Números 15:30 - Li Santil hu

³⁰ Abanan li ani naxkꞌet junak li chakꞌrab chi yal naraj xchꞌo̱l, li jun aꞌan ta̱camsi̱k usta aj Israel usta jalan xtenamit. Ta̱camsi̱k xban nak quinixtzꞌekta̱na la̱in li Ka̱cuaꞌ.

Q'eqchi Bible

³⁰ “A'ut li namaakob'k chi yal naraj xch'ool, a' yaal ma aj Israel malaj jalan xtenamit, naxmux xloq'al li Qaawa'. Li taab'aanunq re a'an, taakamsiiq

Números 15:30 ပူးပေါင်းရင်းမြစ်များ

Hebreos 10:26

Cui junelic yo̱co chi ma̱cobc chi ac nakanau xya̱lal li ra̱tin li Dios, ma̱cꞌaꞌ chic xcuybal li kama̱c xban nak nakanau nak ma̱c yo̱co chixba̱nunquil.

Salmos 19:13

Nintzꞌa̱ma cha̱cuu nak micuan taxak li kꞌetkꞌetil saꞌ li cua̱m. Incꞌaꞌ nacuaj nak ta̱numta̱k li kꞌetkꞌetil saꞌ inbe̱n. Ti̱cak taxak lin chꞌo̱l cha̱cuu re nak incꞌaꞌ tinba̱nu li ma̱c aꞌan.

Deuteronomio 1:43

La̱in quinye e̱re cꞌaꞌru quixye cue li Ka̱cuaꞌ. Abanan la̱ex incꞌaꞌ queraj rabinquil li cꞌaꞌru quinye. Quekꞌetkꞌeti ban e̱rib chiru li Ka̱cuaꞌ. Quekꞌet li ra̱tin ut co̱ex chi pletic saꞌ li naꞌajej li tzu̱l ru.

Hebreos 10:29

Numtajenak cuiꞌchic ra teꞌxcꞌul li nequeꞌtzꞌekta̱nan re li Ralal li Dios ut nequeꞌxsach xcuanquil lix quiqꞌuel xban nak riqꞌuin xquiqꞌuel li Jesucristo xakabanbil xcuanquil li acꞌ contrato ut santobresinbilo la̱o. Numtajenak cuiꞌchic ra teꞌxcꞌul li nequeꞌxmajecua li Santil Musikꞌej li naqꞌuehoc ke li rusilal li Dios.

San Mateo 12:32

Li ani ta̱hobok cue la̱in, li Cꞌajolbej, ta̱cuyekꞌ xma̱c; abanan li ani ta̱hobok re li Santil Musikꞌej incꞌaꞌ ta̱cuyekꞌ xma̱c chi moco saꞌ eb li cutan aꞌin, chi moco saꞌ eb li cutan cha̱lel. Cua̱nk ban saꞌ xbe̱n chi junelic lix tojbal rix li nimla ma̱c aꞌan.

2 Pedro 2:10

¿Ma tojaꞌ ta chic incꞌaꞌ tixqꞌueheb saꞌ tojba ma̱c li nequeꞌxrahi ru li tzꞌajbe̱tal aj naꞌleb ut nequeꞌxtzꞌekta̱na lix cuanquilal li Cristo? Eb aꞌan joskꞌeb ut kꞌetkꞌeteb. Incꞌaꞌ nequeꞌxucuac chixmajecuanquileb li ángel li cuanqueb saꞌ xnimajcual cuanquilal.

Salmos 89:51

At nimajcual Dios, eb li xicꞌ nequeꞌiloc a̱cue yo̱queb chixhobbal li rey li sicꞌbil ru a̱ban. Yalak bar naxic yo̱queb chixhobbal.

Salmos 79:12

At Ka̱cuaꞌ, cuukub sut taxak xqꞌuial li re̱kaj li ta̱qꞌue reheb li tenamit li xicꞌ nequeꞌiloc ke xban nak yo̱queb cha̱hobbal ut incꞌaꞌ nequeꞌxqꞌue a̱lokꞌal.

Salmos 74:22

At Ka̱cuaꞌ, col rix la̱ lokꞌal. Ut qꞌue retal nak rajlal yo̱queb cha̱hobbal li incꞌaꞌ useb xnaꞌleb.

Salmos 74:18

At Ka̱cuaꞌ, misach taxak saꞌ a̱chꞌo̱l nak li incꞌaꞌ useb xnaꞌleb yo̱queb cha̱majecuanquil. Eb aꞌan incꞌaꞌ nacateꞌxqꞌue saꞌ ruheb. Junes a̱hobbal nequeꞌxba̱nu.

Números 9:13

Ut cui cuan junak li incꞌaꞌ tixninkꞌei li Pascua ut moco muxbil ta ru chi moco yo̱ ta chi viajic, li jun aꞌan ta̱isi̱k saꞌ xya̱nkeb laj Israel xban nak incꞌaꞌ quixqꞌue xmayej chicuu saꞌ xkꞌehil. Tento nak li jun aꞌan tixtoj rix lix ma̱c xban nak incꞌaꞌ quixninkꞌei li Pascua.

Éxodo 21:14

Cui cuan junak yo̱ xjoskꞌil saꞌ xbe̱n li ras ri̱tzꞌin ut cui tixcamsi chi yal ta̱raj xchꞌo̱l, li jun aꞌan ta̱siqꞌuekꞌ toj retal teꞌxtau. Usta cuan chak saꞌ lin artal, teꞌrisi chak ut teꞌxcamsi.

