Números 16:15 - Li Santil hu

¹⁵ Riqꞌuin li cꞌaꞌru queꞌxye, queꞌxchikꞌ xjoskꞌil laj Moisés ut quixye re li Ka̱cuaꞌ: —At Ka̱cuaꞌ, ma̱cꞌul taxak lix mayejeb. La̱in ma̱cꞌaꞌ xinmakꞌ chiruheb. La̱in incꞌaꞌ xinmakꞌ lix bu̱r chiruheb chi moco xinba̱nu raylal reheb.—

Q'eqchi Bible

¹⁵ Toja' naq k'ajo' naq kijosq'o'k laj Moisés ut kixye re li Qaawa': “At Qaawa', maak'e sa' aach'ool li xmayejeb'. Laa'in maak'a' xinmaq' chiruheb', chi moko junaq b'uur, chi moko xinb'aanu rahilal reheb'”.

Números 16:15 ပူးပေါင်းရင်းမြစ်များ

2 Corintios 7:2

Nintzꞌa̱ma che̱ru nak choe̱ra. Ma̱cꞌaꞌ xkaba̱nu e̱re. Ma̱ ani xkaba̱nu raylal re ut ma̱ ani xkapoꞌ xchꞌo̱l ut ma̱ ani xkabalakꞌi.

1 Ts 2:10

La̱ex nequenau chi tzꞌakal, ut naxnau ajcuiꞌ li Dios, chanru nak cocuan saꞌ santilal ut saꞌ ti̱quilal saꞌ e̱ya̱nk. Ma̱cꞌaꞌ cꞌaꞌru cokꞌuseꞌ cuiꞌ nak cocuan saꞌ e̱ya̱nk la̱ex aj pa̱banel.

Efesios 4:26

Cuan nak nequexjoskꞌoꞌ. Abanan me̱numsi li cutan chi toj cuan le̱ joskꞌil saꞌ le̱ chꞌo̱l re nak incꞌaꞌ texma̱cobk xban.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

1 Corintios 9:15

Abanan la̱in incꞌaꞌ xintzꞌa̱ma e̱re nak tine̱tenkꞌa, chi moco yo̱quin ta chixyebal aꞌin re nak tine̱tenkꞌa. Incꞌaꞌ nacuaj tintojekꞌ xban nak nasahoꞌ saꞌ inchꞌo̱l nak ninye resil li colba-ib chi ma̱cꞌaꞌ intojbal. Us raj nak tinca̱mk xban tzꞌoca̱c chiru nak tine̱toj ut tinsach li sahil chꞌo̱lejil li nincꞌul xban xyebal resil li colba-ib chi ma̱cꞌaꞌ intojbal.

San Marcos 3:5

Quijoskꞌoꞌ li Jesús saꞌ xbe̱neb, abanan quiril cuiꞌchic xtokꞌoba̱l ruheb xban nak incꞌaꞌ queꞌraj xtaubal xya̱lal. Ut li Jesús quixye re li cui̱nk li sic rukꞌ: —Yeꞌ la̱ cuukꞌ, chan. Ut li cui̱nk quixyeꞌ li rukꞌ ut saꞌ junpa̱t quiqꞌuira.

San Mateo 5:22

Aban la̱in tinye e̱re lix ya̱lal aꞌan. Li ani ta̱joskꞌokꞌ riqꞌuin li ras ri̱tzꞌin ta̱rakekꞌ a̱tin saꞌ xbe̱n. Ut li ani tixtzꞌekta̱na li ras ri̱tzꞌin cuan xma̱c chiru laj rakol a̱tin. Ut li ani tixye xyaj tiox re li ras ri̱tzꞌin, ma̱re anchal ta̱xic saꞌ xxamlel li xbalba.

Números 12:3

Laj Moisés, aꞌan jun cui̱nk kꞌaxal tu̱lan chiruheb chixjunileb li cui̱nk li cuanqueb saꞌ ruchichꞌochꞌ.

Éxodo 32:19

Laj Moisés quijiloc chixcꞌatk lix muheba̱leb. Quiril li cuacax oro ut quiril nak yo̱queb chi xajoc chiru. Cꞌajoꞌ nak quichal xjoskꞌil. Ut xban xjoskꞌil quixcut chi chꞌochꞌ li cuib chi perpo̱quil pec li cuan saꞌ rukꞌ ut aran queꞌjoreꞌ saꞌ xto̱n li tzu̱l.

Números 16:16

Ut laj Moisés quixye re laj Coré: —La̱at a̱cuochbeneb li nequeꞌoquen cha̱cuix texxic chiru li Ka̱cuaꞌ cuulaj. La̱ex ut laj Aarón cua̱nkex aran.

2 Samuel 22:22

La̱in xinba̱nu li cꞌaꞌru naxye saꞌ lix chakꞌrab. Ut incꞌaꞌ xintzꞌekta̱na li Ka̱cuaꞌ.

Proverbios 21:27

Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. ¿Ma tojaꞌ ta chic tixcꞌul nak teꞌxqꞌue chi incꞌaꞌ useb lix cꞌaꞌuxeb?