Números 15:20 - Li Santil hu

²⁰ Te̱qꞌue chokꞌ e̱mayej jun li caxlan cua te̱yi̱b riqꞌuin li xbe̱n ru li trigo. Te̱ba̱nu joꞌ nequeba̱nu nak nequeqꞌue li mayej re li xbe̱n ru li trigo nak nequerisi saꞌ rix.

Q'eqchi Bible

²⁰ Teemayeja ajwi' junaq eek'uluj jo' xb'een leewa teeyiib' cho'q re li Qaawa'; tento teera jo' xb'een ru leerawimq.

Números 15:20 ပူးပေါင်းရင်းမြစ်များ

Levítico 2:14

Nak te̱qꞌue li xbe̱n ru le̱ racui̱mk chokꞌ e̱mayej chiru li Ka̱cuaꞌ, te̱qꞌuili li ju̱nk chijil nak toj rax. Nak acak xeqꞌuili, te̱ten ut te̱qꞌue li ru chokꞌ e̱mayej.

Éxodo 34:26

Li xbe̱n ru le̱ racui̱mk te̱cꞌam saꞌ li naꞌajej li niquineꞌxlokꞌoni cuiꞌ. Me̱chik xtibel li chꞌina chiba̱t saꞌ xyaꞌal xtuꞌ lix naꞌ, chan li Dios.

Ezequiel 44:30

Reheb laj tij li xbe̱n ru li acui̱mk ut reheb ajcuiꞌ li kꞌaxal cha̱bil li ta̱mayeja̱k chicuu. Nak eb li tenamit teꞌxyi̱b li kꞌem li yi̱banbil riqꞌuin li xbe̱n ru li trigo, teꞌxqꞌue reheb li xbe̱n li ta̱e̱lk. Ut la̱in tincuosobtesiheb li nequeꞌxqꞌue lix mayejeb.

Nehemías 10:37

Ut kaye ajcuiꞌ nak rajlal takacꞌam saꞌ li naꞌajej bar naxocman cuiꞌ li nacꞌanjelac saꞌ li templo ut takakꞌaxtesi reheb laj tij li kꞌem li yi̱banbil riqꞌuin li xbe̱n ru li trigo ut takacꞌam ajcuiꞌ li vino ut li aceite joꞌ ajcuiꞌ chixjunil li xbe̱n ru li cheꞌ li naloꞌeꞌ. Ut li junju̱nk saꞌ xlaje̱tkil li ru li kacui̱mk takakꞌaxtesi reheb laj levita, xban nak eb aꞌan li nequeꞌxococ re li mayej aꞌan saꞌ chixjunileb li tenamit.

Levítico 23:10

—Tat-a̱tinak riqꞌuineb laj Israel ut ta̱ye reheb chi joꞌcaꞌin: Nak tex-oc saꞌ li naꞌajej li tinqꞌue e̱re, nak te̱sicꞌ li xbe̱n ru le̱ racui̱mk, te̱cꞌam jun jo̱b riqꞌuin laj tij chokꞌ le̱ mayej.

Éxodo 23:19

Te̱sicꞌ li xbe̱n ru le̱ racui̱mk li kꞌaxal cha̱bil. Aꞌan li te̱cꞌam saꞌ lin templo la̱in li Ka̱cuaꞌ le̱ Dios. Ut incꞌaꞌ te̱chik xtibel li chꞌina chiba̱t saꞌ xyaꞌal lix tuꞌ lix naꞌ.

Apocalipsis 14:4

Aꞌaneb aꞌin li queꞌpa̱ban re li Jun li chanchan carner, li queꞌta̱ken re yalak bar, li incꞌaꞌ queꞌxmux ribeb riqꞌuin ixk chi incꞌaꞌ sumsu̱queb. Aꞌineb li xbe̱n queꞌcoleꞌ saꞌ xya̱nkeb li cuanqueb saꞌ ruchichꞌochꞌ re nak teꞌoc chokꞌ ralal xcꞌajol li Dios ut chokꞌ ralal xcꞌajol li Jun li chanchan carner.

