Números 14:3 - Li Santil hu

³ ¿Cꞌaꞌut nak xoxcꞌam chak li Ka̱cuaꞌ saꞌ li naꞌajej aꞌin yal re nak tocamsi̱k? Ut, ¿cꞌaꞌut nak tixcanabeb chi chapecꞌ li kixakil ut eb li kacocꞌal? ¿Ma incꞌaꞌ raj us nak tosukꞌi̱k cuiꞌchic Egipto? chanqueb.

Q'eqchi Bible

³ K'a'ut naq li Qaawa' xooxk'am chaq sa' li na'ajej a'in? Ma yal re naq tookamq chiru q'esnal ch'iich'? Ma yal re naq eb' li qixqilal ut eb' li qalal qak'ajol te'k'anjelaq chiruheb' li xik' neke'ilok qe? Ma ink'a' raj us naq toosutq'iiq wi' chik Ejiipt?”, chankeb'.

Números 14:3 ပူးပေါင်းရင်းမြစ်များ

Jeremías 9:3

Li Ka̱cuaꞌ quixye: —Junelic se̱beb xchꞌo̱l chi ticꞌtiꞌic lin tenamit. Chanchaneb li nequeꞌcutuc riqꞌuin tzimaj. Nequeꞌxqꞌue xcuanquil li ticꞌtiꞌ ut incꞌaꞌ nequeꞌxqꞌue xcuanquil li ya̱l. Numtajenak li ma̱usilal nequeꞌxba̱nu ut incꞌaꞌ nequeꞌraj xqꞌuebal inlokꞌal, la̱in li Ka̱cuaꞌ.

Salmos 78:40

Nabal sut queꞌxkꞌetkꞌeti ribeb chiru li Dios nak cuanqueb saꞌ li chaki chꞌochꞌ ut queꞌxqꞌue xrahil xchꞌo̱l.

Hechos 7:39

Abanan eb li kaxeꞌto̱nil yucuaꞌ incꞌaꞌ queꞌraj xpa̱banquil li cꞌaꞌru quixye. Queꞌxtzꞌekta̱na ban ut queꞌraj raj sukꞌi̱c cuiꞌchic Egipto.

Éxodo 5:21

Ut queꞌxye reheb, —Li Ka̱cuaꞌ Dios taxak chiqꞌuehok re̱kaj li cꞌaꞌru yo̱quex la̱ex. E̱ma̱c la̱ex nak laj faraón joꞌ ajcuiꞌ li nequeꞌtaklan kꞌaxal cuiꞌchic yo̱queb xjoskꞌil saꞌ kabe̱n. Teꞌraj ajcuiꞌ kacamsinquil, chanqueb re laj Moisés.

Éxodo 16:3

Queꞌxye reheb: —Incꞌaꞌ ta peꞌ cuan co-el chak Egipto. Kꞌaxal us raj nak coxcamsi ta li Ka̱cuaꞌ Dios nak toj cuanco chak saꞌ li tenamit Egipto. Aran sa cuanco cuiꞌ. Cuan katib ut cuan kacaxlan cua ut nujenako chi junelic. Ut la̱ex xoe̱cꞌam chak arin saꞌ li chaki chꞌochꞌ ut yo̱co chi xcuybal li kasaꞌ ut ca̱mc ke xban cueꞌej, chanqueb.

Números 16:13

¿Ma incꞌaꞌ tzꞌakal riqꞌuin nak xoa̱cuisi saꞌ li tenamit li na-el cuiꞌ chi us li acui̱mk re toca̱mk saꞌ li chaki chꞌochꞌ? ¿Ma toj ta̱cuaj tattakla̱nk saꞌ kabe̱n saꞌ joskꞌil?

Números 20:3

Ut queꞌoc chixcuechꞌinquil laj Moisés ut queꞌxye: —Us raj nak cocam rochbeneb li jun chꞌol chic laj Israel li queꞌqꞌueheꞌ chi ca̱mc xban li Ka̱cuaꞌ.

Números 21:5

Queꞌxcuechꞌi rix li Dios ut queꞌxcuechꞌi ajcuiꞌ laj Moisés ut queꞌxye: —¿Cꞌaꞌut nak xoa̱cuisi chak Egipto? ¿Ma xoa̱cꞌam chak saꞌ li chaki chꞌochꞌ re toca̱mk? Arin ma̱cꞌaꞌ haꞌ re takucꞌ ut ma̱cꞌaꞌ cua. Xotitzꞌ riqꞌuin li tzacae̱mk aꞌin. Incꞌaꞌ sa, chanqueb.

Deuteronomio 1:39

Teꞌoc le̱ ralal e̱cꞌajol li toj ma̱jiꞌ nequeꞌxqꞌue retal cꞌaꞌru li us ut cꞌaꞌru li incꞌaꞌ us. Aꞌaneb li queye nak teꞌchapekꞌ ut teꞌcꞌamekꞌ chi pre̱xil, abanan la̱in tinqꞌue li naꞌajej reheb aꞌan. Aꞌaneb li teꞌe̱chani̱nk re.

Números 11:20

Tinqꞌueheb ban chi tiꞌoc tib chi cuulaj cuulaj chiru jun po toj retal teꞌnujak ut teꞌxaꞌcuak xban xqꞌuial li teꞌxtzaca. Teꞌyibok chic xban nak incꞌaꞌ chic teꞌraj ru. Tinba̱nu reheb chi joꞌcan xban nak xineꞌxtzꞌekta̱na ut xban ajcuiꞌ nak quineꞌxcuechꞌi ut queꞌxye nak kꞌaxal us raj cui incꞌaꞌ xeꞌel Egipto, chan li Ka̱cuaꞌ.

Nehemías 9:17

Incꞌaꞌ queꞌraj xba̱nunquil li cꞌaꞌru caye reheb chi moco queꞌjulticoꞌ reheb li xni̱nkal ru milagro caba̱nu chak reheb junxil. Queꞌxcacuubresi ban xchꞌo̱leb ut queꞌxkꞌetkꞌeti ribeb cha̱cuu. Xban xcacuil xchꞌo̱leb queꞌoc xsicꞌbal junak re ta̱cꞌamok be chiruheb re teꞌsukꞌi̱k cuiꞌchic Egipto. Abanan la̱at, at Dios, kꞌaxal nim la̱ cuyum. Incꞌaꞌ nacatjoskꞌoꞌ saꞌ junpa̱t. Kꞌaxal cha̱bilat ut nacat-uxta̱nan u. Joꞌcan nak incꞌaꞌ catzꞌekta̱naheb.

Jeremías 42:14

Cui te̱ye nak texxic chi cua̱nc Egipto bar nequecꞌoxla nak incꞌaꞌ ta̱cua̱nk li pletic chi moco te̱rabi xya̱b li trompeta, chi moco te̱cꞌul cueꞌej,

Jeremías 42:19

La̱ex aj Judá, li incꞌaꞌ quisacheꞌ e̱ru, li Ka̱cuaꞌ xye nak incꞌaꞌ texxic Egipto. La̱in ninye xya̱lal e̱re anakcuan. Checꞌoxlak chi us cꞌaꞌru te̱ba̱nu.