Números 16:46 - Li Santil hu

⁴⁶ Ut laj Moisés quixye re laj Aarón: —Cꞌam la̱ sansar chiru li artal ut ta̱qꞌue li ru xam chi saꞌ ut ta̱qꞌue ajcuiꞌ li pom. Ut ta̱cꞌam chi junpa̱t cuanqueb cuiꞌ li tenamit ut ta̱santobresiheb. Xnumta lix joskꞌil li Dios saꞌ xbe̱neb ut ac xticla li caki yajel, chan.

Q'eqchi Bible

⁴⁶ laj Moisés kixye re laj Aharón: “Xok laaxanxaar, k'e xam chisa' xkomon li wank sa' li artal, ut k'e ajwi' li pom. Chirix a'an ayu chi junpaat wankeb' wi' li komonil ut taatoj rix li xmaakeb'. Xb'aan naq xnumtaak li xjosq'il li Qaawa' ut ak xtiklaak li raxkamk”, chan.

Números 16:46 ပူးပေါင်းရင်းမြစ်များ

Números 8:19

La̱in quinsicꞌ ruheb laj levita saꞌ xya̱nkeb chixjunileb laj Israel ut xebinqꞌue chixtenkꞌanquileb laj Aarón ut eb li ralal saꞌ li tabernáculo. Eb aꞌan teꞌmayejak saꞌ xcꞌabaꞌeb laj Israel re nak ma̱cꞌaꞌ raylal teꞌxcꞌul nak teꞌnachꞌok riqꞌuin li tabernáculo eb laj Israel, chan li Dios.

Levítico 10:6

Laj Aarón cuan rochbeneb laj Eleazar ut laj Itamar li ralal cuib. Laj Moisés quixye reheb: —Me̱risi xbatbal le̱ jolom ut me̱kꞌich le̱ rakꞌ xban xrahil e̱chꞌo̱l re nak incꞌaꞌ texca̱mk ajcuiꞌ la̱ex ut re nak incꞌaꞌ ta̱cha̱lk xjoskꞌil li Ka̱cuaꞌ Dios saꞌ xbe̱neb chixjunileb li tenamit. Aban le̱ rech tenamitil aj Israel teꞌrahokꞌ saꞌ xchꞌo̱leb xban li xam li quixtakla chak li Ka̱cuaꞌ.

Salmos 106:29

Xban li ma̱usilal li queꞌxba̱nu queꞌxchikꞌ xjoskꞌil li Dios. Ut li Dios quixqꞌue jun yajel saꞌ xbe̱neb ut nabaleb queꞌcam.

1 Crónicas 27:24

Laj Joab lix yum lix Sarvia quixtiquib rajlanquileb, abanan incꞌaꞌ quixchoy. Quichal xjoskꞌil li Dios xban nak queꞌrajlaheb laj Israel. Joꞌcan nak incꞌaꞌ quitzꞌi̱ba̱c retalil lix qꞌuialeb laj Israel saꞌ li hu li quitzꞌi̱ba̱c cuiꞌ retalil li quilajxba̱nu li rey David.

Números 18:5

Caꞌaj cuiꞌ la̱at ut eb la̱ cualal naru te̱ba̱nu li cꞌanjel saꞌ li Santil Naꞌajej ut saꞌ li artal re nak incꞌaꞌ chic tinjoskꞌokꞌ saꞌ xbe̱neb laj Israel.

Números 11:33

Toj yo̱queb ajcuiꞌ chi xtiubal xtibel laj to̱nkꞌ nak quichal xjoskꞌil li Ka̱cuaꞌ saꞌ xbe̱neb laj Israel. Joꞌcan nak quixtakla jun li yajel saꞌ xbe̱neb ut nabaleb queꞌcam.

Salmos 141:2

Chicuulak taxak a̱cuiqꞌuin lin tij joꞌ nak nacuulac a̱cuiqꞌuin xbo̱c li incienso. La̱in nintaksi li cuukꞌ chi tijoc cha̱cuu. Ta̱cꞌul taxak joꞌ jun li mayej li naqꞌueman chiru li ecuu.

Levítico 9:24

Ut li Ka̱cuaꞌ quixtakla li xam ut quixcꞌat li mayej ut li xe̱b li cuan saꞌ xbe̱n li artal. Nak eb li tenamit queꞌril li xam queꞌxhupub ribeb saꞌ chꞌochꞌ ut queꞌxlokꞌoni li Dios.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Deuteronomio 9:22

Ut quechikꞌ ajcuiꞌ xjoskꞌil li Dios saꞌ eb li naꞌajej Tabera, Masah, ut Kibrot-hataava.

Números 25:13

Xakabanbileb chi cꞌanjelac chokꞌ aj tij laj Finees joꞌ eb ajcuiꞌ li ralal xcꞌajol chalen anakcuan ut chi junelic xban nak laj Finees incꞌaꞌ quiraj nak teꞌxqꞌue xlokꞌal li yi̱banbil dios. Quiraj ban nak caꞌaj cuiꞌ la̱in tineꞌxlokꞌoni. Riqꞌuin li cꞌaꞌru quixba̱nu quixtoj rix lix ma̱queb li tenamit, chan li Dios.

Números 1:53

Ut eb li ralal xcꞌajol laj Leví teꞌxyi̱b lix muheba̱leb chi xjun sutam li tabernáculo. Ut aꞌaneb li teꞌilok re, re nak li Dios incꞌaꞌ ta̱joskꞌokꞌ saꞌ xbe̱neb laj Israel.

Números 25:8

Co̱ saꞌ lix muheba̱l li cui̱nk li quicꞌamoc re li ixk aj Madián. Qui-oc saꞌ li muheba̱l ut quixnumsi lix la̱ns saꞌ xsaꞌeb li cui̱nk ut li ixk. Quixcamsiheb chixcabichaleb. Ut riqꞌuin aꞌan quichꞌana li caki yajel li yo̱ chi camsi̱nc reheb li cui̱nk aj Israel.

Habacuc 3:5

Nak ac cha̱lc re li Ka̱cuaꞌ quixtakla chak jun li yajel ut nabal queꞌcam. Ut nak ac xnumeꞌ li Ka̱cuaꞌ, quichal jun chic li yajel ut nabaleb queꞌcam xban li tik.