Números 16:38 - Li Santil hu

^38-39 Queꞌsantobresi̱c nak queꞌqꞌueheꞌ chiru lin artal la̱in li Ka̱cuaꞌ. Cꞌameb lix sansareb li cui̱nk li queꞌsacheꞌ ruheb xban nak queꞌma̱cob. Riqꞌuin li sansar aꞌin te̱yi̱b li perpo̱quil chꞌi̱chꞌ ut li perpo̱quil chꞌi̱chꞌ aꞌin te̱letz chiru li artal. Ut aꞌanak jun retalil chiruheb laj Israel, chan li Dios. Ut laj Eleazar laj tij quixxoc lix sansareb li queꞌsacheꞌ ruheb. Ut quixtakla xyi̱banquil li perpo̱quil chꞌi̱chꞌ riqꞌuineb li sansar re nak teꞌxletz chiru li artal.

Q'eqchi Bible

³⁸ Li xxanxaareb' li winq a'in li xe'kamk xb'aan naq xe'maakob'k, santob'resinb'ileb' chik anaqwan xb'aan naq xe'oksiik chiwu laa'in. Rik'ineb' li xanxaar a'in teeyiib' perpookil ch'iich' ut letzomaq chiru li artal. A'anaq ajwi' jun li reetalil chiruheb' laj Israel”, chan li Qaawa'.

Números 16:38 ပူးပေါင်းရင်းမြစ်များ

2 Pedro 2:6

Joꞌcan ajcuiꞌ li Dios quixrak a̱tin saꞌ xbe̱neb laj Sodoma ut laj Gomorra. Quixsacheb nak quixcꞌat lix tenamiteb. Junes cha quicana. Li Dios quixba̱nu chi joꞌcan chokꞌ retalil chiruheb chixjunileb li yo̱keb chi ma̱cobc mokon re nak teꞌxucuak xban li cꞌaꞌru ta̱cha̱lk saꞌ xbe̱neb.

Ezequiel 14:8

La̱in tinrakok a̱tin saꞌ xbe̱n ut tincꞌut xxuta̱n chiruheb chixjunileb re nak teꞌxqꞌue retal nak incꞌaꞌ us xba̱nu li jun aꞌan. Ut la̱in tincuisi saꞌ xya̱nkeb lin tenamit. Ut riqꞌuin aꞌan te̱qꞌue retal nak la̱in li Ka̱cuaꞌ.

Proverbios 20:2

Nak najoskꞌoꞌ li rey, aꞌan chanchan nak najoskꞌoꞌ li cakcoj. Li ani naxchikꞌ xjoskꞌil li rey naxqꞌue xyuꞌam saꞌ xiu.

Números 26:10

Li chꞌochꞌ quijacheꞌ ut queꞌtꞌaneꞌ chi saꞌ laj Coré ut eb li queꞌoquen chirix. Cuib ciento riqꞌuin laje̱b roxcꞌa̱l queꞌsacheꞌ ru saꞌ li xam. Li cꞌaꞌru queꞌxcꞌul eb aꞌan, aꞌan quicꞌanjelac re teꞌoc xcꞌaꞌuxeb laj Israel.

Habacuc 2:10

Riqꞌuin chixjunil li xeba̱nu, xexuta̱nobresi le̱ jun cablal. Nabaleb li tenamit xesacheb ut riqꞌuin aꞌan yo̱quex chixsachbal e̱rib e̱junes.

1 Reyes 2:23

Ut li rey Salomón quixba̱nu li juramento saꞌ xcꞌabaꞌ li Dios ut quixye: —Aꞌ taxak li Dios tinixqꞌue chixtojbal inma̱c cui incꞌaꞌ tinqꞌue chi ca̱mc laj Adonías xban li cꞌaꞌru xtzꞌa̱ma chicuu.

Números 17:10

Ut li Ka̱cuaꞌ quixye re laj Moisés: —Ta̱xoc lix xukꞌ laj Aarón ut ta̱qꞌue chiru li Lokꞌlaj Ca̱x chokꞌ retalil chiruheb li nequeꞌcuechꞌin. Riqꞌuin aꞌin teꞌxcanab li cuechꞌi̱nc chicuix re nak incꞌaꞌ teꞌca̱mk, chan.

1 Corintios 10:11

Li cꞌaꞌru queꞌxcꞌul li kaxeꞌto̱nil yucuaꞌ aꞌan tzꞌi̱banbil retalil saꞌ li Santil Hu re nak la̱o takaqꞌue retal ut incꞌaꞌ takaba̱nu joꞌ queꞌxba̱nu eb aꞌan xban nak cuulac re li rosoꞌjic li cutan.

Proverbios 8:36

Li ani natzꞌekta̱nan re li cha̱bil naꞌleb, raylal nachal saꞌ xbe̱n. Ut chixjunileb li xicꞌ nequeꞌiloc re, aꞌ li ca̱mc nequeꞌxbok saꞌ xbe̱neb.

Proverbios 1:18

Eb li cui̱nk aꞌan nequeꞌxyi̱b li raꞌal re ta̱tꞌanekꞌ jalan. Abanan aꞌaneb ajcuiꞌ nequeꞌtꞌaneꞌ chi saꞌ. Incꞌaꞌ nequeꞌxqꞌue retal nak nequeꞌxqꞌue rib saꞌ chꞌaꞌajquilal.

Números 16:40

Quixba̱nu laj Eleazar joꞌ quixye li Ka̱cuaꞌ re laj Moisés. Aꞌan jun retalil chiruheb laj Israel nak juneseb li ralal xcꞌajol laj Aarón naru nequeꞌxcꞌat li pom chiru li Ka̱cuaꞌ. Jalan incꞌaꞌ naru ma̱re anchal tixcꞌul joꞌ queꞌxcꞌul laj Coré ut eb li queꞌoquen chirix.

Números 16:37

—Ta̱ye re laj Eleazar li ralal laj Aarón laj tij nak tixxoc chak li sansar saꞌ li xam ut tixcut chi najt li ru xam li cuan chi saꞌ xban nak li sansar aꞌan santobresinbileb.

Jeremías 44:7

Aꞌan aꞌin li naxye li Ka̱cuaꞌ li nimajcual Dios, lix Dioseb laj Israel: ¿Cꞌaꞌut nak nequeba̱nu li ma̱usilal aꞌin? E̱junes nequesach e̱rib. ¿Cꞌaꞌut nak nequeqꞌueheb chi ca̱mc eb li cui̱nk ut eb li ixk joꞌ eb ajcuiꞌ li sa̱j cui̱nk ut eb le̱ cocꞌal toj retal nak ma̱ jun chic xcomoneb laj Judá nequeꞌcana?