Santiago 1:18

Xban nak joꞌcan quiraj li Dios, joꞌcan nak quixye nak chiru li Dios chanchano li xbe̱n ru li racui̱mk li quixyoꞌobtesi chak.

1 Corintios 15:20

Abanan relic chi ya̱l nak li Cristo quicuaclesi̱c cuiꞌchic chi yoꞌyo saꞌ xya̱nkeb li camenak. Aꞌan li xbe̱n li quicuacli chi yoꞌyo chiruheb chixjunileb li teꞌcuaclesi̱k cuiꞌchic chi yoꞌyo.

Romanos 11:16

Cui kꞌaxtesinbil saꞌ rukꞌ li Dios li xbe̱n caxlan cua na-el, kꞌaxtesinbil ajcuiꞌ lix comon. Ut cui kꞌaxtesinbil saꞌ rukꞌ li Dios lix xeꞌ li cheꞌ, kꞌaxtesinbil ajcuiꞌ chixjunil li rukꞌ. Aꞌin naraj naxye: Xban nak li Dios quixsicꞌ ru laj Abraham, joꞌcan nak sicꞌbil ajcuiꞌ ruheb li ralal xcꞌajol.

San Mateo 6:33

Li cꞌaꞌru li te̱sicꞌ xbe̱n cua, aꞌan lix nimajcual cuanquilal li Dios ut lix ti̱quilal, ut chixjunil li cꞌaꞌak re ru aꞌin talajqꞌuehekꞌ e̱re chokꞌ xtzꞌakob.

Deuteronomio 14:22

Rajlal chihab tento nak te̱qꞌue re li Ka̱cuaꞌ li junju̱nk saꞌ xlaje̱tkil li ru le̱ racui̱mk.

Números 18:12

La̱in tinqꞌue e̱re chixjunil li xbe̱n ru li acui̱mk, ut li cha̱bil aceite ut li cha̱bil vino li nequeꞌxqꞌue eb laj Israel chokꞌ xmayejeb.

Levítico 23:20

Laj tij tixtaksi chiru li Ka̱cuaꞌ li cuib li cocꞌ carner chokꞌ mayej saꞌ xcꞌabaꞌeb laj tij. Ut tixtaksi ajcuiꞌ li caxlan cua yi̱banbil riqꞌuin li xbe̱n ru li acui̱mk. Eb li mayej aꞌan santobresinbileb.

Números 15:21

Li mayej caxlan cua aꞌin junelic te̱mayeja chicuu la̱ex joꞌ eb ajcuiꞌ le̱ ralal e̱cꞌajol li teꞌcua̱nk mokon.

Deuteronomio 14:23

Ut texxic saꞌ li naꞌajej li sicꞌbil ru xban li Ka̱cuaꞌ bar te̱lokꞌoni cuiꞌ. Ut aran chiru li Ka̱cuaꞌ te̱tzaca li junju̱nk saꞌ xlaje̱tkil li ru le̱ racui̱mk, li acꞌ vino ut li aceite joꞌ ajcuiꞌ li xbe̱n ral le̱ cuacax ut li xbe̱n ral le̱ carner. Te̱ba̱nu chi joꞌcan re nak te̱tzol e̱rib chixxucuanquil ru li Ka̱cuaꞌ le̱ Dios chi junelic.

Deuteronomio 16:13

Nak ac xesicꞌ ru le̱ racui̱mk trigo ut nak ac xesicꞌ ru le̱ uvas, te̱yi̱b le̱ cocꞌ muheba̱l riqꞌuin rukꞌ cheꞌ ut te̱ba̱nu le̱ ninkꞌe.

Levítico 2:12

Ta̱ru̱k te̱qꞌue li caxlan cua cuan xchꞌamal ut li xyaꞌal cab chokꞌ e̱mayej re li xbe̱n ru le̱ racui̱mk. Abanan incꞌaꞌ ta̱cꞌatekꞌ saꞌ xbe̱n li artal.