Números 18:1 - Li Santil hu

¹ Li Ka̱cuaꞌ quixye re laj Aarón: —Cui junak tixmux ru li tabernáculo, li ma̱c aꞌan ta̱cana̱k saꞌ a̱be̱n la̱at ut saꞌ xbe̱neb la̱ cualal ut saꞌ xbe̱neb ajcuiꞌ laj levita. Abanan cui junak ta̱paltok nak yo̱k chixba̱nunquil lix cꞌanjel eb laj tij, li ma̱c ta̱cana̱k saꞌ a̱be̱n la̱at ut saꞌ xbe̱neb la̱ cualal.

Q'eqchi Bible

¹ Toja' naq li Qaawa' kixye re laj Aharón: “Wi junaq tixmux ru li Loq'laj Muheb'aal, li maak a'an taakanaaq sa' aab'een laa'at, sa' xb'eeneb' laawalal, aawochb'eeneb' li xjunkab'al laayuwa'. Ab'an sa' aab'een ut sa' xb'eeneb' laawalal taakanaaq li xmaak junaq aj tij.

Números 18:1 ပူးပေါင်းရင်းမြစ်များ

Éxodo 28:38

Li mitra junelic cua̱nk saꞌ xjolom laj Aarón nak tixkꞌaxtesi chiru li Dios lix mayejeb li tenamit. Ut cui teꞌpaltok laj Israel riqꞌuin li mayej teꞌxqꞌue, lix ma̱queb ta̱cana̱k saꞌ xbe̱n laj Aarón. Abanan li Dios tixcꞌul lix mayejeb xban nak li jun chꞌina pere̱l chi oro tzꞌi̱banbil cuiꞌ li a̱tin junelic cua̱nk saꞌ xjolom laj Aarón.

1 Pedro 2:24

Relic chi ya̱l nak li Cristo, aꞌan li quixcꞌul li raylal nak quicam chiru li cruz re xtojbal rix li kama̱c la̱o. Aꞌan aj e nak quicam re nak incꞌaꞌ chic texma̱cobk. Texcua̱nk ban saꞌ ti̱quilal. Li Cristo quixcꞌul li yoqꞌuecꞌ saꞌ kacꞌabaꞌ la̱o aj ma̱c. Ut riqꞌuin li raylal li quixcꞌul xexqꞌuirtesi̱c.

Hebreos 13:17

Chex-abi̱nk chiruheb laj cꞌamol be che̱ru, ut cheba̱nuhak li cꞌaꞌru nequeꞌxye e̱re xban nak eb aꞌan nequeꞌtenkꞌan e̱re saꞌ le̱ pa̱ba̱l. Aꞌaneb li teꞌxkꞌaxtesi xcue̱nt che̱rix chiru li Dios. Chetenkꞌaheb re nak sahakeb saꞌ xchꞌo̱l saꞌ lix cꞌanjeleb xban nak cui rahakeb saꞌ xchꞌo̱l, rahak ajcuiꞌ chokꞌ e̱re la̱ex.

Hebreos 4:15

Li Jesucristo aꞌan xyucuaꞌil aj tij chokꞌ ke la̱o. Naxtokꞌoba ku xban nak naxnau nak moco kꞌaxal cau ta li kachꞌo̱l. Nak quicuan arin saꞌ ruchichꞌochꞌ, li Jesucristo quiyaleꞌ ra̱lenquil joꞌ nak nayaleꞌ ka̱lenquil la̱o. Aban li Jesucristo incꞌaꞌ quima̱cob.

Isaías 53:11

Nabal li raylal quixcꞌul nak toj yoꞌyo saꞌ ruchichꞌochꞌ. Abanan ta̱qꞌuehekꞌ cuiꞌchic lix sahil xchꞌo̱l ut tixnau nak cuan rajbal nak quixcꞌul li raylal. Laj cꞌanjel chiru li Dios ti̱c xchꞌo̱l ut aꞌan tixtoj rix lix ma̱queb nabal ut saꞌ xcꞌabaꞌ aꞌan li Dios tixcuy tixsacheb lix ma̱queb.

Isaías 53:6

La̱o xkasach kib kajunes saꞌ li ma̱c. Chanchano li carner li nequeꞌxchaꞌchaꞌi ribeb. Ac kabe kabe xkachap chikaju̱nkal. Abanan li xtojbal rix li kama̱usilal li Ka̱cuaꞌ Dios quixqꞌue saꞌ xbe̱n aꞌan.

