Números 16:9 - Li Santil hu

⁹ ¿Ma incꞌaꞌ ta biꞌ tzꞌakal riqꞌuin nak li kaDios quisicꞌoc e̱ru la̱ex saꞌ xya̱nkeb laj Israel re nak texcꞌanjelak chiru? Quixsicꞌ e̱ru re nak texxakli̱k chiruheb li tenamit ut texcꞌanjelak saꞌ li tabernáculo saꞌ xcꞌabaꞌeb li tenamit.

Q'eqchi Bible

⁹ Ma ink'a' tz'aqal cho'q eere naq li xYos laj Israel xsik'ok chaq eeru sa' xyanqeb' laj Israel re naq texwanq chi xk'atq A'an, texk'anjelaq sa' li Loq'laj Muheb'aal ut wanqex chi xjolomileb' li komonil chirix li mayejak?

Números 16:9 ပူးပေါင်းရင်းမြစ်များ

Isaías 7:13

Tojoꞌnak laj Isaías quixye: —Abihomak la̱ex li ralal xcꞌajol laj David. ¿Ma incꞌaꞌ ta biꞌ tzꞌakal nak yo̱quex chixchꞌiꞌchꞌiꞌinquileb li profeta? ¿Ma toj te̱raj xchꞌiꞌchꞌiꞌinquil li Ka̱cuaꞌ lin Dios?

Deuteronomio 10:8

Saꞌ eb li cutan aꞌan li Ka̱cuaꞌ quixxakabeb li ralal xcꞌajol laj Leví chi cꞌanjelac chiru li Ka̱cuaꞌ ut chixpakonquil li Lokꞌlaj Ca̱x li cuan cuiꞌ lix contrato li Ka̱cuaꞌ, ut chixtzꞌa̱manquil li rosobtesinquileb li tenamit. Ut joꞌcan queꞌxba̱nu toj chalen anakcuan.

Nehemías 12:44

Saꞌ eb li cutan aꞌan queꞌxakaba̱c laj ilol re li cab bar naxocman cuiꞌ chixjunil li mayej li naqꞌueman re li templo, joꞌ li tumin, joꞌ li xbe̱n ru li acui̱mk, joꞌ ajcuiꞌ li junju̱nk saꞌ xlaje̱tkil. Queꞌxcꞌul chixjunil li joꞌ qꞌuial queꞌxqꞌue saꞌ eb li cꞌaleba̱l joꞌ tzꞌi̱banbil saꞌ li chakꞌrab. Li joꞌ qꞌuial li queꞌxcꞌul quiqꞌueheꞌ reheb laj tij ut reheb laj levita. Eb li ralal xcꞌajol laj Judá saheb saꞌ xchꞌo̱l riqꞌuineb laj tij ut eb laj levita li cuanqueb saꞌ xcꞌanjel.

1 Samuel 18:23

Queꞌxye re laj David joꞌ quiyeheꞌ reheb xban laj Saúl. Ut laj David quixye reheb: —¿Ma nequecꞌoxla la̱ex nak kꞌaxal us chokꞌ re junak cui̱nk joꞌ la̱in oc chokꞌ xhiꞌ li rey? La̱in ma̱cꞌaꞌ incuanquil ut nebaꞌin, chan.

Números 16:13

¿Ma incꞌaꞌ tzꞌakal riqꞌuin nak xoa̱cuisi saꞌ li tenamit li na-el cuiꞌ chi us li acui̱mk re toca̱mk saꞌ li chaki chꞌochꞌ? ¿Ma toj ta̱cuaj tattakla̱nk saꞌ kabe̱n saꞌ joskꞌil?

Números 3:6

—Cꞌameb chak laj levita ut ta̱xakabeb chixtenkꞌanquil laj Aarón.

Números 1:53

Ut eb li ralal xcꞌajol laj Leví teꞌxyi̱b lix muheba̱leb chi xjun sutam li tabernáculo. Ut aꞌaneb li teꞌilok re, re nak li Dios incꞌaꞌ ta̱joskꞌokꞌ saꞌ xbe̱neb laj Israel.

Ezequiel 34:18

¿Ma incꞌaꞌ ta biꞌ tzꞌakal riqꞌuin nak nequetzaca li cha̱bil tzacae̱mk? ¿Ma toj tento ta biꞌ nak te̱yekꞌi saꞌ e̱rok li incꞌaꞌ nequetzaca? La̱ex nequerucꞌ li haꞌ li sak ru ut nequetzꞌajni ru riqꞌuin le̱ rok li joꞌ qꞌuial chic nacana.

2 Crónicas 35:3

Quia̱tinac riqꞌuineb laj levita li ac nequeꞌxqꞌue xchꞌo̱l chi cꞌanjelac chiru li Dios ut chixchꞌolobanquil xya̱lal chiruheb li tenamit. Quixye reheb: —Qꞌuehomak lix Lokꞌlaj Ca̱x li Ka̱cuaꞌ saꞌ li templo li quixyi̱b laj Salomón li ralal laj David. Incꞌaꞌ chic te̱pako saꞌ xbe̱n e̱tel. Chexcꞌanjelak chiru li Ka̱cuaꞌ le̱ Dios ut chiruheb ajcuiꞌ lix tenamit.

2 Samuel 7:19

At Ka̱cuaꞌ Dios, cha̱cuu la̱at toj ma̱jiꞌ tzꞌakal li xaye xban nak xaye ajcuiꞌ nak junelic xakxo̱k xcuanquileb li cualal incꞌajol li teꞌcua̱nk mokon. Ma̱ jun cui̱nk naba̱nun re li nacaba̱nu la̱at, at Ka̱cuaꞌ, at nimajcual Dios.

Génesis 30:15

Lix Lea quixye re lix Raquel: —¿Cꞌaꞌ chic ru ta̱cuaj anakcuan? Ac xamakꞌ lin be̱lom chicuu ut anakcuan ta̱cuaj ta̱makꞌ cuiꞌchic lin ixki kꞌe̱n li xcꞌam chak inyum, chan. Ut lix Raquel quichakꞌoc ut quixye re, —Cui ta̱qꞌue cue li ixki kꞌe̱n, laj Jacob naru ta̱xic jun kꞌojyi̱nak a̱cuiqꞌuin, chan.

1 Corintios 4:3

La̱in ma̱cꞌaꞌ nacuaj re cui yo̱quex chixsicꞌbal a̱tin chicuix ut ma̱cꞌaꞌ nacuaj re cui junak aj rakol a̱tin ta̱tzꞌilok a̱tin chicuix. Chi moco la̱in naru tincuechꞌ rix lin cꞌanjel.

Hechos 13:2

Nak yo̱queb chi tijoc chiru li Dios ut chi ayunic, li Santil Musikꞌej quixye reheb: —Qꞌuehomakeb xjuneseb laj Saulo ut laj Bernabé re nak teꞌxba̱nu li cꞌanjel aꞌin li sicꞌbileb cuiꞌ ru inban, chan.

Números 3:9

Ta̱kꞌaxtesiheb laj levita chi cꞌanjelac chiruheb laj Aarón ut eb li ralal xban nak aꞌaneb li sicꞌbil ruheb saꞌ xya̱nkeb laj Israel chi cꞌanjelac chiru saꞌ li tabernáculo.

Números 16:8

Ut quixye ajcuiꞌ laj Moisés re laj Coré: —Abihomak la̱ex aj levita.

Ezequiel 44:16

Caꞌaj cuiꞌ eb aꞌan naru teꞌoc saꞌ lin templo ut naru teꞌnachꞌok riqꞌuin lin me̱x chi cꞌanjelac chicuu.