꞌaꞌru reheb laj bichanel joꞌqueb ajcuiꞌ li nequeꞌcꞌacꞌalen re li oqueba̱l re nak teꞌxnumsi li cutan junju̱nk. Ut queꞌxqꞌue ajcuiꞌ reheb laj levita li joꞌ qꞌuial xcꞌulubeb xcꞌulbal. Ut eb laj levita queꞌxqꞌue ajcuiꞌ reheb laj tij, li ralal xcꞌajol laj Aarón.

Nehemías 13:5

Ut laj Eliasib quixqꞌue ajcuiꞌ chokꞌ xnaꞌaj laj Tobías li nimla cuarto li cuan saꞌ li templo li nequeꞌxxoc cuiꞌ li mayej, li incienso, li secꞌ, li trigo li junju̱nk saꞌ xlaje̱tkil, joꞌ ajcuiꞌ li vino ut li aceite, li tento xqꞌuebal reheb laj levita, reheb laj bichanel, ut reheb li nequeꞌcꞌacꞌalen re li oqueba̱l. Ut nequeꞌxxoc ajcuiꞌ saꞌ li cuarto aꞌan li mayej li tento xqꞌuebal reheb laj tij.

Malaquías 2:4

Ut riqꞌuin aꞌin te̱qꞌue retal nak le̱ chakꞌrabinquil li xinqꞌue e̱re, aꞌan re nak xakxo̱k xcuanquil li contrato li quinba̱nu riqꞌuin laj Leví. La̱in li Ka̱cuaꞌ li nimajcual Dios yo̱quin chi yehoc re aꞌin.

Malaquías 3:10

Joꞌcan ut nak cꞌamomak chak che̱junilex li junju̱nk saꞌ xlaje̱tkil saꞌ xnaꞌaj li mayej re nak ta̱cua̱nk li cꞌaꞌru ta̱cꞌanjelak saꞌ li cuochoch. Ut yalomakin anakcuan riqꞌuin aꞌin. ¿Ma incꞌaꞌ tana tinte chak re li choxa ut tinqꞌue chak chi numtajenak le̱ rosobtesinquil? chan li nimajcual Dios.

Génesis 47:24

Nak te̱sicꞌ ru le̱ racui̱mk, te̱qꞌue li roꞌ jachal re laj faraón. Ut li ca̱hib jachal chic ta̱cana̱k chokꞌ e̱re. Aꞌan ta̱cꞌanjelak che̱ru chokꞌ re e̱riyaj nak tex-a̱uk saꞌ li chihab jun. Ut ta̱cꞌanjelak ajcuiꞌ chokꞌ xtzacae̱mk le̱ ralal e̱cꞌajol joꞌ ajcuiꞌ chixjunileb li cuanqueb saꞌ le̱ rochoch, chan laj José.

Génesis 47:26

Tojoꞌnak laj José quixqꞌue jun li chakꞌrab saꞌ li tenamit Egipto re nak laj faraón junelic tixcꞌul li roꞌ jachal li acui̱mk li ta̱e̱lk aran. Caꞌaj chic laj cꞌamol be re tijoc incꞌaꞌ queꞌxqꞌue li roꞌ jachal li racui̱mk xban nak eb lix chꞌochꞌ moco lokꞌbil ta xban laj faraón. Toj chalen anakcuan cuan li chakꞌrab aꞌan.

Números 3:6

—Cꞌameb chak laj levita ut ta̱xakabeb chixtenkꞌanquil laj Aarón.

Nehemías 10:38

Tento nak cua̱nk junak laj tij xcomoneb li ralal xcꞌajol laj Aarón rochbeneb laj levita nak teꞌxcꞌul li junju̱nk saꞌ xlaje̱tkil. Ut eb laj levita teꞌxcꞌam li junju̱nk saꞌ xlaje̱tkil saꞌ li cab bar naxocman cuiꞌ li cꞌaꞌru re lix templo li Dios.