Números 17:10 - Li Santil hu

¹⁰ Ut li Ka̱cuaꞌ quixye re laj Moisés: —Ta̱xoc lix xukꞌ laj Aarón ut ta̱qꞌue chiru li Lokꞌlaj Ca̱x chokꞌ retalil chiruheb li nequeꞌcuechꞌin. Riqꞌuin aꞌin teꞌxcanab li cuechꞌi̱nc chicuix re nak incꞌaꞌ teꞌca̱mk, chan.

Q'eqchi Bible

¹⁰ Toja' naq li Qaawa' kixye re laj Moisés: “K'e wi' chik li xxuq' laj Aharón chiru li Loq'laj Kaax; chak'uula aran cho'q reetalil chiruheb' li q'etq'eteb'; chi jo'kan ink'a' chik te'wech'inq chiwix, ut ink'a' te'kamq”, chan.

Números 17:10 ပူးပေါင်းရင်းမြစ်များ

Hebreos 9:4

Aran cuan jun xcꞌatbal li pom yi̱banbil riqꞌuin oro, ut cuan ajcuiꞌ jun li Lokꞌlaj Ca̱x letzbil oro chirix. Chi saꞌ li Lokꞌlaj Ca̱x aꞌan cuan li xar oro bar cuiꞌ cꞌu̱lanbil li maná. Cꞌu̱lanbil ajcuiꞌ saꞌ li ca̱x lix xukꞌ laj Aarón li quituxmec ut qui-atzꞌumac. Ut cꞌu̱lanbil ajcuiꞌ aran li cuib chi pec ti̱c ru li tzꞌi̱banbil cuiꞌ li laje̱b chi chakꞌrab.

Efesios 5:6

Me̱qꞌue e̱rib chi balakꞌi̱c xbaneb li nequeꞌa̱tinac ut nequeꞌxye nak moco nimla ma̱c ta xba̱nunquil li cꞌaꞌak re ru aꞌin, xban nak nachal xjoskꞌil li Dios saꞌ xbe̱neb li nequeꞌkꞌetoc re li ra̱tin.

Isaías 1:2

Cherabihak la̱ex li cuanquex saꞌ choxa joꞌ ajcuiꞌ la̱ex li cuanquex saꞌ ruchichꞌochꞌ xban nak li Ka̱cuaꞌ oc re chixyebal chi joꞌcaꞌin: —Quebinqꞌuiresi li cualal incꞌajol toj retal queꞌni̱nkan. Abanan eb aꞌan xeꞌxkꞌetkꞌeti ribeb chicuu.

Salmos 57:4

La̱in cuanquin saꞌ xya̱nkeb li joskꞌ aj cristian. Chanchaneb li joskꞌ aj cakcoj li nequeꞌcamsin. Li ruch reheb chanchan li chꞌi̱chꞌ re camsi̱nc. Ut li ruꞌuj rakꞌeb chanchan li kꞌesnal chꞌi̱chꞌ.

1 Samuel 30:22

Abanan cuanqueb saꞌ xya̱nkeb li queꞌco̱eb chirix laj David incꞌaꞌ us xnaꞌlebeb. Queꞌxye re laj David: —Eb aꞌan incꞌaꞌ xeꞌco̱eb chikix. Incꞌaꞌ naru teꞌxcꞌul li cꞌaꞌru xke̱chani chak. Caꞌaj cui li rixakileb ut lix cocꞌaleb teꞌqꞌuehekꞌ reheb, chanqueb.

1 Samuel 2:12

Eb li ralal laj Elí incꞌaꞌ useb xnaꞌleb ut incꞌaꞌ queꞌxqꞌue xlokꞌal li Ka̱cuaꞌ Dios.

Deuteronomio 9:24

Junelic yo̱quex chixkꞌetkꞌetinquil e̱rib chiru li Ka̱cuaꞌ chalen saꞌ li cutan nak quinnau e̱ru.

Números 16:40

Quixba̱nu laj Eleazar joꞌ quixye li Ka̱cuaꞌ re laj Moisés. Aꞌan jun retalil chiruheb laj Israel nak juneseb li ralal xcꞌajol laj Aarón naru nequeꞌxcꞌat li pom chiru li Ka̱cuaꞌ. Jalan incꞌaꞌ naru ma̱re anchal tixcꞌul joꞌ queꞌxcꞌul laj Coré ut eb li queꞌoquen chirix.

