Números 14:40 - Li Santil hu

⁴⁰ Joꞌ cuulajak chic nak toj ekꞌela chi us queꞌco̱eb saꞌ xbe̱n jun li tzu̱l ut queꞌxye: —Ya̱l nak xoma̱cob, abanan anakcuan toxic saꞌ li naꞌajej li quixyechiꞌi ke li Ka̱cuaꞌ, chanqueb.

Q'eqchi Bible

⁴⁰ Toj eq'la chi us ke'wakliik ut ke'taqe'k toj sa' ru'uj li tzuul; ke'xye: “Wanko arin. Taqe'qo sa' li na'ajej xyeechi'om qe li Qaawa', xb'aan naq xoomaakob'k”, chankeb'.

Números 14:40 ပူးပေါင်းရင်းမြစ်များ

Deuteronomio 1:41

Tojoꞌnak la̱ex queye, “La̱o xoma̱cob chiru li Ka̱cuaꞌ. La̱o toxic chi pletic. Takaba̱nu li cꞌaꞌru tixye ke li Ka̱cuaꞌ li kaDios,” chanquex. Ut quecauresi e̱rib chi xic chi pletic saꞌ li naꞌajej li tzu̱l ru.

San Lucas 13:25

Nak acak xtzꞌap li oqueba̱l laj e̱chal re li cab, la̱ex texcana̱k chirix cab ut te̱tochꞌ raj chic li puerta ut te̱ye, “Ka̱cuaꞌ, Ka̱cuaꞌ, te li puerta chiku”, chaꞌkex. Abanan aꞌan ta̱chakꞌok ut tixye e̱re, “Incꞌaꞌ ninnau e̱ru bar xexchal chak”, chaꞌak.

Eclesiastés 9:3

Li cꞌaꞌru incꞌaꞌ us ninqꞌue retal, aꞌan nak juntakꞌe̱t nequeꞌxcꞌul chixjunileb li cuanqueb saꞌ ruchichꞌochꞌ. Junes ma̱usilal ut to̱ntil naꞌleb nequeꞌxcꞌoxla xba̱nunquil joꞌ najtil nequeꞌcuan saꞌ ruchichꞌochꞌ. Ut chirix aꞌan nequeꞌcam.

Números 15:30

Abanan li ani naxkꞌet junak li chakꞌrab chi yal naraj xchꞌo̱l, li jun aꞌan ta̱camsi̱k usta aj Israel usta jalan xtenamit. Ta̱camsi̱k xban nak quinixtzꞌekta̱na la̱in li Ka̱cuaꞌ.

Números 22:34

Laj Balaam quixye re lix ángel li Ka̱cuaꞌ: —La̱in xinma̱cob. La̱in incꞌaꞌ xinnau nak xakxo̱cat arin chixrambal inbe. Cui incꞌaꞌ nacacuaj nak tinxic, la̱in tinsukꞌi̱k saꞌ cuochoch, chan.

Deuteronomio 1:43

La̱in quinye e̱re cꞌaꞌru quixye cue li Ka̱cuaꞌ. Abanan la̱ex incꞌaꞌ queraj rabinquil li cꞌaꞌru quinye. Quekꞌetkꞌeti ban e̱rib chiru li Ka̱cuaꞌ. Quekꞌet li ra̱tin ut co̱ex chi pletic saꞌ li naꞌajej li tzu̱l ru.