Números 14:8 - Li Santil hu

⁸ Cui li Dios sahak saꞌ xchꞌo̱l kiqꞌuin, aꞌan ta̱tenkꞌa̱nk ke chi oc saꞌ li naꞌajej aꞌan. Aꞌan ta̱kꞌaxtesi̱nk re saꞌ kukꞌ li cha̱bil naꞌajej aꞌan, li na-el cuiꞌ nabal li sahil echej.

Q'eqchi Bible

⁸ Wi li Qaawa' narusila qu, tooxk'am sa' li na'ajej a'an ut tixq'axtesi qe. Xq'emal tz'aqal li ch'och' a'an.

Números 14:8 ပူးပေါင်းရင်းမြစ်များ

2 Samuel 22:20

Quinixtenkꞌa re nak ma̱ ani chic ta̱chꞌiꞌchꞌiꞌi̱nk cue. Quinixcol xban nak sa saꞌ xchꞌo̱l cuiqꞌuin.

Isaías 62:4

Incꞌaꞌ chic ta̱yehekꞌ “tzꞌekta̱nanbil” reheb, chi moco ta̱yehekꞌ reheb nak sachbil ru lix naꞌajeb. Ta̱yehekꞌ ban reheb “Hefzi-bá” ut ta̱yehekꞌ “Beula” re lix chꞌochꞌeb xban nak li Ka̱cuaꞌ quisahoꞌ saꞌ xchꞌo̱l riqꞌuineb ut aꞌan chanchanak jun li be̱lomej li naxra lix chꞌochꞌ.

Números 13:27

Ut queꞌxye reheb: —Xocuulac chak chirilbal li naꞌajej li xoa̱takla cuiꞌ. Relic chi ya̱l li naꞌajej kꞌaxal cha̱bil. Aran na-el nabal li sahil echej. Aꞌan aꞌin li ru li quiꞌil kꞌe̱n li xkacꞌam chak saꞌ li naꞌajej aꞌan.

Deuteronomio 10:15

Li Ka̱cuaꞌ Dios quixsicꞌ ruheb le̱ xeꞌto̱nil yucuaꞌ ut quixraheb. Ut quixsicꞌ ajcuiꞌ e̱ru la̱ex xban nak la̱ex li ralal xcꞌajoleb aꞌan. La̱ex li quixsicꞌ e̱ru saꞌ xya̱nkeb chixjunileb li tenamit, joꞌ yo̱quex chirilbal anakcuan.

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

Salmos 22:8

Ut nequeꞌxye: —Cui la̱at cau a̱chꞌo̱l riqꞌuin la̱ Dios, ¿cꞌaꞌut nak incꞌaꞌ nacatxcol? Cui kꞌaxal nacatxra, ¿cꞌaꞌut nak incꞌaꞌ nacatxtenkꞌa? chanqueb cue.

1 Reyes 10:9

Lokꞌoninbil taxak ru li Ka̱cuaꞌ la̱ Dios xban nak xcꞌojob xchꞌo̱l saꞌ a̱be̱n ut xatxxakab saꞌ li cuanquilal saꞌ xbe̱neb laj Israel. Li Ka̱cuaꞌ junelic naxraheb laj Israel. Joꞌcan nak xatxxakab chokꞌ xreyeb re nak tattakla̱nk saꞌ xbe̱neb saꞌ xya̱lal ut saꞌ ti̱quilal, chan.

Sofonías 3:17

Li Ka̱cuaꞌ le̱ Dios cuan e̱riqꞌuin. Aꞌan nim xcuanquil ut aꞌan ta̱colok e̱re. Li Ka̱cuaꞌ sahak xchꞌo̱l e̱riqꞌuin ut riqꞌuin xnimal xrahom tixqꞌue e̱re li acꞌ yuꞌam. Ut ta̱bicha̱nk xban xsahil saꞌ xchꞌo̱l.

Jeremías 32:41

Ta̱sahokꞌ saꞌ inchꞌo̱l chixba̱nunquil usilal reheb. Ut tinqꞌueheb chi cua̱nc saꞌ li naꞌajej aꞌin. Relic chi ya̱l tinba̱nu aꞌin chi anchal inchꞌo̱l ut chi anchal inmetzꞌe̱u.

Éxodo 3:8

Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.

Números 16:14

La̱at incꞌaꞌ xoa̱cꞌam saꞌ li naꞌajej li na-el cuiꞌ chi us li acui̱mk, chi moco xaqꞌue ke li cꞌaleba̱l, chi moco xaqꞌue xnaꞌaj ka-uvas. ¿Ma ta̱cuaj nak toa̱beresi chikajunilo joꞌ naberesi̱c li mutzꞌ? La̱o incꞌaꞌ toxic cha̱cuilbal, chanqueb.

Josué 14:12

Joꞌcan nak nintzꞌa̱ma cha̱cuu nak ta̱qꞌue chokꞌ cue li naꞌajej li tzu̱l ru joꞌ quixyechiꞌi chak cue li Ka̱cuaꞌ. La̱at ac nacanau nak cuanqueb li ralal xcꞌajol laj Anac saꞌ li naꞌajej aꞌan. Cuanqueb ni̱nki tenamit ut cauheb rib chi pletic. Abanan la̱in ninnau nak li Dios ta̱cua̱nk cuiqꞌuin ut tinixtenkꞌa chirisinquileb saꞌ li naꞌajej aꞌan joꞌ quixye chak cue, chan laj Caleb.

2 Reyes 18:32

toj retal nak texincꞌam chi cua̱nc saꞌ junak chic naꞌajej kꞌaxal cha̱bil joꞌ le̱ naꞌaj. Aran na-el nabal li uvas ut na-el nabal li trigo. Cua̱nk e̱vino ut cua̱nk e̱caxlan cua. Cua̱nk nabal li olivos ut li aceite joꞌ ajcuiꞌ li xyaꞌal cab. Cui te̱ba̱nu li cꞌaꞌru ninye la̱in, sa chic texcua̱nk ut incꞌaꞌ texca̱mk. Me̱pa̱b li cꞌaꞌru naxye laj Ezequías xban nak yo̱ che̱balakꞌinquil nak naxye e̱re nak li Ka̱cuaꞌ ta̱colok e̱re.