Números 16:38

Queꞌsantobresi̱c nak queꞌqꞌueheꞌ chiru lin artal la̱in li Ka̱cuaꞌ. Cꞌameb lix sansareb li cui̱nk li queꞌsacheꞌ ruheb xban nak queꞌma̱cob. Riqꞌuin li sansar aꞌin te̱yi̱b li perpo̱quil chꞌi̱chꞌ ut li perpo̱quil chꞌi̱chꞌ aꞌin te̱letz chiru li artal. Ut aꞌanak jun retalil chiruheb laj Israel, chan li Dios. Ut laj Eleazar laj tij quixxoc lix sansareb li queꞌsacheꞌ ruheb. Ut quixtakla xyi̱banquil li perpo̱quil chꞌi̱chꞌ riqꞌuineb li sansar re nak teꞌxletz chiru li artal.

Éxodo 16:32

Laj Moisés quixye reheb. —Aꞌin li quixye li Ka̱cuaꞌ Dios. Te̱xoc jun chꞌina chacachak li maná re xcꞌutbal chiruheb le̱ ralal e̱cꞌajol chanru li tzacae̱mk li quixqꞌue chak e̱re nak cuanquex chak saꞌ li chaki chꞌochꞌ re nak le̱ ralal e̱cꞌajol teꞌril chanru li tzacae̱mk quetzaca chak nak quexcuisi chak saꞌ li tenamit Egipto, chan li Dios e̱re.

Oseas 10:9

Li Ka̱cuaꞌ quixye reheb laj Israel: —Chalen nak quetiquib chak ma̱cobc aran Gabaa toj chalen anakcuan toj yo̱quex ajcuiꞌ chi ma̱cobc chicuu. Ut nak quicuan li ple̱t aran Gabaa riqꞌuineb li incꞌaꞌ useb xnaꞌleb, la̱ex incꞌaꞌ quex-osoꞌ.

1 Corintios 10:10

Chi moco tocuechꞌok, joꞌ queꞌxba̱nu eb aꞌan. Ut xbaneb lix ma̱usilal queꞌcamsi̱c xban li ángel li quixtakla chak li Dios.

Éxodo 16:34

Laj Aarón quixba̱nu joꞌ quiyeheꞌ re laj Moisés xban li Ka̱cuaꞌ Dios. Quixcꞌu̱la li maná re nak mokon tixqꞌue saꞌ li naꞌajej ta̱cꞌu̱la̱k cuiꞌ li pec li tzꞌi̱banbil cuiꞌ li laje̱b chi chakꞌrab.

Números 17:4

Ta̱qꞌueheb li xukꞌ saꞌ li tabernáculo chiru li Lokꞌlaj Ca̱x li cuan cuiꞌ li contrato li ninhilan cuiꞌ la̱in.

Números 17:9

Laj Moisés quirisiheb li xukꞌ saꞌ li tabernáculo chiru li Ka̱cuaꞌ. Ut quixcꞌut chiruheb laj Israel. Queꞌril ut li junju̱nk queꞌxchap lix xukꞌ.

Números 17:11

Ut laj Moisés quixba̱nu joꞌ quixye li Ka̱cuaꞌ re.

Números 20:9

Ut laj Moisés quixcꞌam li xukꞌ li cuan saꞌ li tabernáculo joꞌ quiyeheꞌ re xban li Ka̱cuaꞌ.

Deuteronomio 9:7

Chijulticokꞌ e̱re chanru nak quechikꞌ chak xjoskꞌil li Ka̱cuaꞌ le̱ Dios nak cuanquex saꞌ li chaki chꞌochꞌ. Chalen saꞌ li cutan nak quex-el chak Egipto toj chalen anakcuan nak cuanquex saꞌ li naꞌajej aꞌin, yo̱quex chixkꞌetkꞌetinquil e̱rib chiru li Ka̱cuaꞌ.

Números 4:18

—Te̱col rixeb li ralal xcꞌajol laj Coat re nak incꞌaꞌ teꞌosokꞌ. Cua̱nkeb ban saꞌ xya̱nkeb li ralal xcꞌajol laj Leví.

Números 14:5

Ut laj Moisés ut laj Aarón queꞌxcut rib chiru chꞌochꞌ chiruheb chixjunileb laj Israel xban xrahil xchꞌo̱leb.

Números 16:21

—Elenkex saꞌ xya̱nkeb li tenamit aꞌin re nak tinsach ruheb chixjunileb saꞌ junpa̱t, chan.