Números 15:40 - Li Santil hu

⁴⁰ La̱ex te̱ba̱nu chixjunil li chakꞌrab li xinqꞌue e̱re ut santobresinbilakex chicuu la̱in le̱ Dios.

Q'eqchi Bible

⁴⁰ Chi jo'kan taajultiko'q reheb' chixjunil linchaq'rab' ut te'xpaab', ut q'axtesinb'ilaqeb' we laa'in li xYoseb'.

Números 15:40 ပူးပေါင်းရင်းမြစ်များ

Romanos 12:1

Ex herma̱n, saꞌ xcꞌabaꞌ xnimal ruxta̱n li Dios nintzꞌa̱ma che̱ru nak chekꞌaxtesi e̱rib rubel rok rukꞌ li Ka̱cuaꞌ joꞌ jun yoꞌyo̱quil mayej santobresinbil xban li Dios, ut chi anchal e̱chꞌo̱l chexcꞌanjelak chiru re nak sahak xchꞌo̱l li Ka̱cuaꞌ e̱riqꞌuin. Ut riqꞌuin xba̱nunquil aꞌan, yo̱kex chixlokꞌoninquil li Dios chi tzꞌakal re ru.

1 Ts 4:7

Li Dios incꞌaꞌ quixsicꞌ ku re nak yo̱ko chixba̱nunquil li ma̱usilal. Quixsicꞌ ban ku re nak tocua̱nk saꞌ santilal.

Colosenses 1:2

Yo̱quin chi tzꞌi̱bac e̱riqꞌuin la̱ex li cuanquex aran Colosas. La̱ex ac xepa̱b chi tzꞌakal li Jesucristo. La̱ex chic kech aj pa̱banelil ut rehex chic li Dios. Aꞌ taxak li Dios li kaYucuaꞌ chi-osobtesi̱nk e̱re ut tixqꞌue taxak e̱re li tuktu̱quil usilal.

Efesios 1:4

Nak toj ma̱jiꞌ naxyi̱b chak li ruchichꞌochꞌ li Dios, ac sicꞌbil chak ku xban saꞌ xcꞌabaꞌ li Jesucristo, re nak ti̱cak li kayuꞌam ut ma̱cꞌaꞌak chic kama̱c.

Levítico 19:2

—Ta̱ye reheb chixjunileb laj Israel: Santakex che̱junilex la̱ex xban nak la̱in santin. La̱in li Ka̱cuaꞌ le̱ Dios.

Levítico 22:31

Te̱ba̱nu li chakꞌrab li xinqꞌue e̱re ut te̱ba̱nu li nequexintakla cuiꞌ. La̱in li Ka̱cuaꞌ ninyehoc re aꞌin.

Números 15:41

La̱in li Ka̱cuaꞌ le̱ Dios li quin-isin chak e̱re saꞌ li naꞌajej Egipto re nak la̱inak le̱ Dios. La̱in li Ka̱cuaꞌ le̱ Dios.

Salmos 103:18

Junelic ta̱rosobtesiheb li nequeꞌxba̱nu li cꞌaꞌru queꞌxye saꞌ li contrato. Ta̱rosobtesiheb li nequeꞌxba̱nu li cꞌaꞌru naxye saꞌ lix chakꞌrab.