Números 17:8 - Li Santil hu

⁸ Cuulajak chic laj Moisés qui-oc saꞌ li tabernáculo ut quiril nak lix xukꞌ li queꞌxqꞌue saꞌ xcꞌabaꞌ laj Leví ac x-el xtux. Ut qui-atzꞌumac ut quiru̱chin li almendra.

Q'eqchi Bible

⁸ Chiru li kutan jun chik, naq ki'ok laj Moisés sa' li Loq'laj Muheb'aal, kixk'e reetal naq li xxuq' laj Aharón, ruuchil li xteepaleb' laj Leví, xtuxmek chik: ki'atz'umak ut ki'uuchink.

Números 17:8 ပူးပေါင်းရင်းမြစ်များ

Ezequiel 17:24

Chixjunileb li cheꞌ li cuanqueb saꞌ li qꞌuicheꞌ teꞌxnau nak la̱in nintꞌaneb li cheꞌ li najt xteram ut ninqꞌue chi qꞌui̱c li cocꞌ rokeb. La̱in ninchakihobresiheb li cheꞌ li rax ru ut ninqꞌueheb chi raxocꞌ li chaki. La̱in li Ka̱cuaꞌ quinyehoc re aꞌin ut la̱in ninba̱nu li cꞌaꞌru ninye.—

Números 17:5

Lix xukꞌ li cui̱nk li tinsicꞌ ru la̱in ta̱atzꞌumak. Riqꞌuin aꞌin teꞌxcanab cuechꞌi̱nc eb laj Israel che̱rix la̱ex, chan li Dios.

Isaías 4:2

Ta̱cuulak xkꞌehil nak li Dios tixqꞌue chi yoꞌla̱c jun li chꞌina al chanchan xtux jun li cheꞌ. Cꞌajoꞌak xchakꞌal ru ut cꞌajoꞌak xlokꞌal. Ut kꞌaxal nabal li acui̱mk ta̱e̱lk saꞌ lix chꞌochꞌeb laj Israel li incꞌaꞌ teꞌsachekꞌ ru re xqꞌuebal xlokꞌaleb ut xcuanquilaleb.

Ezequiel 19:14

Quiloch xxamlel li xto̱nal ut quixcꞌat li rukꞌ joꞌ ajcuiꞌ li ru. Incꞌaꞌ chic ta̱cua̱nk li rukꞌ cha̱bil chokꞌ xxukꞌeb li rey. Aꞌan aꞌin jun li bich re rahil chꞌo̱lej ut qꞌuila sut ta̱bichama̱nk re rahil chꞌo̱lej.

Salmos 110:2

Li nimajcual Dios tixqꞌue chak la̱ cuanquil toj saꞌ li santil naꞌajej Sión. Ut la̱at chic tattakla̱nk saꞌ xbe̱neb li xicꞌ nequeꞌiloc a̱cue.

Génesis 40:10

Li jun to̱n chi uvas cuan oxib rukꞌ ut qui-atzꞌumac. Saꞌ junpa̱t quiu̱chin ut quikꞌanoꞌ li ru.

Hebreos 9:4

Aran cuan jun xcꞌatbal li pom yi̱banbil riqꞌuin oro, ut cuan ajcuiꞌ jun li Lokꞌlaj Ca̱x letzbil oro chirix. Chi saꞌ li Lokꞌlaj Ca̱x aꞌan cuan li xar oro bar cuiꞌ cꞌu̱lanbil li maná. Cꞌu̱lanbil ajcuiꞌ saꞌ li ca̱x lix xukꞌ laj Aarón li quituxmec ut qui-atzꞌumac. Ut cꞌu̱lanbil ajcuiꞌ aran li cuib chi pec ti̱c ru li tzꞌi̱banbil cuiꞌ li laje̱b chi chakꞌrab.

Ezequiel 19:12

Abanan cuan li queꞌjoskꞌoꞌ riqꞌuin ut queꞌxmichꞌ lix xeꞌ ut queꞌxcut saꞌ chꞌochꞌ. Ut li ru quichakic xban li tikcual ikꞌ li xchal saꞌ li este. Quitokeꞌ li rukꞌ ut queꞌchakic ut queꞌcꞌateꞌ.

Cantares 2:3

Li cui̱nk li ninra, aꞌan li kꞌaxal lokꞌ chiruheb chixjunileb li chꞌajom. Chanchan lix cheꞌel li manzano saꞌ xya̱nkeb li qꞌuila pa̱y ru chi cheꞌ. Nacuulac chicuu hila̱nc saꞌ xmu li rukꞌ. Ut cꞌajoꞌ xsahil nak ninlou li ru.

Números 16:5

Ut quixye reheb laj Coré ut eb li nequeꞌoquen chirix: —Chiru li ekꞌela cuulaj li Ka̱cuaꞌ tixcꞌut chiku ani li sicꞌbil ru ut ani li santobresinbil ut tixqꞌue li jun aꞌan chi nachꞌoc riqꞌuin. Li ani tixsicꞌ ru li Ka̱cuaꞌ tixqꞌue chi nachꞌoc riqꞌuin.

Números 17:9

Laj Moisés quirisiheb li xukꞌ saꞌ li tabernáculo chiru li Ka̱cuaꞌ. Ut quixcꞌut chiruheb laj Israel. Queꞌril ut li junju̱nk queꞌxchap lix xukꞌ.