Números 14:43 - Li Santil hu

⁴³ Cui texpletik riqꞌuineb laj Amalec ut riqꞌuineb laj Canaán texcamsi̱k xbaneb. Li Dios incꞌaꞌ textenkꞌa xban nak xekꞌet li cꞌaꞌru quixye, chan laj Moisés reheb.

Q'eqchi Bible

⁴³ Xb'aan naq eb' laj Amalek ut eb' laj Kanahán wankeb' aran: te'raj yalok eerik'in ut eekamsinkil chi q'esnal ch'iich'. Laa'ex xekanab' li Qaawa', ut A'an moko wank ta chik sa' eeyanq”, chan laj Moisés reheb'.

Números 14:43 ပူးပေါင်းရင်းမြစ်များ

2 Crónicas 15:2

Joꞌcan nak laj Azarías qui-el chixcꞌulbal laj Asa ut quixye re: —At rey Asa, chacuabi taxak li cꞌaꞌru tinye a̱cue. Ut cherabihak ajcuiꞌ la̱ex li ralal xcꞌajol laj Judá ut la̱ex li ralal xcꞌajol laj Benjamín. Li Ka̱cuaꞌ ta̱cua̱nk e̱riqꞌuin cui la̱ex cua̱nkex riqꞌuin aꞌan. Cui te̱sicꞌ li Dios, aꞌan tixcꞌutbesi rib che̱ru. Abanan cui te̱tzꞌekta̱na, li Dios textzꞌekta̱na ajcuiꞌ la̱ex.

Números 14:25

Eb laj Amalec ut eb laj Canaán cuanqueb saꞌ li ru takꞌa aꞌan. Joꞌcan nak la̱ex texsukꞌi̱k cuulaj saꞌ li chaki chꞌochꞌ ut texxic cuan cuiꞌ li Caki Palau, chan li Dios.

Números 13:29

Saꞌ li naꞌajej Neguev cuan laj Amalec. Ut eb laj heteo, eb laj jebuseo ut eb laj amorreo cuanqueb saꞌ li naꞌajej li tzu̱l ru. Eb laj cananeo cuanqueb chire li palau ut chire li nimaꞌ Jordán, chanqueb.

Oseas 9:12

Ut cui ta teꞌni̱nka̱nk li ralal xcꞌajol, la̱in tebinmakꞌ chiruheb. Tokꞌobak ruheb nak tebincanab la̱in, chan li Ka̱cuaꞌ.

Isaías 63:10

Usta quirosobtesiheb, abanan eb laj Israel queꞌxtzꞌekta̱na toj retal nak quirahoꞌ xchꞌo̱l lix Santil Musikꞌ. Joꞌcan nak li Ka̱cuaꞌ quijoskꞌoꞌ ut xicꞌ chic queꞌileꞌ xban. Ut quixqꞌueheb chi rahobtesi̱c.

1 Crónicas 28:9

Ut la̱at, at Salomón, at cualal, chapa̱b li Ka̱cuaꞌ lix Dios la̱ yucuaꞌ ut chatcꞌanjelak chiru chi anchal a̱chꞌo̱l ut saꞌ ti̱quilal. Li Ka̱cuaꞌ, aꞌan naxnau cꞌaꞌru cuan saꞌ xchꞌo̱l li junju̱nk ut naxnau chanru lix naꞌleb. Cui la̱at ta̱sicꞌ li Dios, aꞌan ta̱tenkꞌa̱nk a̱cue. Cui ut ta̱tzꞌekta̱na, aꞌan tatxtzꞌekta̱na ajcuiꞌ la̱at chi junaj cua.

Jueces 16:20

Ut quixye re: —At Sansón, xeꞌchal laj filisteo cha̱chapbal, chan. Nak qui-aj ru laj Sansón quixye: —Tine̱lelik chiruheb joꞌ ninba̱nu rajlal, chan. Abanan incꞌaꞌ quixqꞌue retal nak ac xcanaba̱c xban li Ka̱cuaꞌ.

Deuteronomio 28:25

Li Ka̱cuaꞌ texcanab saꞌ rukꞌeb li xicꞌ nequeꞌiloc e̱re. Tzololnakex nak texxic chi pletic, abanan sachso chic e̱naꞌleb nak tex-e̱lelik ut te̱chaꞌchaꞌi e̱rib. Ut chixjunileb li cuanqueb saꞌ ruchichꞌochꞌ teꞌsachk xchꞌo̱leb che̱rilbal xban nak ma̱cꞌaꞌ chic le̱ cuanquil.

Levítico 26:17

La̱in incꞌaꞌ chic texintenkꞌa. Texincanab e̱junes re nak li xicꞌ nequeꞌiloc e̱re teꞌnumta̱k saꞌ e̱be̱n ut teꞌtakla̱nk saꞌ e̱be̱n. Tex-e̱lelik chiruheb usta incꞌaꞌ yo̱keb che̱ra̱linanquil.

Números 14:42

Mexxic xban nak li Ka̱cuaꞌ moco cuan ta chic e̱riqꞌuin. Eb li xicꞌ nequeꞌiloc e̱re teꞌnumta̱k saꞌ e̱be̱n.

Números 14:44

Abanan incꞌaꞌ queꞌabin chiru laj Moisés. Queꞌco̱eb ban saꞌ li naꞌajej li tzu̱l ru. Laj Moisés ut li Lokꞌlaj Ca̱x incꞌaꞌ queꞌel saꞌ li naꞌajej li cuanqueb cuiꞌ lix muheba̱leb.

Josué 7:12

Joꞌcan nak eb laj Israel incꞌaꞌ teꞌxcuy pletic riqꞌuineb li xicꞌ nequeꞌiloc reheb. Teꞌe̱lelik ban chiruheb xban nak xeꞌxbok raylal saꞌ xbe̱neb xban nak xeꞌxxoc li ac kꞌaxtesinbil re sachecꞌ. La̱in incꞌaꞌ chic tincua̱nk e̱riqꞌuin cui incꞌaꞌ te̱sach ru li cꞌaꞌru xeꞌxxoc.

Josué 22:15

Eb aꞌan queꞌtakla̱c saꞌ li naꞌajej Galaad chi a̱tinac riqꞌuineb li ralal xcꞌajol laj Rubén, li ralal xcꞌajol laj Gad, ut li yijach li ralal xcꞌajol laj Manasés.

Salmos 44:10

Xoa̱qꞌue chi e̱lelic chiruheb li xicꞌ nequeꞌiloc ke. Ut li cꞌaꞌru cuan ke, xeꞌxmakꞌ chiku ut queꞌxcꞌam chokꞌ reheb.