Números 16:41 - Li Santil hu

⁴¹ Cuulajak chic chixjunileb laj Israel queꞌxcuechꞌi rixeb laj Moisés ut laj Aarón ut queꞌxye reheb: —La̱ex quecamsiheb lix tenamit li Ka̱cuaꞌ, chanqueb.

Q'eqchi Bible

⁴¹ Sa' li kutan jun chik, chixjunil li xkomonileb' laj Israel ke'xwech' laj Moisés ut laj Aharón rik'in xyeeb'al: “Laa'ex xekamsiheb' li xtenamit li Qaawa'”, chankeb'.

Números 16:41 ပူးပေါင်းရင်းမြစ်များ

Salmos 106:23

Li Dios quixye nak tixsach ruheb laj Israel lix tenamit. Abanan laj Moisés li sicꞌbil ru xban quia̱tinac chirixeb re nak li Dios incꞌaꞌ tixsach ruheb. Ut quinumeꞌ caꞌchꞌin lix joskꞌil li Dios saꞌ xbe̱neb ut incꞌaꞌ quixsach ruheb.

Números 14:2

Ut queꞌxcuechꞌi rix laj Moisés ut laj Aarón ut chixjunileb yo̱queb chixyebal: —Kꞌaxal us raj nak saꞌ li tenamit Egipto ta xocam chak malaj ut us raj toca̱mk arin saꞌ li chaki chꞌochꞌ.

Hechos 21:28

Japjo̱queb re chixyebal: —Ex aj Israel, choe̱tenkꞌa. Aꞌan aꞌin li cui̱nk li napoꞌoc xnaꞌlebeb li tenamit yalak bar chixtzꞌekta̱nanquil li katenamit, joꞌ ajcuiꞌ li chakꞌrab li quixqꞌue ke laj Moisés. Ut naxtzꞌekta̱na li templo aꞌin. Joꞌ cuiꞌ anchal xrocsiheb li ma̱cuaꞌeb aj judío saꞌ li templo ut riqꞌuin aꞌan, xmux ru li Santil Naꞌajej, chanqueb.

Hechos 5:28

—¿Ma incꞌaꞌ ta biꞌ xkaye e̱re nak incꞌaꞌ chic te̱tzoleb li tenamit saꞌ xcꞌabaꞌ li cui̱nk aꞌan? La̱ex yo̱quex chixcꞌutbal li tijleb aꞌan saꞌ chixjunil Jerusalén ut te̱raj xqꞌuebal saꞌ kabe̱n lix camic li cui̱nk aꞌan, chanqueb.

San Mateo 5:11

Us xak e̱re nak texhobekꞌ ut texrahobtesi̱k saꞌ incꞌabaꞌ ut ta̱yehekꞌ e̱re cꞌaꞌak re ru chi ma̱usilal chi yal ticꞌtiꞌ.

Amós 7:10

Ut laj Amasías laj tij li nacuan aran Bet-el, quixtakla resil riqꞌuin laj Jeroboam lix reyeb laj Israel ut quixye re li rey Jeroboam chi joꞌcaꞌin: —Cꞌajoꞌ yo̱ chixyebal cha̱cuix laj Amós reheb li tenamit Israel. Li tenamit incꞌaꞌ chic nequeꞌxcuy rabinquil li naxye.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Salmos 106:13

Abanan saꞌ junpa̱t queꞌsach saꞌ xchꞌo̱l li usilal li quixba̱nu li Dios reheb. Incꞌaꞌ queꞌxtzꞌa̱ma chiru li Dios nak aꞌan tixqꞌue xnaꞌlebeb.

1 Reyes 18:17

Nak laj Acab quiril ru laj Elías quixye re: —Arin peꞌ cuancat la̱at li yo̱cat chi qꞌuehoc raylal saꞌ xbe̱n li tenamit Israel, chan laj Acab.

2 Corintios 6:8

Cuan li nequeꞌxqꞌue kalokꞌal ut cuan ajcuiꞌ li nequeꞌxsach kacuanquil. Cuan li nequeꞌhoboc ke ut cuan ajcuiꞌ li nequeꞌoxlokꞌin ke. Ut cuan ajcuiꞌ li nequeꞌyehoc re nak la̱o aj balakꞌ. Abanan la̱o junelic nocoa̱tinac saꞌ xya̱lal.

Jeremías 43:3

Laj Baruc li ralal laj Nerías yo̱ chi tacchiꞌi̱nc a̱cue re nak toa̱kꞌaxtesi saꞌ rukꞌeb laj Babilonia re nak toeꞌxcamsi malaj ut toeꞌxcꞌam chi pre̱xil aran Babilonia, chanqueb.

Jeremías 38:4

Ut eb li cuanqueb xcuanquil queꞌxye re li rey: —Tento ta̱ca̱mk li cui̱nk aꞌin xban li ra̱tin naxye. Yo̱ chi chꞌina̱nc xchꞌo̱leb li soldado li joꞌ qꞌuial toj cuanqueb saꞌ li tenamit. Ut yo̱ ajcuiꞌ chi chꞌina̱nc xchꞌo̱leb li tenamit xban. Li cui̱nk aꞌin incꞌaꞌ naxsicꞌ li us chokꞌ re li tenamit. Naxsicꞌ ban li incꞌaꞌ us chokꞌ reheb.—

1 Corintios 10:10

Chi moco tocuechꞌok, joꞌ queꞌxba̱nu eb aꞌan. Ut xbaneb lix ma̱usilal queꞌcamsi̱c xban li ángel li quixtakla chak li Dios.

San Judas 1:16

Eb aꞌin aj cuechꞌoneleb. Ma̱cꞌaꞌ nacuulac chiruheb. Caꞌaj cuiꞌ li cꞌaꞌru naxrahi ru li tzꞌejcualej nequeꞌxba̱nu. Nequeꞌa̱tinac re xnimobresinquileb ribeb. Nequeꞌxkꞌunbesi junak riqꞌuin kꞌunil a̱tin yal re li cꞌaꞌru nequeꞌraj riqꞌuin.