Números 18:2 - Li Santil hu

² Qꞌueheb xcꞌanjel la̱ cuechꞌalal, li ralal xcꞌajol laj Leví, re nak textenkꞌa nak yo̱kex chi cꞌanjelac saꞌ li tabernáculo la̱at ut eb la̱ cualal.

Q'eqchi Bible

² B'oqeb' ajwi' aawik'in eb' laawas aawiitz'in li ralaleb' laj Leví, xteepalil laayuwa'. Xtenq'aaqex ut te'k'anjelaq chawu laa'at ut chiruheb' laawalal, sa' li xloq'laj Muheb'aal li Loq'laj Kaax.

Números 18:2 ပူးပေါင်းရင်းမြစ်များ

Génesis 29:34

Ut quicuan jun chic xcꞌulaꞌal lix Lea ut quixqꞌue aj Leví chokꞌ xcꞌabaꞌ. Lix Lea quixye: —Anakcuan ac xcuan oxib li ralal laj Jacob cuiqꞌuin. Ma̱re riqꞌuin aꞌin ta̱cua̱nk junelic cuiqꞌuin lin be̱lom, chan.

Ezequiel 44:15

Eb laj levita, li ralal xcꞌajol laj Sadoc, aꞌaneb li queꞌcꞌanjelac chicuu nak eb li jun chꞌol chic laj Israel quineꞌxtzꞌekta̱na. Aꞌaneb li teꞌcꞌanjelak chicuu chokꞌ aj tij. Teꞌxmayeja chicuu li xe̱b ut lix quiqꞌuel li xul, chan li nimajcual Dios.

2 Crónicas 30:16

Queꞌoc cuiꞌchic chi cꞌanjelac saꞌ li templo joꞌ tzꞌi̱banbil saꞌ lix chakꞌrab laj Moisés laj cꞌanjel chiru li Dios. Ut eb laj levita queꞌxnumsi xquiqꞌuel li carner reheb laj tij. Ut eb laj tij queꞌxrachrachi chiru li artal.

Números 18:4

Teꞌcꞌanjelak a̱cuochben ut teꞌxba̱nu li cꞌanjel saꞌ li tabernáculo. Ma̱ jun jalan naru teꞌtenkꞌa̱nk e̱re nak yo̱kex chi cꞌanjelac saꞌ li tabernáculo.

Números 17:7

Ut laj Moisés quixqꞌueheb li xukꞌ chiru li Ka̱cuaꞌ saꞌ li tabernáculo.

Números 16:40

Quixba̱nu laj Eleazar joꞌ quixye li Ka̱cuaꞌ re laj Moisés. Aꞌan jun retalil chiruheb laj Israel nak juneseb li ralal xcꞌajol laj Aarón naru nequeꞌxcꞌat li pom chiru li Ka̱cuaꞌ. Jalan incꞌaꞌ naru ma̱re anchal tixcꞌul joꞌ queꞌxcꞌul laj Coré ut eb li queꞌoquen chirix.

Números 8:22

Queꞌxba̱nu chixjunil li quixye li Ka̱cuaꞌ re laj Moisés. Ut eb laj levita queꞌco̱eb saꞌ li tabernáculo chixba̱nunquil lix cꞌanjeleb. Laj Aarón ut eb li ralal, aꞌaneb li queꞌtaklan saꞌ xbe̱neb.

Números 8:19

La̱in quinsicꞌ ruheb laj levita saꞌ xya̱nkeb chixjunileb laj Israel ut xebinqꞌue chixtenkꞌanquileb laj Aarón ut eb li ralal saꞌ li tabernáculo. Eb aꞌan teꞌmayejak saꞌ xcꞌabaꞌeb laj Israel re nak ma̱cꞌaꞌ raylal teꞌxcꞌul nak teꞌnachꞌok riqꞌuin li tabernáculo eb laj Israel, chan li Dios.

Números 4:15

Nak ac oc reheb chixjalbal lix naꞌajeb, laj Aarón ut eb li ralal teꞌxlan chixjunil li cꞌaꞌak re ru li nacꞌanjelac saꞌ li tabernáculo ut teꞌcha̱lk li ralal xcꞌajol laj Coat chixpakonquil. Abanan incꞌaꞌ naru teꞌxchꞌeꞌ li cꞌaꞌru kꞌaxtesinbil re li Ka̱cuaꞌ re nak incꞌaꞌ teꞌca̱mk. Aꞌan aꞌin lix cꞌanjeleb li ralal xcꞌajol laj Coat saꞌ li tabernáculo.

Hebreos 9:6

Joꞌcaꞌin nak queꞌcꞌanjelac saꞌ li naꞌajej li queꞌxlokꞌoni cuiꞌ li Dios. Rajlal cutan queꞌoc laj tij saꞌ li xbe̱n tasal chixba̱nunquil lix cꞌanjel.

Números 1:53

Ut eb li ralal xcꞌajol laj Leví teꞌxyi̱b lix muheba̱leb chi xjun sutam li tabernáculo. Ut aꞌaneb li teꞌilok re, re nak li Dios incꞌaꞌ ta̱joskꞌokꞌ saꞌ xbe̱neb laj Israel.

Números 3:5

Quia̱tinac li Ka̱cuaꞌ riqꞌuin laj Moisés ut quixye re:

Ezequiel 44:11

Eb aꞌan naru teꞌcꞌanjelak saꞌ lin templo joꞌ mo̱s. Teꞌxcꞌacꞌale li oqueba̱l. Teꞌxcamsiheb li xul li naqꞌueheꞌ chokꞌ xmayejeb li tenamit. Teꞌcꞌanjelak chiruheb li tenamit.

Malaquías 2:4

Ut riqꞌuin aꞌin te̱qꞌue retal nak le̱ chakꞌrabinquil li xinqꞌue e̱re, aꞌan re nak xakxo̱k xcuanquil li contrato li quinba̱nu riqꞌuin laj Leví. La̱in li Ka̱cuaꞌ li nimajcual Dios yo̱quin chi yehoc re aꞌin.