Números 17:13

Yalak ani ta̱nachꞌok riqꞌuin lix tabernáculo li Ka̱cuaꞌ ta̱ca̱mk. Chikajunilo la̱o to-osokꞌ, chanqueb.

Números 17:7

Ut laj Moisés quixqꞌueheb li xukꞌ chiru li Ka̱cuaꞌ saꞌ li tabernáculo.

Números 17:3

Saꞌ lix xukꞌ laj Leví ta̱tzꞌi̱ba lix cꞌabaꞌ laj Aarón. Tento nak cua̱nk jun xxukꞌeb li nequeꞌjolomin reheb li cablaju xte̱paleb laj Israel.

Números 14:34

Chiru caꞌcꞌa̱l chihab yo̱kex chi be̱c saꞌ li chaki chꞌochꞌ re xtojbal rix le̱ ma̱c. Jun chihab te̱toj cuiꞌ rix li ju̱nk cutan nak quexcuulac chak xqꞌuebal retal li naꞌajej. La̱ex te̱qꞌue retal nak li ani nakꞌetoc re li cua̱tin, tento nak tixtoj rix lix ma̱c.

Levítico 22:9

Chixjunileb laj tij teꞌxba̱nu li chakꞌrab li quinqꞌue reheb. Cui incꞌaꞌ teꞌxba̱nu teꞌma̱cobk ut teꞌca̱mk xban nak teꞌxkꞌet li chakꞌrab. La̱in li Ka̱cuaꞌ. La̱in ninsantobresin reheb.

Levítico 10:17

—¿Cꞌaꞌut nak incꞌaꞌ quetzaca li mayej re xtzꞌa̱manquil xcuybal li ma̱c saꞌ jun li naꞌajej santo? Li mayej aꞌin santo. Li Ka̱cuaꞌ quixqꞌue e̱re li mayej aꞌin re te̱tzaca re xtzꞌa̱manquil xcuybal xma̱queb li tenamit chiru li Ka̱cuaꞌ.

Levítico 22:16

Teꞌxqꞌue chi xtojbal xma̱c li cristian cui teꞌxqꞌue chixtzaca li tzacae̱mk santobresinbil. La̱in li Ka̱cuaꞌ. La̱in ninsantobresin reheb li tzacae̱mk aꞌan.

Números 3:6

—Cꞌameb chak laj levita ut ta̱xakabeb chixtenkꞌanquil laj Aarón.

Números 16:10

Li Dios quixakaban e̱re joꞌ eb ajcuiꞌ chixjunileb le̱ rech aj levita chi cꞌanjelac chiru. Abanan la̱ex toj te̱raj texcꞌanjelak chokꞌ aj tij.

Números 18:11

Ut tinqꞌue ajcuiꞌ a̱cue li mayej li nequeꞌxqꞌue cue eb laj Israel li nequetaksi saꞌ e̱rukꞌ chicuu chiru li artal. La̱in ninqꞌue a̱cue ut reheb la̱ cualal a̱cꞌajol. Teꞌxtzacaheb li mayej aꞌin chixjunileb li cuanqueb saꞌ la̱ cuochoch li incꞌaꞌ muxbil ruheb. Aꞌin jun li chakꞌrab li ta̱cua̱nk chi junelic.

Deuteronomio 10:8

Saꞌ eb li cutan aꞌan li Ka̱cuaꞌ quixxakabeb li ralal xcꞌajol laj Leví chi cꞌanjelac chiru li Ka̱cuaꞌ ut chixpakonquil li Lokꞌlaj Ca̱x li cuan cuiꞌ lix contrato li Ka̱cuaꞌ, ut chixtzꞌa̱manquil li rosobtesinquileb li tenamit. Ut joꞌcan queꞌxba̱nu toj chalen anakcuan.

Jueces 17:12

Laj Micaía quixxakab li sa̱j cui̱nk chi cꞌanjelac chokꞌ aj tij. Ut li sa̱j cui̱nk quicana chi cua̱nc saꞌ rochoch laj Micaía.

Ezequiel 4:4

Ut la̱at tatyocla̱k saꞌ xbe̱n la̱ tzꞌe. Jarub cutan yocyo̱kat, aꞌan retalil li raylal li teꞌxcꞌul eb laj Israel.