Números 15:9 - Li Santil hu

⁹ te̱cꞌam rochben li toro jun li mayej cꞌaj. Te̱cꞌam numenak oxlaju libra li cha̱bil cꞌaj junajinbil riqꞌuin cuib litro li aceite.

Q'eqchi Bible

⁹ tento naq taayeechi'iiq ajwi' oxlaju liib'r chi k'aj yoq'inb'il rik'in waqxaqib' sek' chi aseeyt, jalan wi' chiru li saaj wakax xayeechi'i,

Números 15:9 ပူးပေါင်းရင်းမြစ်များ

Números 28:14

Rochben li junju̱nk chi toro teꞌxqꞌue cuib litro li vino re li mayej vino. Teꞌxqꞌue jun litro riqꞌuin mero litro li vino rochben li junju̱nk chi carner ut teꞌxqꞌue jun litro rochben li junju̱nk chi carner toj sa̱j. Aꞌaneb aꞌin li cꞌatbil mayej li teꞌxqꞌue rajlal po chiru li jun chihab.

Números 28:12

Rochbeneb li junju̱nk chi toro teꞌxqꞌue numenak oxlaju libra li cha̱bil cꞌaj yokꞌinbil riqꞌuin aceite. Rochbeneb li junju̱nk chi carner teꞌxqꞌue caꞌchꞌin ma̱ bele̱b libra li cha̱bil cꞌaj yokꞌinbil riqꞌuin aceite.

Levítico 14:10

Saꞌ xcuakxak li cutan li cristian li ac xqꞌuira tixcꞌam saꞌ li tabernáculo cuib li cha̱bil carner te̱lom toj sa̱j ut li tzꞌakal re ru. Tixcꞌam ajcuiꞌ jun li ixki carner jun chihab cuan re ut tzꞌakal re ru. Tixcꞌam ajcuiꞌ numenak ca̱laju libra li cha̱bil cꞌaj rochben aceite re lix mayej. Tixcꞌam ajcuiꞌ mero botella li aceite.

Levítico 6:14

Ut li Ka̱cuaꞌ quixye re laj Moisés: —Aꞌan aꞌin li chakꞌrab chirix li mayej cꞌaj. Eb laj tij li ralaleb laj Aarón teꞌxqꞌue li mayej saꞌ li artal chiru li Ka̱cuaꞌ.

Joel 2:14

¿Ani ta biꞌ ta̱naꞌok re cꞌaꞌru tixba̱nu li Dios? Cui te̱yotꞌ e̱chꞌo̱l, ma̱re tixjal xcꞌaꞌux ut incꞌaꞌ chic tixqꞌue li raylal saꞌ e̱be̱n. Ma̱re texrosobtesi ut tixqꞌue cuiꞌchic e̱re le̱ trigo ut le̱ uvas. Ut texmayejak cuiꞌchic chiru li Ka̱cuaꞌ le̱ Dios.

Joel 1:9

Eb laj tij, li nequeꞌcꞌanjelac chiru li Dios, yo̱queb chi ya̱bac, xban nak ma̱cꞌaꞌ chic li ru li acui̱mk, chi moco li vino re teꞌxmayeja saꞌ lix templo li Ka̱cuaꞌ.

Ezequiel 46:15

Nak teꞌxqꞌue li te̱lom carner toj sa̱j chokꞌ cꞌatbil mayej, teꞌxqꞌue ajcuiꞌ li mayej cꞌaj ut aceite. Chi junelic teꞌxqꞌue li mayej aꞌin rajlal ekꞌela.

Ezequiel 46:11

Saꞌ eb li jalan jala̱nk chi ninkꞌe teꞌxmayeja junmay litro li cꞌaj rochben li junju̱nk chi toro joꞌ eb ajcuiꞌ li carner. Ut teꞌxmayeja li joꞌ qꞌuial na-ala saꞌ xchꞌo̱leb rochbeneb li cocꞌ te̱lom carner. Ut tixqꞌue ajcuiꞌ oxib litro riqꞌuin media litro li aceite rochben li ju̱nkmay litro li cꞌaj.

Ezequiel 46:7

Nak tixqꞌue li toro tixqꞌue ajcuiꞌ junmay litro li cꞌaj. Ut tixqꞌue junmay litro rochben li carner te̱lom. Ut tixqꞌue li joꞌ qꞌuial na-ala saꞌ xchꞌo̱l rochbeneb li cocꞌ carner. Ut tixqꞌue ajcuiꞌ oxib litro riqꞌuin media litro li aceite rochben li ju̱nkmay litro li cꞌaj.

