Números 14:35 - Li Santil hu

³⁵ Relic chi ya̱l nak tinba̱nu e̱re joꞌ xinye xban nak junaj e̱chꞌo̱l nak xekꞌetkꞌeti e̱rib chicuu. Saꞌ li chaki chꞌochꞌ aꞌin tex-osokꞌ. Arin texca̱mk, chan li Ka̱cuaꞌ.

Q'eqchi Bible

³⁵ Laa'in li Qaawa' xin'aatinak. Jo'kan tinb'aanu re chixjunil li komonil a'in yib'ru xna'leb'eb' li xe'xch'utub' rib' chi xwech'b'al wix. Sa' li chaqich'och' a'in maajun tkanaaq: te'kamq chixjunileb', chan li Qaawa'.

Números 14:35 ပူးပေါင်းရင်းမြစ်များ

Números 23:19

Li Dios moco cui̱nk ta. Li Dios incꞌaꞌ naticꞌtiꞌic chi moco naxjal xcꞌaꞌux. Junelic naxba̱nu li cꞌaꞌru naxye. Ut junelic naxba̱nu li cꞌaꞌru naxyechiꞌi.

1 Corintios 10:5

Abanan moco chixjunileb ta queꞌxba̱nu joꞌ naraj li Dios. Lix qꞌuialeb queꞌxkꞌet ra̱tin li Dios ut xban nak incꞌaꞌ queꞌxba̱nu joꞌ naraj li Dios, joꞌcan nak queꞌcam saꞌ li chaki chꞌochꞌ ut incꞌaꞌ queꞌoc saꞌ li tenamit Canaán.

Hebreos 3:19

Ut relic chi ya̱l xbaneb lix kꞌetba a̱tin, incꞌaꞌ queꞌoc chi hila̱nc saꞌ li cha̱bil naꞌajej.

Números 26:65

Ma̱ jun li queꞌajla̱c junxil cuan saꞌ xya̱nkeb xban nak li Ka̱cuaꞌ quixye nak teꞌca̱mk saꞌ li chaki chꞌochꞌ. Caꞌaj cuiꞌ laj Caleb li ralal laj Jefone, ut laj Josué li ralal laj Nun queꞌcana chi yoꞌyo.

1 Corintios 10:11

Li cꞌaꞌru queꞌxcꞌul li kaxeꞌto̱nil yucuaꞌ aꞌan tzꞌi̱banbil retalil saꞌ li Santil Hu re nak la̱o takaqꞌue retal ut incꞌaꞌ takaba̱nu joꞌ queꞌxba̱nu eb aꞌan xban nak cuulac re li rosoꞌjic li cutan.

Salmos 78:33

Joꞌcan nak eb laj Israel qꞌuila chihab yo̱queb chixnumsinquil lix yuꞌameb saꞌ li chaki chꞌochꞌ chi ma̱cꞌaꞌ rajbal ut nabal li raylal queꞌxcꞌul.

Éxodo 23:21

Chex-abi̱nk chiru ut cheba̱nu li cꞌaꞌru naxye. Me̱kꞌetkꞌeti e̱rib chiru xban nak aꞌan incꞌaꞌ tixcuy e̱ma̱c. Li cꞌaꞌru tixba̱nu aꞌan, tixba̱nu saꞌ incꞌabaꞌ la̱in.

Josué 5:6

Eb laj Israel queꞌbe̱c saꞌ li chaki chꞌochꞌ chiru caꞌcꞌa̱l chihab toj retal queꞌcam chixjunileb li cui̱nk li queꞌel chak Egipto, li tzꞌakal xchihabeb re xic chi pletic. Queꞌcam xban nak incꞌaꞌ queꞌxba̱nu li quixye li Ka̱cuaꞌ. Joꞌcan nak li Dios quixye riqꞌuin juramento nak incꞌaꞌ naru teꞌoc saꞌ li cha̱bil naꞌajej li quixyechiꞌi reheb lix xeꞌto̱nil yucuaꞌ, li naꞌajej bar na-el cuiꞌ chi us li acui̱mk ut li sahil echej.

Ezequiel 20:36

La̱in tinrakok a̱tin saꞌ e̱be̱n joꞌ nak quinrakoc a̱tin saꞌ xbe̱neb le̱ xeꞌto̱nil yucuaꞌ saꞌ li chaki chꞌochꞌ li cuan saꞌ xcue̱nt Egipto. La̱in li nimajcual Dios ninyehoc re aꞌin.