Números 14:6 - Li Santil hu

⁶ Ut laj Josué li ralal laj Nun ut laj Caleb li ralal laj Jefone queꞌxpeji li rakꞌeb xban xrahil xchꞌo̱leb. Aꞌaneb xcomoneb li queꞌcuulac chak chixqꞌuebal retal li naꞌajej.

Q'eqchi Bible

⁶ Ut laj Josué, ralal laj Nun, rochb'een laj Kaleb, ralal laj Jefuné, (a'aneb' xkomoneb' li ke'wulak chaq chi rilb'al li na'ajej Kanahán) ke'xq'ich li raq'eb'

Números 14:6 ပူးပေါင်းရင်းမြစ်များ

Números 14:30

Relic chi ya̱l nak ma̱ jun e̱re la̱ex tex-oc saꞌ li naꞌajej quinyechiꞌi e̱re riqꞌuin juramento. Caꞌaj cuiꞌ eb laj Caleb li ralal laj Jefone ut laj Josué li ralal laj Nun naru teꞌoc.

Números 13:30

Ut laj Caleb quixye reheb nak teꞌxcanab a̱tinac riqꞌuin laj Moisés. Quixye reheb: —Tento toxic chi pletic riqꞌuineb. La̱o cau kib chiruheb aꞌan. La̱o naru nake̱chani li naꞌajej aꞌan, chan.

Números 14:38

Saꞌ xya̱nkeb li cablaju chi cui̱nk li queꞌco̱eb chirilbal li naꞌajej, caꞌaj chic eb laj Josué li ralal laj Nun ut laj Caleb li ralal laj Jefone queꞌcana chi yoꞌyo.

Números 13:8

Ut saꞌ lix te̱paleb li ralal xcꞌajol laj Efraín quitakla̱c laj Oseas li ralal laj Nun.

Números 13:6

Ut saꞌ lix te̱paleb li ralal xcꞌajol laj Judá quitakla̱c laj Caleb li ralal laj Jefone.

Génesis 37:34

Laj Jacob quixkꞌichi li rakꞌ li cuan chirix xban xrahil saꞌ xchꞌo̱l chirix lix camic li ralal. Ut quixqꞌue li kꞌesnal ru tꞌicr chirix chanchan coxtal retalil nak ra saꞌ xchꞌo̱l. Najt quicuan li rakꞌ aꞌan chirix ut incꞌaꞌ quinumeꞌ xrahil saꞌ xchꞌo̱l.

Génesis 37:29

Nak quisukꞌi laj Rubén chirilbal saꞌ li jul, quiril nak ma̱ ani chic laj José. Cꞌajoꞌ nak qui-oc xcꞌaꞌux ut quixkꞌichi li rakꞌ xban xrahil xchꞌo̱l.

San Mateo 26:65

Nak quirabi aꞌan, li xyucuaꞌileb laj tij quixpej li rakꞌ xban xjoskꞌil ut quixye: —Aꞌan xjuntakꞌe̱ta rib riqꞌuin li Dios. ¿Cꞌaꞌ chic ru aj e nak toj teꞌxye ke cꞌaꞌru lix ma̱c? Ac xerabi nak xjuntakꞌe̱ta rib riqꞌuin li Dios.

Li xHu LAJ JOB 1:20

Nak quirabi aꞌan, laj Job quicuacli ut quixpej li rakꞌ ut quixbes li rismal retalil lix rahil xchꞌo̱l ut quixcuikꞌib rib saꞌ chꞌochꞌ ut quixlokꞌoni li Dios.

2 Reyes 18:37

Ut laj Eliaquim, li ralal laj Hilcías, li na-iloc re li palacio ut laj Sebna laj tzꞌi̱b joꞌ ajcuiꞌ laj Joa li ralal laj Asaf, li najolomin reheb li nequeꞌxococ re li hu, queꞌxpej li rakꞌeb ut queꞌco̱eb riqꞌuin laj Ezequías ut queꞌxye re chixjunil li quixye laj Rabsaces.

