Números 15:24 - Li Santil hu

²⁴ Cui xexpaltoꞌ chi incꞌaꞌ yal naraj e̱chꞌo̱l, tento nak che̱junilex te̱qꞌue chokꞌ e̱cꞌatbil mayej jun li toro toj sa̱j chokꞌ sununquil mayej li ta̱cuulak chicuu. Ut te̱qꞌue rochben li mayej cꞌaj ut li mayej vino. Ut te̱qꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c.

Q'eqchi Bible

²⁴ “Wi xeq'et li chaq'rab' sa' komonil chi ink'a' nekenaw, chixjunil li tenamit tento te'xmayeja junaq saaj wakax jo' k'atb'il mayej jwal sununk chiru li Qaawa', rochb'een li mayej k'aj ut li b'iin, jo'wi' jun chib'aat cho'q re li kuyuk maak.

Números 15:24 ပူးပေါင်းရင်းမြစ်များ

Levítico 4:23

Ut nak tixqꞌue retal nak ma̱c xba̱nu, tento nak tixqꞌue chokꞌ xmayej junak te̱lom chiba̱t toj sa̱j ut tzꞌakal re ru.

Números 28:15

Ut teꞌxqꞌue ajcuiꞌ jun li chiba̱t rochben li cꞌatbil mayej li nequeꞌxqꞌue rajlal cutan. Li chiba̱t aꞌan ta̱cꞌatma̱nk re xtzꞌa̱manquil xcuybal li ma̱c.

Levítico 5:15

—Nak junak cristian ta̱ma̱cobk chi incꞌaꞌ naxnau nak ma̱c yo̱ chixba̱nunquil xban nak incꞌaꞌ quixqꞌue lix mayej chi tzꞌakal joꞌ naxye lix chakꞌrab li Dios, tento nak tixqꞌue junak lix carner te̱lom tzꞌakal re ru re nak ta̱cuyekꞌ xma̱c. La̱at ta̱bir rix joꞌ nimal xtzꞌak li carner li tixqꞌue chokꞌ xmayej chiru li Dios chokꞌ xtojbal rix lix mayej li incꞌaꞌ xqꞌue. Ta̱bir rix li joꞌ qꞌuial tento xqꞌuebal joꞌ xbisbal li mayej li nequeꞌxqꞌue saꞌ li tabernáculo.

Esdras 8:35

Chirix aꞌan, chixjunileb li queꞌsukꞌi Jerusalén queꞌxmayeja li cꞌatbil xul chiru li Ka̱cuaꞌ, lix Dioseb laj Israel. Queꞌxmayeja cablaju li toro reheb li cablaju xte̱paleb laj Israel. Queꞌxmayeja ajcuiꞌ cuaklaju roꞌcꞌa̱l (96) li te̱lom carner ut cuuklaju xca̱cꞌa̱l (77) li cocꞌ carner ut queꞌxmayeja ajcuiꞌ cablaju li te̱lom chiba̱t re xpatzꞌbal xcuybal xma̱queb. Chixjunil aꞌin queꞌxcꞌat chiru li Ka̱cuaꞌ chokꞌ xmayejeb.

Esdras 6:17

Nak queꞌxninkꞌei ru lix templo li Dios, queꞌxmayeja jun ciento li toro, cuib ciento li carner, ut ca̱hib ciento li carner li toj sa̱jeb. Ut queꞌxmayeja ajcuiꞌ cablaju li te̱lom chiba̱t re xtzꞌa̱manquil xcuybal xma̱queb chixjunileb laj Israel. Queꞌxmayeja li cablaju chi chiba̱t xban nak cablaju xte̱paleb li ralal xcꞌajol laj Israel.

Levítico 4:22

Cui junak aj cꞌamol be ta̱ma̱cobk riqꞌuin xkꞌetbal junak reheb lix chakꞌrab li Ka̱cuaꞌ lix Dios, aꞌan cuan xma̱c usta incꞌaꞌ naxnau nak ma̱c xba̱nu.

Levítico 5:18

Tixqꞌue re laj tij chokꞌ xmayej re xtzꞌa̱manquil xcuybal lix ma̱c jun li carner te̱lom li quixsicꞌ saꞌ xya̱nk lix queto̱mk. Tzꞌakal re ru li xul. Laj tij tixbir rix lix tzꞌak li xul li tixqꞌue chokꞌ xmayej. Laj tij tixmayeja re xtojbal rix lix ma̱c li ani ta̱ma̱cobk chi incꞌaꞌ naxnau nak ma̱c xba̱nu. Ut ta̱cuyekꞌ lix ma̱c.

Números 15:23

Ma̱re chalen nak quinqꞌue li chakꞌrab aꞌin re laj Moisés toj anakcuan la̱ex incꞌaꞌ te̱ba̱nu chixjunil li cꞌaꞌak re ru aꞌin.

Números 15:26

Ut ta̱cuyekꞌ e̱ma̱c che̱junilex la̱ex laj Israel joꞌ eb ajcuiꞌ li jalaneb xtenamit li cuanqueb saꞌ e̱ya̱nk, xban nak che̱junilex la̱ex cuan e̱ma̱c nak xekꞌet li chakꞌrab.

Levítico 23:19

Te̱mayeja ajcuiꞌ jun li chiba̱t te̱lom re xtojbal rix le̱ ma̱c ut cuib li carner te̱lom jun chihab cuan reheb chokꞌ re li mayej re xcꞌambal e̱rib saꞌ usilal riqꞌuin li Ka̱cuaꞌ.