Ezequiel 46:5

Ut rochben li carner te̱lom tixqꞌue junmay litro li cꞌaj. Ut rochbeneb li cocꞌ carner tixqꞌue li joꞌ qꞌuial ta̱ala̱k saꞌ xchꞌo̱l. Ut tixqꞌue ajcuiꞌ oxib litro riqꞌuin media litro li aceite rochben li junmay litro li cꞌaj.

Ezequiel 42:13

Li cui̱nk quixye cue: —Eb li cocꞌ naꞌajej li cuanqueb saꞌ li norte joꞌ ajcuiꞌ li cuanqueb saꞌ li sur chiru li neba̱l, aꞌaneb lix naꞌajeb laj tij. Aran teꞌxcuaꞌ li tib li teꞌxmayeja chiru li Ka̱cuaꞌ. Aran teꞌxqꞌue li mayej li kꞌaxal lokꞌ joꞌ li mayej re li xbe̱n ru li acui̱mk, li mayej re xpatzꞌbal xcuybal xma̱queb ut li mayej re xtojbal rix lix ma̱queb. Teꞌxqꞌue aran xban nak li naꞌajej aꞌan santo.

Nehemías 10:33

Li tumin aꞌan ta̱cꞌanjelak re li caxlan cua li naqꞌueman rajlal saꞌ lix templo li Dios ut ta̱cꞌanjelak ajcuiꞌ re xlokꞌbal li ru li trigo li namayeja rajlal cutan, ut re ajcuiꞌ li mayej li nequeꞌxcꞌat. Ut ta̱cꞌanjelak ajcuiꞌ re li mayej li naqꞌueman saꞌ li hiloba̱l cutan, ut nak nequeꞌxninkꞌei lix yoꞌlajic li po ut re ajcuiꞌ chixjunileb li ninkꞌe li nequeꞌxba̱nu. Ut ta̱cꞌanjelak re li cꞌaꞌak re ru li kꞌaxal lokꞌ ut re li mayej li nequeꞌxqꞌue re xpatzꞌbal xcuybal xma̱queb laj Israel ut re chixjunil li cꞌanjel li na-uxman saꞌ lix templo li Dios.

1 Crónicas 21:23

Laj Ornán quixye: —At rey, ba̱nu joꞌ nacacꞌoxla nak us xba̱nunquil. Tinqꞌue li naꞌajej a̱cue ut tinqꞌueheb li bo̱yx aꞌin chokꞌ re la̱ cꞌatbil mayej. Ut tinqꞌue ajcuiꞌ chokꞌ re la̱ siꞌ li cheꞌ li nacꞌanjelac re risinquil li rix li trigo. Ut tinqꞌue li trigo chokꞌ re la̱ mayej, chan.

Números 29:6

Teꞌxqꞌue li mayej aꞌin ut teꞌxqꞌue ajcuiꞌ li mayej li teꞌxcꞌat rajlal po ut rajlal cutan rochbeneb li mayej cꞌaj ut li mayej vino. Aꞌanak li sununquil cꞌatbil mayej ta̱cuulak chicuu la̱in li Ka̱cuaꞌ.

Levítico 7:37

Aꞌan aꞌin li chakꞌrab chirix li cꞌatbil mayej, li mayej cꞌaj, li mayej re xtojbal rix lix ma̱queb, li mayej re xtzꞌa̱manquil xcuybal nak nequeꞌxkꞌet junak reheb li chakꞌrab ut li mayej re xkꞌaxtesinquileb laj tij chi cꞌanjelac chiru li Ka̱cuaꞌ, joꞌ ajcuiꞌ li mayej re xcꞌambal ribeb saꞌ usilal riqꞌuin li Ka̱cuaꞌ.

Números 15:8

Nak te̱qꞌue jun li toro toj sa̱j chokꞌ re e̱cꞌatbil mayej, malaj ut re li mayej re xba̱nunquil li cꞌaꞌru xeyechiꞌi, malaj ut re xcꞌambal e̱rib saꞌ usilal riqꞌuin li Ka̱cuaꞌ,

Números 15:10

Ut te̱cꞌam ajcuiꞌ cuib litro li vino. Aꞌanak jun li sununquil cꞌatbil mayej ta̱cuulak chicuu.

1 Samuel 1:24

Ut nak ac xmakꞌ xtuꞌ li cꞌulaꞌal, quixcꞌam saꞌ rochoch li Dios aran Silo, usta toj caꞌchꞌin. Quixcꞌam ajcuiꞌ oxib cuacax toj sa̱jeb, jun chacach li cꞌaj ut jun cuc vino.