2 Samuel 3:31

Laj David quixye reheb laj Joab ut eb li cuanqueb rochben nak tento nak teꞌxpej li rakꞌ ut teꞌxqꞌue li rakꞌ li kꞌes ru chirixeb ut chirahokꞌ xchꞌo̱leb xban xcamic laj Abner. Nak yo̱queb chi xic re teꞌxmuk li camenak, li rey David yo̱ chi xic chirix li camenak.

Jueces 11:35

Cꞌajoꞌ nak quirahoꞌ xchꞌo̱l laj Jefté nak quiril lix rabin. Quixpej li rakꞌ xban xrahil xchꞌo̱l ut quixye: —At inrabin, cꞌajoꞌ xrahil inchꞌo̱l nachal a̱ban. ¿Cꞌaꞌut nak la̱at li xbe̱n li xat-el chak chincꞌulbal? Ac xinyechiꞌi re li Dios nak tinmayejak chiru ut incꞌaꞌ naru tinkꞌet li cua̱tin, chan.

Josué 7:6

Laj Josué ut eb li nequeꞌcꞌamoc be saꞌ xya̱nkeb laj Israel queꞌxkꞌich li rakꞌeb ut queꞌxcut rib saꞌ chꞌochꞌ chiru li Lokꞌlaj Ca̱x xban xrahil xchꞌo̱leb ut queꞌxqꞌue poks saꞌ xjolomeb ut queꞌcana aran toj qui-ecuu.

Números 14:24

Abanan laj Caleb li naxqꞌue xchꞌo̱l chi cꞌanjelac chicuu, aꞌan jalan xnaꞌleb chiruheb li jun chꞌol. Aꞌan tinqꞌue chi oc saꞌ li naꞌajej li quicuulac chak rilbal. Ut eb li ralal xcꞌajol teꞌe̱chani̱nk re li naꞌajej aꞌan.

Génesis 44:13

Ut eb li ras laj Benjamín queꞌxkꞌichi li rakꞌeb chirixeb xban xrahileb saꞌ xchꞌo̱l. Quilajeꞌxbacꞌ lix coxtal saꞌ junpa̱t. Quilajeꞌxtaksi cuiꞌchic chirixeb lix bu̱r. Ut queꞌsukꞌi cuiꞌchic saꞌ li tenamit li cuan cuiꞌ laj José.

San Marcos 14:63

Nak quirabi li quixye li Jesús, li xyucuaꞌil eb aj tij quixpej li rakꞌ xban xjoskꞌil ut quixye: —¿Cꞌaꞌ chic ru aj e nak toj teꞌxye ke cꞌaꞌru xma̱c?

Hechos 14:14

Nak queꞌxqꞌue retal li cꞌaꞌru yo̱queb li tenamit, laj Pablo ut laj Bernabé queꞌxpej li rakꞌeb retalil nak incꞌaꞌ quicuulac chiruheb li cꞌaꞌru yo̱queb chixba̱nunquil li tenamit. Ut queꞌco̱eb saꞌ a̱nil saꞌ xya̱nkeb li tenamit ut queꞌxye chi cau xya̱b xcuxeb:

Números 14:5

Ut laj Moisés ut laj Aarón queꞌxcut rib chiru chꞌochꞌ chiruheb chixjunileb laj Israel xban xrahil xchꞌo̱leb.

Números 14:7

Ut queꞌxye reheb chixjunileb laj Israel: —Li chꞌochꞌ li xocuulac chak chirilbal, aꞌan kꞌaxal cha̱bil.

Josué 14:6

Saꞌ jun li cutan queꞌcuulac Gilgal li ralal xcꞌajol laj Judá chi a̱tinac riqꞌuin laj Josué. Laj Caleb, li ralal laj Jefone, Cenaz xtenamit, quixye re laj Josué: —La̱at ac nacanau li cꞌaꞌru quixye li Ka̱cuaꞌ re laj Moisés, laj cꞌanjel chiru, nak quia̱tinac riqꞌuin saꞌ li naꞌajej Cades-barnea cha̱cuix la̱at ut chicuix ajcuiꞌ la̱in.

1 Crónicas 7:27

li ralal laj Elisama, aꞌan laj Nun; li ralal laj Nun, aꞌan laj Josué.