Números 16:14 - Li Santil hu

¹⁴ La̱at incꞌaꞌ xoa̱cꞌam saꞌ li naꞌajej li na-el cuiꞌ chi us li acui̱mk, chi moco xaqꞌue ke li cꞌaleba̱l, chi moco xaqꞌue xnaꞌaj ka-uvas. ¿Ma ta̱cuaj nak toa̱beresi chikajunilo joꞌ naberesi̱c li mutzꞌ? La̱o incꞌaꞌ toxic cha̱cuilbal, chanqueb.

Q'eqchi Bible

¹⁴ Ink'a' xoohaak'am chaq sa' jun xq'emal ch'och', chi moko xak'e chiqeechani jun li na'ajej na'elk wi' li awimq ut li uub'. Ma nakak'oxla naq mutz'eb' li tenamit a'in? Ink'a' tooxik”, chankeb'.

Números 16:14 ပူးပေါင်းရင်းမြစ်များ

Levítico 20:24

La̱in quinyechiꞌi e̱re li cha̱bil naꞌajej aꞌin li na-el cuiꞌ chi us li acui̱mk. La̱ex tex-e̱chani̱nk re li naꞌajej xban nak la̱in tinqꞌue e̱re re texcua̱nk. La̱in li Ka̱cuaꞌ le̱ Dios. La̱in quinsicꞌoc e̱ru saꞌ xya̱nkeb chixjunileb li xni̱nkal ru tenamit.

1 Samuel 11:2

Ut laj Nahas quixye reheb: —La̱in tinba̱nu jun li contrato e̱riqꞌuin. Abanan tento nak che̱ju̱nkalex tine̱canab chirisinquil li xnakꞌ e̱ru li cuan saꞌ le̱ nim, re nak tincꞌut e̱xuta̱n la̱ex aj Israel, chan.

Jueces 16:21

Eb laj filisteo queꞌxchap laj Sansón. Queꞌrisi li xnakꞌ ru ut queꞌxcꞌam aran Gaza ut queꞌxqꞌue saꞌ tzꞌalam. Queꞌxbacꞌ riqꞌuin cadena ut queꞌxqꞌue aꞌan chi trabajic chi cau saꞌ li molino li cuan saꞌ li tzꞌalam.

Números 20:5

¿Cꞌaꞌut nak coa̱cuisi chak Egipto ut coa̱cꞌam chak saꞌ li naꞌajej aꞌin li kꞌaxal yibru? Arin incꞌaꞌ naru a̱uc. Ma̱cꞌaꞌ li cheꞌ higo chi moco li uvas, chi moco granadas. Ut ma̱cꞌaꞌ ajcuiꞌ haꞌ re takucꞌ, chanqueb.

Éxodo 23:11

Abanan saꞌ xcuuk li chihab te̱canab chi hila̱nc li chꞌochꞌ ut me̱xoc li na-el yal xjunes re nak ta̱ru̱k teꞌtzaca̱nk li nebaꞌ li cuanqueb saꞌ le̱ tenamit, ut re ajcuiꞌ nak teꞌcuaꞌak eb li xul li cuanqueb saꞌ cꞌaleba̱l. Joꞌcan ajcuiꞌ te̱ba̱nu riqꞌuin li acui̱mk uvas ut olivos.

Éxodo 22:5

Cui ani tixcanab lix queto̱mk chi xic chi cuaꞌac yalak bar, ut cui lix queto̱mk tixsach chak li acui̱mk jalan aj e, tento nak laj e̱chal re li queto̱mk tixqꞌue re̱kaj riqꞌuin li racui̱mk aꞌan, li kꞌaxal cha̱bil.

Éxodo 3:17

La̱in tinyechiꞌi e̱re nak texcuisi saꞌ li raylal li yo̱quex chixcꞌulbal arin Egipto. Texincꞌam saꞌ li chꞌochꞌ li cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo ut eb laj jebuseo. Aꞌan jun nimla naꞌajej numtajenak xcha̱bilal bar cuan cuiꞌ li sahil echej”, chaꞌkat reheb.

Éxodo 3:8

Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.

Éxodo 23:10

Cuakib chihab ajcuiꞌ tex-a̱uk saꞌ le̱ chꞌochꞌ ut te̱xoc li ru le̱ racui̱mk.

Números 13:27

Ut queꞌxye reheb: —Xocuulac chak chirilbal li naꞌajej li xoa̱takla cuiꞌ. Relic chi ya̱l li naꞌajej kꞌaxal cha̱bil. Aran na-el nabal li sahil echej. Aꞌan aꞌin li ru li quiꞌil kꞌe̱n li xkacꞌam chak saꞌ li naꞌajej aꞌan.

Números 14:8

Cui li Dios sahak saꞌ xchꞌo̱l kiqꞌuin, aꞌan ta̱tenkꞌa̱nk ke chi oc saꞌ li naꞌajej aꞌan. Aꞌan ta̱kꞌaxtesi̱nk re saꞌ kukꞌ li cha̱bil naꞌajej aꞌan, li na-el cuiꞌ nabal li sahil echej.