Números 14:33 - Li Santil hu

³³ Eb le̱ ralal e̱cꞌajol teꞌcua̱nk saꞌ li chaki chꞌochꞌ. Chiru caꞌcꞌa̱l chihab teꞌxbeni ribeb. Teꞌxcꞌul chi joꞌcan toj ta̱cuulak xkꞌehil nak texca̱mk che̱junilex saꞌ li chaki chꞌochꞌ xban nak xekꞌetkꞌeti e̱rib.

Q'eqchi Bible

³³ ut eb' leeralal eek'ajol te'xb'eeni rib' sa' li chaqich'och' chiru ka'k'aal chihab' ut te'xtoj rix leeq'etq'etil, toj reetal tex'oso'q chejunilex chi junwaakaj sa' li chaqich'och'.

Números 14:33 ပူးပေါင်းရင်းမြစ်များ

Ezequiel 23:35

Joꞌcaꞌin naxye li nimajcual Dios: —Xban nak quine̱tzꞌekta̱na ut incꞌaꞌ chic niquine̱cꞌoxla, joꞌcan nak texinqꞌue chixtojbal le̱ ma̱c ut li ma̱usilal li xeba̱nu.—

Números 32:13

Cꞌajoꞌ nak quijoskꞌoꞌ li Dios saꞌ xbe̱neb laj Israel. Joꞌcan nak quixqꞌueheb chixbeninquil ribeb saꞌ li chaki chꞌochꞌ chiru caꞌcꞌa̱l chihab toj retal queꞌosoꞌ chixjunileb li queꞌxba̱nu li incꞌaꞌ us chiru li Ka̱cuaꞌ.

Salmos 107:40

Li Dios quichal xjoskꞌil saꞌ xbe̱neb li yo̱queb chi rahobtesi̱nc reheb lix tenamit ut quixqꞌueheb chixbeninquil ribeb yalak bar ut incꞌaꞌ nequeꞌxtau bar nequeꞌxic.

Deuteronomio 2:14

Cuakxaklaju xcaꞌcꞌa̱l (38) chihab kelic Cades-barnea toj chalen nak conumeꞌ jun pacꞌal li nimaꞌ Zered. Ac camenakeb chic chixjunileb li cui̱nk li nequeꞌxic chi pletic joꞌ quixye li Dios riqꞌuin juramento.

Oseas 9:1

Quixye laj Oseas: —Anakcuan incꞌaꞌ chic ta̱sahokꞌ saꞌ e̱chꞌo̱l la̱ex aj Israel joꞌ nak nasahoꞌ saꞌ xchꞌo̱leb li tenamit li incꞌaꞌ nequeꞌpa̱ban. Xesicꞌ jalan le̱ dios chiru li Ka̱cuaꞌ. La̱ex xecꞌoxla nak le̱ dios li xesicꞌ, aꞌan xqꞌuehoc re chi u̱chi̱nc le̱ racui̱mk.

Salmos 107:4

Eb aꞌan queꞌxbeni ribeb saꞌ li chaki chꞌochꞌ ut incꞌaꞌ queꞌxtau junak tenamit bar naru teꞌcua̱nk cuiꞌ.

Josué 14:10

Anakcuan ac xnumeꞌ o̱b roxcꞌa̱l (45) chihab nak li Dios quixye aꞌin re laj Moisés nak toj yo̱queb chak chi numecꞌ saꞌ li chaki chꞌochꞌ eb laj Israel. Joꞌ quixyechiꞌi chak cue, chalen anakcuan toj yo̱ chixqꞌuebal inyuꞌam. Anakcuan o̱b roꞌcꞌa̱l (85) chihab chic cuan cue.

Deuteronomio 1:3

Saꞌ li xbe̱n cutan nak yo̱ li junlaju po re li caꞌcꞌa̱l chihab li reliqueb Egipto nak laj Moisés quia̱tinac riqꞌuineb laj Israel ut quixye reheb chixjunil li quiyeheꞌ re xban li Ka̱cuaꞌ.