Proverbios 14:31

Li ani naxba̱nu raylal re li nebaꞌ, xicꞌ naril li Dios li quiyi̱ban re. Abanan li ani natokꞌoban ru li nebaꞌ, aꞌan naxqꞌue xlokꞌal li Dios.

Salmos 69:9

Cꞌajoꞌ nak ninra la̱ cuochoch ut nayotꞌeꞌ inchꞌo̱l nak nequeꞌxba̱nu li incꞌaꞌ us saꞌ la̱ cuochoch. Saꞌ inbe̱n quinak la̱ majecuanquil li queꞌxba̱nu eb li queꞌhoboc a̱cue.

Levítico 20:10

Cui junak cui̱nk naxchꞌic rib riqꞌuin li rixakil li ras ri̱tzꞌin, li cui̱nk ut li ixk teꞌcamsi̱k xban nak queꞌxmux ru lix sumlajiqueb.

Levítico 20:6

La̱in xicꞌ nacuileb li nequeꞌxsicꞌ xnaꞌleb riqꞌuineb li nequeꞌa̱tinan musikꞌej, joꞌqueb ajcuiꞌ li nequeꞌtzꞌekta̱nan cue ut nequeꞌxsicꞌ xnaꞌleb riqꞌuineb laj kꞌe. Tincuisiheb saꞌ xya̱nkeb laj Israel.

Levítico 20:3

La̱in tinjoskꞌokꞌ saꞌ xbe̱n li cui̱nk li tixqꞌue li ralal xcꞌajol chokꞌ xmayej re xlokꞌoninquil li yi̱banbil dios Moloc. Riqꞌuin aꞌan teꞌxmux ru lin tabernáculo ut teꞌxmux ajcuiꞌ ru lin santil cꞌabaꞌ. Cui teꞌxba̱nu chi joꞌcan, la̱in tincuisiheb saꞌ xya̱nkeb laj Israel.

Génesis 17:14

Cui junak cui̱nk incꞌaꞌ tixcꞌul li circuncisión, aꞌan tzꞌekta̱nanbilak xban nak aꞌan xkꞌet lin chakꞌrab, chan li Dios.

1 Juan 5:16

Cui la̱o takil junak li kaherma̱n chi ma̱cobc ut naru xcuybal lix ma̱c, chotijok chirix re nak ta̱cuyekꞌ xma̱c xban li Dios ut ta̱cua̱nk riqꞌuin li Dios toj chirix lix camic. Abanan cuan li ma̱c incꞌaꞌ naxcuy li Dios. Ma̱cꞌaꞌ rajbal li tijoc chirix li ani yo̱ chi ba̱nu̱nc re li ma̱c li ma̱cꞌaꞌ xcuybal.

Números 15:29

Li chakꞌrab aꞌin e̱re la̱ex aj Israel ut reheb li jalaneb xtenamit li cuanqueb saꞌ e̱ya̱nk. Jun ajcuiꞌ li chakꞌrab li tento te̱ba̱nu nak nequexma̱cob chi incꞌaꞌ yal naraj e̱chꞌo̱l.

Deuteronomio 32:27

Xinsach raj ruheb chi junaj cua, abanan incꞌaꞌ xcuaj nak eb li xicꞌ nequeꞌiloc reheb teꞌxnimobresi ribeb chixyebal, “La̱o xosachoc reheb. Ma̱cuaꞌ li Ka̱cuaꞌ,” chaꞌakeb.

1 Samuel 2:25

Cui junak cui̱nk nama̱cob chiru li ras ri̱tzꞌin, narakeꞌ a̱tin saꞌ xbe̱n xban laj rakol a̱tin. Abanan, li ani nama̱cob chiru li Ka̱cuaꞌ, ¿ma cuan ta biꞌ junak ta̱oque̱nk chirix? chan. Abanan incꞌaꞌ queꞌabin chiru lix yucuaꞌeb xban nak ac cuan saꞌ xchꞌo̱l li Dios nak tento nak teꞌca̱mk.

Li xHu LAJ JOB 38:15

Eb li incꞌaꞌ useb xnaꞌleb incꞌaꞌ nacuulac chiruheb li cutan xban nak incꞌaꞌ chic naru teꞌxba̱nu li ma̱usilal chi mukmu.

Ezequiel 20:27

At ralal cui̱nk, ta̱ye reheb laj Israel nak la̱in li Ka̱cuaꞌ Dios ninye chi joꞌcaꞌin: Joꞌcan ajcuiꞌ le̱ xeꞌto̱nil yucuaꞌ quineꞌxtzꞌekta̱na nak queꞌxkꞌetkꞌeti ribeb chicuu.

Éxodo 30:33

Cui ani tixyi̱b jun chic li aceite joꞌ aꞌin, li jun aꞌan ta̱isi̱k saꞌ xya̱nkeb laj Israel. Ut cui ani tixqꞌue saꞌ xbe̱n junak li ma̱cuaꞌ aj tij, aꞌan ta̱isi̱k ajcuiꞌ saꞌ xya̱nkeb laj Israel.

1 Samuel 3:14

Joꞌcan nak ac xinye nak tinrakok a̱tin saꞌ xbe̱neb li ralal xcꞌajol laj Elí. Lix ma̱usilal ma̱ jokꞌe ta̱ru̱k xcuybal xsachbal riqꞌuin li mayejac xul chi moco riqꞌuin lix mayejeb, chan li Ka̱cuaꞌ.