Números 16:3 - Li Santil hu

³ Queꞌxchꞌutub ribeb ut queꞌco̱eb chixcuechꞌinquil laj Moisés ut laj Aarón. Queꞌxye reheb: —Xotitzꞌ e̱riqꞌuin. Tzꞌakal li xeba̱nu la̱ex. Chixjunileb li tenamit santobresinbileb xban li Dios ut li Ka̱cuaꞌ cuan kiqꞌuin. ¿Cꞌaꞌut nak la̱ex nequeraj takla̱nc saꞌ kabe̱n la̱o lix tenamit li Ka̱cuaꞌ? chanqueb.

Q'eqchi Bible

³ Ke'xch'utub' rib' chi xwech'b'al laj Moisés ut laj Aharón, ut ke'xye reheb': “Jwal naxik wi' chik xb'een nekeb'aanu. Chixjunileb' li komonil santob'resinb'ileb' ut li Qaawa' wank sa' xyanqeb'. K'a'ut naq laa'ex nekek'e eewankil sa' xb'een li xkomonil li Qaawa'?”, chankeb'.

Números 16:3 ပူးပေါင်းရင်းမြစ်များ

Salmos 106:16

Ut nak cuanqueb saꞌ li naꞌajej aꞌan, queꞌxcakali laj Moisés ut queꞌxcakali ajcuiꞌ laj Aarón li sicꞌbil ru xban li Dios chokꞌ aj tij.

Números 14:14

Ut teꞌxye resil reheb li cuanqueb Canaán. Eb aꞌan ac xeꞌrabi a̱cuesil. Ac nequeꞌxnau nak cuancat kiqꞌuin ut xcuil a̱cuu. Nequeꞌxnau nak la̱at catcꞌamoc be chiku riqꞌuin li chok chi cutan ut riqꞌuin li xam chiru kꞌojyi̱n.

Éxodo 19:6

La̱ex taxak jun santil tenamit chicuu. Texcꞌanjelak chicuu joꞌ xbe̱nil aj tij. Aꞌin li cua̱tin ta̱yeheb re laj Israel, chan li Dios re laj Moisés.

Números 16:7

Ut cuulaj te̱cꞌat li pom chiru li Ka̱cuaꞌ. Li ani ta̱siqꞌuekꞌ ru cuulaj xban li Ka̱cuaꞌ, aꞌanak li santobresinbil. La̱ex aj levita, la̱ex li incꞌaꞌ yo̱quex chixba̱nunquil li us.—

Hechos 7:51

La̱ex incꞌaꞌ nequetau xya̱lal. Kꞌaxal cau e̱chꞌo̱l. Chanchanex li incꞌaꞌ nequeꞌpa̱ban re li Dios. Junelic nequekꞌetkꞌeti e̱rib chiru li Santil Musikꞌej joꞌ queꞌxba̱nu le̱ xeꞌto̱nil yucuaꞌ.

Hechos 7:39

Abanan eb li kaxeꞌto̱nil yucuaꞌ incꞌaꞌ queꞌraj xpa̱banquil li cꞌaꞌru quixye. Queꞌxtzꞌekta̱na ban ut queꞌraj raj sukꞌi̱c cuiꞌchic Egipto.

Salmos 68:17

Kꞌaxal cuiꞌchic numtajenak xqꞌuialeb lix carruajes li Ka̱cuaꞌ Dios re pletic. Incꞌaꞌ naru rajlanquileb. Riqꞌuin xnimal xcuanquilal, li Ka̱cuaꞌ toj Sinaí quichal chak ut co̱ saꞌ lix templo aran Sión.

Esdras 9:2

Yo̱queb chi sumla̱c riqꞌuineb ut yo̱queb ajcuiꞌ chixsumubanquil eb li ralal riqꞌuineb lix rabin li cuanqueb saꞌ li tenamit aꞌan. Lix tenamit li Dios, li ti̱queb raj xchꞌo̱l, queꞌxjunaji ribeb riqꞌuineb li jalaneb xtenamit. Ut eb li queꞌcꞌamoc xbe chixba̱nunquil li ma̱c aꞌan, aꞌaneb ajcuiꞌ li cuanqueb saꞌ xcuanquil ut eb li nequeꞌtaklan saꞌ xbe̱neb li tenamit, chanqueb.

Números 35:34

Me̱mux ru li naꞌajej li texcua̱nk cuiꞌ xban nak la̱in li Ka̱cuaꞌ tincua̱nk aran. La̱in tincua̱nk e̱riqꞌuin la̱ex aj Israel, chan li Dios.

Números 16:11

La̱at ut eb la̱ cuochben xechꞌutub e̱rib chixcuechꞌbal rix laj Aarón. ¿Cꞌaꞌut nak nequecuechꞌi rix laj Aarón? ¿Ma ma̱cuaꞌ ta biꞌ li Dios li yo̱quex chixcuechꞌinquil rix?—

Números 5:3

Teꞌrisi chixjunileb saꞌ li naꞌajej li cuan cuiꞌ lix muheba̱leb, usta cui̱nk usta ixk, re nak incꞌaꞌ teꞌxmux ru li naꞌajej li ninhilan cuiꞌ la̱in, chan li Ka̱cuaꞌ.

Números 16:41

Cuulajak chic chixjunileb laj Israel queꞌxcuechꞌi rixeb laj Moisés ut laj Aarón ut queꞌxye reheb: —La̱ex quecamsiheb lix tenamit li Ka̱cuaꞌ, chanqueb.

Números 23:21

Ma̱cꞌaꞌ raylal yo̱queb chixba̱nunquil laj Israel li ralal xcꞌajol laj Jacob. Eb aꞌan cuanqueb saꞌ xya̱lal. Li Ka̱cuaꞌ lix Dioseb cuan riqꞌuineb. Ut nequeꞌxnau nak aꞌan lix reyeb.