Números 33:38

Nak cuanqueb aran laj Aarón laj tij quitakeꞌ saꞌ li tzu̱l Hor joꞌ quiyeheꞌ re xban li Dios. Ut aran quicam laj Aarón saꞌ li xbe̱n cutan re li roꞌ po nak ac cuan chic caꞌcꞌa̱l chihab reliqueb laj Israel saꞌ li naꞌajej Egipto.

Números 5:31

Cui li ixk quixmux ru xsumlajic, tento nak tixtoj rix lix ma̱c ut li be̱lomej ma̱cꞌaꞌak xma̱c.

Hechos 7:36

Laj Moisés, aꞌan li qui-isin reheb Egipto. Nabal li milagro ut li sachba chꞌo̱lej quixba̱nu aran Egipto ut saꞌ li Caki Palau. Chiru caꞌcꞌa̱l chihab quicꞌamoc be chiruheb saꞌ li chaki chꞌochꞌ.

Éxodo 20:5

Me̱cuikꞌib e̱rib chiruheb li yi̱banbil dios, chi moco chelokꞌoniheb. La̱in li Ka̱cuaꞌ le̱ Dios. Cau cuib. La̱in incꞌaꞌ nacuulac chicuu nak jalan te̱qꞌue xlokꞌal. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb li xicꞌ nequeꞌiloc cue.

Deuteronomio 2:7

Li Ka̱cuaꞌ le̱ Dios quexrosobtesi riqꞌuin chixjunil li cꞌaꞌru queba̱nu. Aꞌan qui-iloc e̱re chiru li caꞌcꞌa̱l chihab nak yo̱quex chi numecꞌ saꞌ li chaki chꞌochꞌ. Ut quicuan e̱riqꞌuin ut ma̱cꞌaꞌ quipaltoꞌ che̱ru.

Deuteronomio 8:2

Chijulticokꞌ e̱re chanru nak li Ka̱cuaꞌ le̱ Dios quicꞌamoc be che̱ru chiru caꞌcꞌa̱l chihab nak cuanquex chak saꞌ li chaki chꞌochꞌ. Quixtakla li raylal saꞌ e̱be̱n re xyalbal e̱rix, ut re te̱cubsi e̱rib, ut re ajcuiꞌ nak tixnau cꞌaꞌru cuan saꞌ le̱ chꞌo̱l, ma te̱ba̱nu lix chakꞌrab malaj ut incꞌaꞌ.

Deuteronomio 8:4

Chiru li caꞌcꞌa̱l chihab incꞌaꞌ quikꞌeloꞌ le̱ rakꞌ chi moco quisi̱poꞌ le̱ rok nak cuanquex aran.

Deuteronomio 29:5

Chiru caꞌcꞌa̱l chihab nak la̱in xincꞌamoc be che̱ru saꞌ li chaki chꞌochꞌ, incꞌaꞌ x-osoꞌ le̱ rakꞌ chi moco le̱ xa̱b li cuan che̱rok.

Josué 5:6

Eb laj Israel queꞌbe̱c saꞌ li chaki chꞌochꞌ chiru caꞌcꞌa̱l chihab toj retal queꞌcam chixjunileb li cui̱nk li queꞌel chak Egipto, li tzꞌakal xchihabeb re xic chi pletic. Queꞌcam xban nak incꞌaꞌ queꞌxba̱nu li quixye li Ka̱cuaꞌ. Joꞌcan nak li Dios quixye riqꞌuin juramento nak incꞌaꞌ naru teꞌoc saꞌ li cha̱bil naꞌajej li quixyechiꞌi reheb lix xeꞌto̱nil yucuaꞌ, li naꞌajej bar na-el cuiꞌ chi us li acui̱mk ut li sahil echej.

Salmos 78:33

Joꞌcan nak eb laj Israel qꞌuila chihab yo̱queb chixnumsinquil lix yuꞌameb saꞌ li chaki chꞌochꞌ chi ma̱cꞌaꞌ rajbal ut nabal li raylal queꞌxcꞌul.