Números 15:29 - Li Santil hu

²⁹ Li chakꞌrab aꞌin e̱re la̱ex aj Israel ut reheb li jalaneb xtenamit li cuanqueb saꞌ e̱ya̱nk. Jun ajcuiꞌ li chakꞌrab li tento te̱ba̱nu nak nequexma̱cob chi incꞌaꞌ yal naraj e̱chꞌo̱l.

Q'eqchi Bible

²⁹ Jun ajwi' li chaq'rab' wanq cho'q reheb' laj Israel ut cho'q reheb' laj ab'l tenamit li wankeb' sa' eeyanq: maak'a' chik junaq chaq'rab' cho'q reheb' li neke'maakob'k chi ink'a' xe'xk'e reetal.

Números 15:29 ပူးပေါင်းရင်းမြစ်များ

Números 15:15

Li chakꞌrab aꞌin qꞌuebil e̱re la̱ex ut qꞌuebil ajcuiꞌ reheb li jalaneb xtenamit li cuanqueb saꞌ e̱ya̱nk. Aꞌin jun li chakꞌrab te̱ba̱nu chi junelic la̱ex joꞌ eb ajcuiꞌ li jalaneb xtenamit li cuanqueb saꞌ e̱ya̱nk.

Números 9:14

Nak eb li jalaneb xtenamit li cuanqueb saꞌ e̱ya̱nk teꞌxninkꞌei li Pascua, tento nak teꞌxba̱nu joꞌ xexinchakꞌrabi cuiꞌ. Juntakꞌe̱t le̱ chakꞌrabinquil la̱ex riqꞌuin lix chakꞌrabinquileb li jalaneb xtenamit, chan li Dios.

Levítico 17:15

Cui junak naxtzaca xtibel li xul li yal nacam xjunes malaj ut quicamsi̱c xban joskꞌ aj xul, li jun aꞌan xmux rib, usta aj Israel usta jalan xtenamit. Tento nak ta̱ati̱nk ut tixpuchꞌ li rakꞌ. Ut muxbil ru ta̱cana̱k toj ta̱oc li kꞌojyi̱n. Riqꞌuin aꞌan santobresinbilak chic.

Levítico 16:29

Aꞌin jun chakꞌrab tenebanbil saꞌ e̱be̱n ut cua̱nk chi junelic. Te̱ba̱nu la̱ex aj Israel joꞌ ajcuiꞌ eb li jalaneb xtenamit li cuanqueb saꞌ e̱ya̱nk. Saꞌ li laje̱b xbe li xcuuk li po te̱ba̱nu le̱ ayu̱n ut ma̱ jun li cꞌanjel te̱ba̱nu.

San Lucas 12:48

Abanan li mo̱s li incꞌaꞌ naxba̱nu li us xban nak incꞌaꞌ naxnau cꞌaꞌru naraj lix patrón, li jun aꞌan tixcꞌul ajcuiꞌ xtojbal xma̱c. Abanan caꞌchꞌin ajcuiꞌ chiru li tixcꞌul li naxnau li cꞌaꞌru naraj lix patrón. Li ani naxnau xya̱lal, mas cuiꞌchic nabal li i̱k cuan saꞌ xbe̱n. Ut li ani cuan xnaꞌleb chi us, mas cuiꞌchic li i̱k cuan saꞌ xbe̱n chiru li jun li ma̱cꞌaꞌ xnaꞌleb, chan.

Números 15:28

Ut laj tij tixmayeja li chiba̱t chiru li Ka̱cuaꞌ re xtojbal rix lix ma̱c li ani ta̱ma̱cobk chi incꞌaꞌ yal xraj xchꞌo̱l. Ut ta̱cuyekꞌ xma̱c nak tixqꞌue lix mayej xul.

Números 15:30

Abanan li ani naxkꞌet junak li chakꞌrab chi yal naraj xchꞌo̱l, li jun aꞌan ta̱camsi̱k usta aj Israel usta jalan xtenamit. Ta̱camsi̱k xban nak quinixtzꞌekta̱na la̱in li Ka̱cuaꞌ.

Éxodo 12:49

Juntakꞌe̱takeb chic li chakꞌrab chokꞌ e̱re joꞌ ajcuiꞌ reheb li jalan xtenamiteb.

Josué 8:33

Ut chixjunileb laj Israel, rochbeneb li nequeꞌcꞌamoc be chiruheb joꞌ eb ajcuiꞌ li cuanqueb xcuanquil, ut eb laj rakol a̱tin, joꞌ eb ajcuiꞌ li jalan xtenamiteb, queꞌxakli saꞌ xcaꞌ pacꞌalil li Lokꞌlaj Ca̱x li cuan cuiꞌ lix contrato li Dios. Yo̱queb chi iloc cuanqueb cuiꞌ laj levita laj tij li yo̱queb chi pako̱nc re li Lokꞌlaj Ca̱x. Jun jachal li tenamit cuanqueb saꞌ xjayal li tzu̱l Gerizim ut li jun jachal chic cuanqueb saꞌ xjayal li tzu̱l Ebal. Queꞌxba̱nu joꞌ quiyeheꞌ reheb junxil xban laj Moisés laj cꞌanjel chiru li Dios re nak teꞌosobtesi̱k xban li Ka̱cuaꞌ.

1 Reyes 8:41

Ma̱re cuanqueb jalan xtenamit ma̱cuaꞌ xcomoneb la̱ tenamit Israel teꞌcha̱lk saꞌ najtil tenamit chixya̱banquil la̱ cꞌabaꞌ saꞌ li naꞌajej aꞌin.